1 थेस्सलु 3:10 - Walangi

¹⁰ अस भ्यागे ब्यादि ईं हथ जोड़ कइ प्रार्थना कते कि तुसी जोई झट मीण जे एन्ते, त तुं विश्वास अन्तर जे कमी असी, तस पूरा कते।

1 थेस्सलु 3:10 Iomraidhean Croise

लूका 2:37

से चौरासी साले बुढी थी, त देहेर छड़ कइ कोठि न घेन्तीथ। बल्कि से दन भइ ब्रत त प्रार्थना कर कइ परमेश्वरे पूजा अराधना कती रेहन्तीथ।

प्रतिनिधि 26:7

ए सेईंए जुबान भो, जेसे पूरी भुणे उम्मीद रख कइ यहूदी जाति हें बाराह ऊड़ी अपु पूरे मन जोई दन रात परमेश्वरे सेवा कते अओ असे। ए महाराज, इस उम्मीदे बझई जोई ईं यहूदी मेह्‍णु मोउं पुठ मुकदमा चलाओ असा।

2 कुरिन्थ 1:15

किस कि मोउं इस बारे पूरा यकीन थिआ, त मेईं तुं आ जे एणे मन बड़ो थिआ ताकि तुसी में बेलि दुई दुई लिंग अशुश मेईंयेल।

2 कुरिन्थ 1:24

तुस ई ना समझे कि विश्वासे बारे अस तुसी पुठ हुकुम चलाण चहन्ते। अस त तुसी जुए कम करणे बाड़े असे, ताकि तुस खुश भोई बटियेल। असी पता असा कि तुस विश्वास अन्तर सीरी के ईं टडी कइ बस गो असे।

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

2 कुरिन्थ 13:9

अस तपल खुश भुन्ते, जपल अस कमजोर त तुस ताकतवर भुन्ते। हें प्रार्थना हमेशा इहांणि भुन्ति कि तुस मसीहे विश्वास अन्तर बस घिए।

फिलिप्पी 1:25

त इसे ध्यान अन्तर रख कइ मोउं पूरा यकीन असा कि अउं इस धरती पुठ जीन्ता रेहन्ता, त तुसी जुए साते बिश कइ मसीह अन्तर तुं खुशी त विश्वास बधान्ता।

कुलोसी 1:28

मेह्‍णु के अगर अस मसीहे बारे प्रचार कते। अस हर यक मेह्‍णु समोझियेर छते त सम्हाई बुद्धि जुए सोबी शिचालते, ताकि अस सोबी जेईं विश्वास अन्तर ताकतवर बणाई कइ परमेश्वरे अगर पेश कइ बटियेल।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

1 थेस्सलु 3:11

त अभेईं हें पिता परमेश्वर त हें प्रभु यीशु मसीह तुसी जोई मीण जे असी अपफ बथ हरालाल।

2 थेस्सलु 1:11

तोउं त अस तुसी जे रोज प्रार्थना बि कते कि हें प्रभु परमेश्वर तुसी तीं जीणे लेएक समझे, जेसे लिए तुस भिहो असे। त परमेश्वर तुं हर अब्बल इच्छा त तुं हर विश्वासे कम अपु ताकत जुए पूरा करे,

2 तिमुथि 1:3

ए तिमुथियुसा, जेस परमेश्वरे सेवा अउं अपु पुरखी के ईं रीति रिवाज जुए त साफ अन्तरात्माई जुए कता, तेस धन्यवाद कता कि अउं रोज ब्यागे ब्यादि अपु प्रार्थना अन्तर तोउ याद कता।

फिलेमोन 1:22

त छने, मोउं बिशुण जे जगाह जुढ़ेर रख। मोउं भाड़ असी कि तुं प्रार्थनाई बेलिए अउं जेहेल केईआं बाहर निस घेन्ता।

प्र. बोके 4:8

चोहरो जीवी के छेआ छेआ पंखोड़ असे, होर चोहरो कना त अन्तर टीरे टीर असे। त से दन रात बजन अरामे ईं बोते रेहन्ते, “शुचा केआं, शुचा केआं, हउ बि शुचा असा तु, ए सर्व शक्तिमान प्रभु परमेश्वरा, तु सृष्टि केआं पेहले थिआ, तु अभेईं असा होर तु जुग जुग तकर रेहन्ता।”

प्र. बोके 7:15

एसे बझई जोई से परमेश्वरे सिंहासन समाणि असे, त तसे देहेर अन्तर दन रात तसे सेवा कते। होर जे सिंहासन पुठ बिशो असा, से तेन्हि पुठ अपु छतरछाया बणाई रखता।