1 थेस्सलु 3:3 - Walangi

³ जेस बेलि कोई बि भाई या भेण इन्हि दुखी त कष्टी के बझई जोई डर ना घिए। किस कि तुस अपफ जाणते कि असी इन्हि जुए बिशुण असु।

1 थेस्सलु 3:3 Iomraidhean Croise

लूका 21:12

पर इन्हि सोब बोकी केआं पेहले से में नओं बझई जुए तुसी टान्ते, त भुंजान्ते, त टजे हवाले कइ छते। त अफसर त राजी के सम्हाणि पेश कर कइ तुसी पुठ दोष लान्ते, त से तुसी जेहेल अन्तर छते।

यूहन्ना 16:2

से तुसी अराधनालय केईआं बाहर किढ़ छते। ईं बि टेम एन्ता, जपल मेह्‍णु तुसी मार कइ समझते कि से परमेश्वरे सेवा करण लगो असे।

यूहन्ना 16:33

ई सोब बोक मेईं तुसी जे तोउं बोली कि में बेलि तुसी शान्ति मेईंयेल। इस मतोक अन्तर तुसी दुख भुन्ता, पर हिम्मत रखे, किस कि मेईं ई मतोक जीतो असा।”

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

प्रतिनिधि 2:25

किस कि दाऊद राजा तसे बारे बोता, ‘अउं प्रभु हमेशा अपु समाणि हेरता रेहा, अउं कमजोर ना भुन्ता, किस कि से में देहणा कना असा;

प्रतिनिधि 21:11

तेन हें भेएड़ एई कइ पौलुसे मझीन नीउ, त अपु हथ खुर बन्हि कइ बोलु, “शुची आत्मा ईं बोती कि जेस मेह्‍णु ई मझीन भो, तेस यरुशलेम शेहर अन्तर यहूदी मेह्‍णु इहांणि बन्हते, त गैर यहूदी मेह्‍णु के हवाले कते।”

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

प्रतिनिधि 9:16

होर अउं तेस हरालता कि में नओएं लिए तेस की की दुख सेहण एन्ते।”

रोमी 5:3

सद एईएं ना, अस त दुख तकलीफ अन्तर बि खुश बिश्ते, किस कि असी पता असा कि दुख तकलीफे बेलिए सीढ़णे ताकत बधती,

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

1 कुरिन्थ 4:9

मोउं ईं लगतु कि परमेश्वरे अस प्रतिनिधि तेन्हि कैदी के ईं बणो असे, जेन्हि मरणे सज्जा मेई गो असी, होर जे यक जीतो राजे हुसुड़े पता पता एन्ते। अस त इस मतोके लिए, होर स्वर्गेदूत त मेह्‍णु के लिए हसाड़ बण गो असे।

इफिसुस 3:13

तुसी जे, जे कष्ट अउं सेहन्ता, एसेरी बेलि तुं फायदा भुन्ता। त अउं हथ जोड़ता कि तुस अपु हिम्मत ना छड़े।

फिलिप्पी 1:28

से चहे जीं बि करियेल, तुस तेन्हि हेर ना डरे जे तुं विरोध कते। किस कि अगर से तुसी नडर हेरते त तेन्हि पता लग घेन्ता कि परमेश्वर तेन्हि मुकाई छता त तुसी बचान्ता।

कुलोसी 1:23

ई तपल भोई सकतु जपल तुस अपु विश्वास जब्बर टाइ रख कइ टिग बिश्ते त खुश खबरी अन्तर, जेस उम्मीदे बारे तुसी शुणो असु तस कदी ना छते। एस खुश खबरी सोबी मेह्‍णु के अगर प्रचार भुण लगो असा त अउं पौलुस असे प्रचार करण जे सेवक बणो असा।

1 थेस्सलु 5:9

किस की परमेश्वरे असी अपु कोप जे ना, बल्कि हें प्रभु यीशु मसीह अन्तर बचुण जे ठीक किओ असु।

2 थेस्सलु 1:4

तोउं त अस अपफ परमेश्वरे सतसंग अन्तर तुं बारे रोभ किढ़ते, किस कि सुआ भुंजाणे पता बि तुसी अपु विश्वास त लाह छड़ ना दिता।

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

1 पतरस 2:21

होर परमेश्वरे तुस एसेरी लिए ईं भिओ बि असे कि तुस बि तेसेरीं चाल हंटे, किस कि मसीहे बि तुं लिए दुख सेह कइ तुसी जे यक नमूना बणो असा।

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।