1 थेस्सलु 2:9 - Walangi

⁹ तुसी हें कम त कष्टे बारे याद कते कि अस कीं भ्यागे ब्यादि कम कतेथ, ताकि परमेश्वरे खुश खबरी प्रचार कते टेम केसे गरका ना लौते लगो।

1 थेस्सलु 2:9 Iomraidhean Croise

लूका 18:7

जे दन रात परमेश्वरे प्रार्थना कते रेहन्ते, कि परमेश्वर तेन्हि तेन्के दुश्माणी केआं ना छुड़कान्ता नउ ना? कि से तेन्के बारे चेरे सोचता ना?

लूका 2:37

से चौरासी साले बुढी थी, त देहेर छड़ कइ कोठि न घेन्तीथ। बल्कि से दन भइ ब्रत त प्रार्थना कर कइ परमेश्वरे पूजा अराधना कती रेहन्तीथ।

प्रतिनिधि 18:3

त से तेन्हि जोई बिश कइ साते कम करण लगा; किस कि से यके धन्‍दा कतेथ, तम्बू बणाणे।

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

प्रतिनिधि 20:31

तोउं त चौकाने बिशे, त याद रखे कि टाई साल तकर दन रात रोल रोल कइ अउं हर यक जेईं चेता दिआन्ता रिहा।”

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

1 कुरिन्थ 4:12

अस अपु सरसला चलाण जे अपु हथे बइ मेहनत कते। मेह्‍णु असी जे श्राप देन्ते, पर अस अशुश देन्ते। से असी भुंजान्ते, पर अस सेहन्ते।

1 कुरिन्थ 9:15

तोउं बि मेईं अपु ए सोब हक कदी नेईं जताओ। त अउं ई अस बझई जुए लिखण नेईं लगो कि मोउं ए सोब लौतु। किस कि कोई में रोभ टोड़ुण केआं ज्यादा खरु असु कि अउं मर घिउं।

1 कुरिन्थ 9:18

त इस पुठ में मजूरी की असी? एईएं कि अउं बजन कोई हक जताओ खुश खबरी प्रचार करुं, ताकि खुश खबरी बगैर कीमते, मुफत अन्तर प्रचार भोई बटियेल।

1 कुरिन्थ 9:4

मोउं त बर्नबास होरी के ईं की खाणे पीणे हक नेईं ना?

2 कुरिन्थ 11:27

मेईं सुआ राति खड़ खड़ कटोओ असी। सुआ लिंगि मोउं सुसुर खांजे न मेउ। केहि केहि लिंगि त ढुका टिशा त बजन झिणि के ठन्निहार सेहन्ता रिहा।

2 कुरिन्थ 11:9

तुसी जुए साते भुणे टेम बि, मेईं अपु जरूरती के बेलि तुस परेशान ना किए, बल्कि मकिदुनिया राज्य केआं मितर एई कइ में जरूरत पूरी कतेथ। तोउं त, जीं पेहले केआं कता अओ असा, तीं अगर जे बि अउं तुसी केईआं अपु खर्चा ना करवान्ता।

2 कुरिन्थ 6:5

ई हरालण जे कि अस तसे सेवक भिन्थ, असी चाबुके मार खओ असी, जेहेल अन्तर कैद भो असे, हुसुड़े सामणा किओ असा, मजूरी के ईं कष्ट किओ असा, रात भइ खड़ खड़ बिशो असे, त ढुके रेहो असे।

फिलिप्पी 4:16

हांलाकि जपल अउं थेस्सलुनीका शेहर अन्तर थिआ, तपल बि तुसी यक लिंग ना, बल्कि दुई दुई लिंगि मोउं जे किछ लंघो थिउ।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

1 थेस्सलु 2:2

होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

1 थेस्सलु 2:6

होर बेशक मसीहे प्रतिनिधि भुणे खातिर अस तुसी केआं कुछ मांग कइ बटतेथ। पर अस ना तुसी केआं होर ना केसे होरी केआं इज्जते आश थी।

1 थेस्सलु 3:10

अस भ्यागे ब्यादि ईं हथ जोड़ कइ प्रार्थना कते कि तुसी जोई झट मीण जे एन्ते, त तुं विश्वास अन्तर जे कमी असी, तस पूरा कते।

1 तिमुथि 1:11

ए शिक्षा तेस परमधन्य परमेश्वरे महिमा बाड़ी खुश खबरी हिसाब जुए असी, जेसे जिम्मेबारी मेन्धे दुतो असी।

1 तिमुथि 4:10

अस तोउं मेहनत त कष्ट कते, किस कि हें विश्वास तेस जीन्ता परमेश्वर पुठ असा, जे सम्हाई मेह्‍णु, खास कर विश्वासी मेह्‍णु बचाणे बाड़ा असा।

1 तिमुथि 5:5

जेस विधवा केईं कोई मदत करणे बाड़ा नेईं त यकदम अकेली असी, से परमेश्वर भाड़ती त अपु जरूरते लिए भ्यागे ब्यादि परमेश्वर जे विनती प्रार्थना कती रेहन्ती।

2 तिमुथि 1:3

ए तिमुथियुसा, जेस परमेश्वरे सेवा अउं अपु पुरखी के ईं रीति रिवाज जुए त साफ अन्तरात्माई जुए कता, तेस धन्यवाद कता कि अउं रोज ब्यागे ब्यादि अपु प्रार्थना अन्तर तोउ याद कता।