1 थेस्सलु 3:12 - Walangi

¹² त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 3:12 Iomraidhean Croise

मत्ती 22:39

तसेरी ईं दोकी निआंग ई भो कि ‘तु अपु भेयाड़ी जोई अपु बराबर परेम कर।’

मत्ती 7:12

तोउं त जे कुछ तुस चहन्ते कि होरे मेह्‍णु तुसी जोई करे, तुसी बि तेन्हि जोई तिहांणि करुण, किस कि नियम त भविष्य वक्ती के मूल शिक्षा एईएं असी।”

लूका 17:5

तपल प्रतिनिधि प्रभु जे बोलु, “हें विश्वास बधाण दिए।”

रोमी 13:8

तुस अपफ बुछ परेम जोई बिशणे ऋण छड़ दी कइ, होर केसेरी ऋणि न बणे। किस कि जे होरी जोई परेम कते, तेन्हि नियम मनो असे।

2 कुरिन्थ 9:10

तोउं त, जे बाणे बाड़ी कें धे बिएजु देन्ता त खाणे बाड़ी कें धे खांजे देन्ता, से तुन्धे बाण जे सद बिएजु ना, बल्कि तुं खुले मन जोई दुतो दाने फल बि, केहि गुणा बधाई कइ देन्ता।

गलाती 5:22

पर नोउएं गुण जे शुची आत्माई बेलि असी मेता तसे बेलि अस परेम त खुशी जुए उई मी कइ बिश्ते। अस बोडे लाह रख कइ दाह जुए यक होरी मदत कते। हें मन अन्तर हर बेले शान्ति भुन्ति त अस सम्हाई अब्बल अब्बल कम कते, होर यकीन लेएक भुन्ते।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

1 थेस्सलु 2:8

असी तुस अत ट्यारे भोई गो थिए कि हर वकत तुं ख्याल एन्ताथ। तोउं त अस ना सद परमेश्वरे खुश खबरी तुसी जोई बांटण चहन्तेथ, बल्कि अपु अपु जिन्‍दगी बि देण चहन्तेथ।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

1 थेस्सलु 5:15

हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

याकूब 1:17

किस कि हर यक दान जे खरा त नरदोष असा परमपिता परमेश्वर केईआं एन्ता। तेन दिस, जोसुण त तारे बणो असे। से परमेश्वर ना कदी बदलिन्ता होर ना केसेरी उडारे बेलिए अन्हारिन्ता।

2 पतरस 1:7

तसे भक्ति कते-कुते अपफ बुच भाईचारे जुए बिशणे, त भाईचारे जुए बिश्ते टेम परेम अन्तर बधणे कोशिश करे।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।