1 थेस्सलु 3:5 - Walangi

⁵ तोउं त जपल मोउं केआं बिशियेरु नेओथ त तुं विश्वासे हाल चाल पुछुण जे तिमुथियुस लंघा। किस कि मोउं डर थिआ कि जीं तीं कर कइ शैताने तुस परीक्षा अन्तर गोताई छो भोल त हें कमाई इहांणि बेकार भोई गई।

1 थेस्सलु 3:5 Iomraidhean Croise

मत्ती 4:3

त लचेरणे बाड़ा यीशु भेएड़ आ त तेस जे बोलुण लगा, “अगर तु परमेश्वरे कुआ भो त बोल कि ई घोड़ रौठि बण घिए।”

प्रतिनिधि 15:36

किछ रोजे पता पौलुसे बर्नबास जे बोलु, “जेन्हि जेन्हि शेहरी असी प्रभु वचन शुणाओ थिए, चले, फि घेई कइ अपु भाई भेणि हेरते कि से कीं असे।”

1 कुरिन्थ 7:5

तुसी दुहि यक होरी केआं बछाण न केहरुण, पर दुहि के रजामंदि जोई प्रार्थना दुआ करण जे किछ वकते लिए बछाण केहर रखुंण। तोउं पता फि बछाण यक कइ छाण। न त ईं न भो कि मन बेशब्री कइ शैतान तुसी बेहकाइ छड़ाल।

2 कुरिन्थ 2:11

ना त अस शैताने चाल अन्तर फस घेन्ते, किस की असी पता असा कि तसे चाल की असी।

2 कुरिन्थ 6:1

परमेश्वर जुए साते कम करणे बझई जुए अस तुं छने कते कि परमेश्वरे जे कृपादृष्टि तुसी पुठ किओ असी, तस बेकार न भुण दिए।

गलाती 2:2

परमेश्वरे दुतो दर्शण बझई जुए ईं अउं ता जे गा। त अउं गैर यहूदी बुच जे खुश खबरी प्रचार कताथ, तसे बारे तठि सतसंगे मुखिया जे अकेले अन्तर बोलु। मोउं इ ठीक करण थी कि जेस खुश खबरी जे अउं एत कष्ट कता त दुख सेहन्ता, से बेकार ना लौती गओ।

गलाती 4:11

मोउं त डर असा कि तुसी जे मेईं जे कष्ट किओ थिआ, से शयद बेकार भोई घेन्ता।

इफिसुस 4:14

तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।

फिलिप्पी 2:16

तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

फिलिप्पी 2:19

प्रभु यीशु चहाल त अउं झट तुसी केईं तिमुथियुस लंघान्ता, ताकि तुं हाले बारे पता लाई कइ मोउं धिक शान्ति मेईंयेल।

1 थेस्सलु 2:1

ए भाई त भेणिओं! तुसी पता असा की हें तुं भेएड़ एण बेकार न भु।

1 थेस्सलु 3:6

पर अभेईं तिमुथियुस, जे तुं भेएड़ केआं वापिस अओ असा, तेन तुं विश्वास त परेम बारे बधिआ खबर शुणाई। होर तेन असी जे ईं बोक बि लाई कि तुस असी बोडे परेम जुए याद कते त जीं अस तुसी जोई मीण चहन्ते, तीं तुस बि असी जोई मीण चहन्ते।