1 थेस्सलु 3:2 - Walangi

² त असी मसीहे खुश खबरी अन्तर हें भाई त परमेश्वरे सेवा करण अन्तर हें साथी तिमुथियुस तुं भेएड़ जे लंघा, ताकि से विश्वास अन्तर तुसी मजबूत कराल त हिम्मत दियाल,

1 थेस्सलु 3:2 Iomraidhean Croise

प्रतिनिधि 16:1

तोउं पौलुस, त सीलास देरबे त लुस्त्रा शेहर पूज गे। तठि तिमुथियुस नओएं यक विश्वासी भाई थिआ। तसे बोउ यूनानी थिआ त ई यहूदण थी, पर मसीह पुठ विश्वास कतीथ।

प्रतिनिधि 16:5

ईं कर कइ हर जगाई सतसंग विश्वास अन्तर पक्के भुन्ते गे त रोज रोज विश्वासी बि बधते गे।

प्रतिनिधि 18:5

जपल सीलास त तिमुथियुस मकिदुनिया राज्य केआं आए, त पौलुस डेरा बणाणे धन्‍दा छड़ दी कइ पूरे टेम खुश खबरी शुणाण लगा त यहूदी मेह्‍णु जे उगाह देण लगा कि यीशु ईं मसीह भो।

रोमी 16:21

मोउं जोई साते कम करणे बाड़ा तिमुथियुस, होर में ईं यहूदी लूकियुस, यासोन त सोसिपत्रुस तुसी जे नमस्कार कते।

1 कुरिन्थ 3:10

परमेश्वरे अपु बोके मेह्‍णु शिचालणे जे वर मेन्धे दुतो असा, तसे बेलि जीं अब्बल मिस्त्री खाई देन्ता तीं मेईं बि मेह्‍णु शिचाल कइ विश्वासे खाई दुतो असी। त होरा जेईं तेस पुठ चणाई करण लगो असा। पर हर यक मेह्‍णु चलाकी जुए बिशे, कि से तेस पुठ की चणाई कता।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

2 कुरिन्थ 1:19

होर परमेश्वरे कुआ यीशु मसीह हमेशा यकीन लेएक असा, जेसे बारे अउं पौलुस, सिलवानुस त तिमुथियुस तुं बुच प्रचार किओ असा। से कदी झूठ ना बोता।

2 कुरिन्थ 2:12

जपल अउं त्रोआस शेहर अन्तर मसीहे खुश खबरी प्रचार करण जे पुजा त प्रभु मेन्धे मौका दिता।

2 कुरिन्थ 2:13

पर ट्यारा भाई तीतुस ना भुणे बझई जुए में मन तठि न लगा। त अउं तेन्हि छड़ दी कइ मकिदुनिया राज्य जे घेई गा।

2 कुरिन्थ 8:23

तीतुसे बारे अगर कोई पुछता त से खुश खबरी प्रचार करण अन्तर में साथी असा त तुसी बुछ सेवा कता। जे होरे भाई एण लगो असे, से सतसंगे चुणो अपु प्रतिनिधि असे। तेन्के बेलि मसीहे सुआ महिमा भुन्ति।

फिलिप्पी 1:25

त इसे ध्यान अन्तर रख कइ मोउं पूरा यकीन असा कि अउं इस धरती पुठ जीन्ता रेहन्ता, त तुसी जुए साते बिश कइ मसीह अन्तर तुं खुशी त विश्वास बधान्ता।

कुलोसी 1:1

ट्यारे कुलोसी शेहरे शुचे त विश्वासी भाई त भेणिओं! अउं जे परमेश्वरे इच्छाई बेलि यीशु मसीहे प्रतिनिधि बणो असा, अउं पौलुस त भाई तिमुथियुस तुसी सोबी जे नमस्कार कते। हें परमपिता परमेश्वरे कृपादृष्टि तुसी पुठ भुन्ति रिहे त शान्ति तुसी मेती रिहे। आमीन

कुलोसी 1:7

तुस एसे बारे हें ट्यारा साथी त मसीहे यकीन लेएक सेवक भाई इपफ्रास केआं शिचे।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

कुलोसी 4:9

तस जुए मेईं उनेसिमुस बि लंघो असा, जे तुं अठियाणि भो। से बि यकीन लेएक भाई त ट्यारा असा।

1 थेस्सलु 3:13

ताकि, से तुं मन ईं शुचा बणाल कि जपल हें प्रभु यीशु मसीह अपु सोब शुचा मेह्‍णु जुए एन्ता त हें परमेश्वरे त बोउए सम्हाणि तुं मन बजन दोषे मेईंयाल।

1 थेस्सलु 3:5

तोउं त जपल मोउं केआं बिशियेरु नेओथ त तुं विश्वासे हाल चाल पुछुण जे तिमुथियुस लंघा। किस कि मोउं डर थिआ कि जीं तीं कर कइ शैताने तुस परीक्षा अन्तर गोताई छो भोल त हें कमाई इहांणि बेकार भोई गई।

2 थेस्सलु 2:17

से तुं मन अन्तर हिम्मत दिए त सम्हाई खरे कम करण जे, होर अपु वचन अन्तर बधुण जे शक्ति दिए।