1 थेस्सलु 2:8 - Walangi

⁸ असी तुस अत ट्यारे भोई गो थिए कि हर वकत तुं ख्याल एन्ताथ। तोउं त अस ना सद परमेश्वरे खुश खबरी तुसी जोई बांटण चहन्तेथ, बल्कि अपु अपु जिन्‍दगी बि देण चहन्तेथ।

1 थेस्सलु 2:8 Iomraidhean Croise

लूका 7:2

तठि यक रोमी सुबेदार थिआ, जेसे यक नौखर बीमार थिआ त मरणे बाड़ा थिआ। से तस सुआ ट्यारा थिआ।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

रोमी 10:1

ए ट्यारेओ, अउं पूरे मन जुए चहन्ता, होर इस्राएले मेह्‍णु लिए परमेश्वरे सामणि में प्रार्थना ईं असी कि से बच घियेल।

रोमी 15:29

होर अउं जाणता कि जपल अउं तुसी केईं एऊं, त मसीहे सम्हाई अशुश अपफ जुए साते घिन एन्ता।

2 कुरिन्थ 12:15

जेठि तकर में बोक असी, अउं तुं लिए अपु सोब किछ बेचण जे तेयार असा, अतु तकर कि अउं अपु अपफ बि तुं लिए बेचीण जे तेयार असा। अगर अउं तुसी जोई सुआ परेम कता, त तुस बि त मोउं जोई सुआ परेम कते। कते नउ ना?

2 कुरिन्थ 6:1

परमेश्वर जुए साते कम करणे बझई जुए अस तुं छने कते कि परमेश्वरे जे कृपादृष्टि तुसी पुठ किओ असी, तस बेकार न भुण दिए।

गलाती 4:19

ए में गलाती इलाके ट्यारे गभुरुओ! जपल तकर तुस मसीह पुठ विश्वास अन्तर बसी ना घियेल, जीं गभुरवाल जिल्हाणु शुले एन्ती, तीं तुसी जे मोउं बि एण लगो असी।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

फिलिप्पी 2:17

खुश खबरी प्रचार करण अन्तर तुं मदत त यीशु मसीहे पुठ विश्वास करण बझई जुए तुं भुंजुण परमेश्वर जे यक भकत ईं असा। अगर तुं ईं मोउं बि भुंजाई कइ मार छते त अउं खुश असा, किस कि तोउं अउं परमेश्वर जे तुं भकत जुए जुड़ कइ तस पूरा कता। त जीं अउं खुश असा,

फिलिप्पी 2:20

में सम्हाई साथी अपु अपु फायदा तोपुण लगो असे। यीशु मसीह तेन्हि केआं की कराण चहन्ता तसे बारे कोई बि ना सोचते। सद तिमुथियुस अपु मन अन्तर पूरे सच्चाई जुए तुं भलाई सोचता।

फिलिप्पी 4:1

तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

कुलोसी 1:28

मेह्‍णु के अगर अस मसीहे बारे प्रचार कते। अस हर यक मेह्‍णु समोझियेर छते त सम्हाई बुद्धि जुए सोबी शिचालते, ताकि अस सोबी जेईं विश्वास अन्तर ताकतवर बणाई कइ परमेश्वरे अगर पेश कइ बटियेल।

कुलोसी 1:7

तुस एसे बारे हें ट्यारा साथी त मसीहे यकीन लेएक सेवक भाई इपफ्रास केआं शिचे।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

फिलेमोन 1:1

असी जुए मसीहे सेवा करणे बाड़ा ए में ट्यारे भाई फिलेमोन! मसीह यीशु जे कैद भुओ अउं पौलुस त विश्वास अन्तर हें भाई तिमुथियुस तोउ जे नमस्कार कते। मसीह अन्तर हें भेण अफिया, त विश्वासे लड़ाई अन्तर हें साथी भाई अरखिप्पुस जे, होर तुं गी भुणे बाड़ी सतसंगे सोबी विश्वासी भाई भेणि जे बि हें नमस्कार!

इब्रानी 13:17

तुस अपु मुखिये के केहणा माने त तेन्के वश अन्तर बिशे, किस कि तुस तेन्के जिम्मेबारी भो त तेन्हि बि लेखाजोखा देण एन्ता। तोउं से अपु कम खुशी जोई कते, ना कि यक भरोठ समझ कइ। किस कि अगर तीं कते त तुं कोई फायदा न भुन्ता।

1 यूहन्ना 3:16

असी परेमे पता एस केआं लगा कि मसीहे हें लिए अपु प्राण दिते; त असी बि होर विश्वासी के लिए अपु प्राण देण चहिए।