1 थेस्सलु 2:5 - Walangi

⁵ किस कि तुसी त पता असा, होर परमेश्वर बि हें उगाह असा कि अस ना कदी चाथि कतेथ, होर ना लालच जे बहाना बणान्तेथ।

1 थेस्सलु 2:5 Iomraidhean Croise

मत्ती 22:16

तोउं फरीसी अपु चेले राजा हेरोदेसे मेह्‍णु जोई साते तसे भेएड़ ईं बोलुण जे लंघाए, “ए गुरु! अस जाणते कि तुस सच्चे असे, त परमेश्वरे बोक बि सच्चाई जोई शिचालते। होर केसेरी परवाह न कते, किस कि तुस मेह्‍णु के मुंह हेर कइ बोक न कते।

मत्ती 23:13

तोउं यीशु बोलु, “ए कपटी धर्मशास्त्री त फरीसीओ, तुं खेया खाट भोई घेन्ति! तुस मेह्‍णु जे स्वर्गे बत बन्न कते। न त तुस अपफ घेन्ते, होर ना तुस घेणे बाड़ी अन्तर घेण देन्ते।”

प्रतिनिधि 20:33

मेईं केसेरी सुन्ने, चन्नी त झिणि के लालच न की।

रोमी 1:9

जेस परमेश्वरे सेवा अउं पूरे मन जोई तसे कोईया खुश खबरी प्रचार करणे बेलि कता, सेईंए में उगाह असा कि अउं दन रात अपु प्रार्थना अन्तर तुसी याद कता रेहन्ता।

रोमी 16:18

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

रोमी 9:1

अउं जे बोलुण लगो असा, से सच्चु असु। अउं झूठ नेईं बोलुण लगो किस कि अउं मसीहे चेला भिन्थ, होर शुची आत्मा में उगाह असी।

2 कुरिन्थ 12:17

मोउं जे बोलीण दिए कि जे मेह्‍णु मेईं तुसी केईं लंघो थिए, तेन्के बेलिए कि मेईं तुसी केआं कोई फायदा उठा ना?

2 कुरिन्थ 2:17

अस तेन्के ईं नेईं जे लाली के ईं परमेश्वरे वचन मिआई-मिउई कइ बेचते। पर किस कि परमेश्वरे अस लंघो असे त अस मसीहे सेवक असे। अस पूरे सच्चाई जुए तसे वचन शुणान्ते।

2 कुरिन्थ 4:2

बल्कि अस से सोब बेशर्मी कम, जे मेह्‍णु नियोकान्‍ते, से करण छड़ दुतो असे। परमेश्वरे वचन झूठा बणाण त चलाकी करण असी रशुणे लगते। परमेश्वर हें उगाह असा कि अस सद सच्चाई बोते, ताकि होरे मेह्‍णु असी पुठ भरोसा कइ बटियेल।

2 कुरिन्थ 7:2

अपु मन हें लिए खोल कइ रखे। असी न केसेरी बुरु किउ, न कोउं बरबाद किआ, होर न केसेरी फायदा उठा।

गलाती 1:20

ई जे बोक अउं लिखुण लगो असा, ए झूठ नेईं। परमेश्वर में उगाह असा।

1 थेस्सलु 2:10

तुस अपफ हें उगाह असे त परमेश्वर बि हें उगाह असा कि तुसी विश्वासी बुच हें चाल चलण कीं शुचा, नेक त खरा थिआ।

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 3:8

तीं सतसंग अन्तर जे सेवक भुन्ते से इज्जतदार लौते। से ढोंगी त प्याकड़ ना लौते, होर अपु फायदे लालची बि ना लौते।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

1 पतरस 5:2

तुस परमेश्वरे तेस सतसंगे, जेसे जिम्मेबारी तुसी मेओ असी, तसे सुसुर देखभाल करे। ई केसेरी दबाव अन्तर एई कइ ना करे, पर परमेश्वरे इच्छाई हेसाब जुए खुश भोई कइ करे। होर बुरी कमेई लिए न, बल्कि अपु मन लाई कइ करे।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।