1 थेस्सलु 3:4 - Walangi

⁴ किस कि पेहले बि जपल अस तुं अठि थिए त अस तुसी जे बोतेथ कि असी दुख त कष्ट सेहण जरूरी असे। होर इहांणि बि भु, जेस तुस बि जाणते।

1 थेस्सलु 3:4 Iomraidhean Croise

मत्ती 24:25

हेरे, मेईं पेहलाई इ सोब कुछ तुसी जे बोल छो असु।

प्रतिनिधि 17:1

तोउं पौलुस त तसे साथी अम्फिपुलिस त अपुल्लोनिया शेहर बइ हंट कइ थेस्सलुनीका शेहर अन्तर आए, जेठि यहूदी मेह्‍णु के अराधनालय थिआ।

प्रतिनिधि 17:13

पर जपल थेस्सलुनीका शेहरे यहूदी मेह्‍णु पता लगा कि पौलुस बिरीया शेहर अन्तर बि परमेश्वरे वचन शुणान्ता, त तेन्हि तठि बि एई कइ मेह्‍णु उकसे त हल्ला करण लगे।

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

1 थेस्सलु 2:14

किस कि ए भाई त भेणिओं! तुस बि परमेश्वरे तेस सतसंगे ईं बणि गो असे, जे यहूदिया राज्य अन्तर यीशु मसीह अन्तर असे। किस कि जीं यहूदिया राज्ये विश्वासी यहूदी मेह्‍णु केआं कष्ट सेहो थिए, तीं तुसी बि अपु देशे मेह्‍णु केआं कष्ट सेहे।

1 थेस्सलु 2:2

होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

2 थेस्सलु 2:5

तुसी याद नेईं ना कि जपल अउं तुसी जुए थिआ त एसे बारे तुसी जे समझान्ताथ?

2 थेस्सलु 3:10

किस कि जपल अस तुं ए थिए त असी तुसी जे निआंग दुतो थी कि “अगर कोई कमाण ना चहन्ता त तस खांजे बि ना खाण।”