1 थेस्सलु 2:3 - Walangi

³ किस कि हें बोके कोई उतियाणे-पतियाणे बाड़ी नेईं, ना बुरी विचार जुए, होर ना छल कपट जुए असी।

1 थेस्सलु 2:3 Iomraidhean Croise

प्रतिनिधि 13:15

नियमे कताब त भविष्य वक्ती के कताब पढ़ण केआं पता अराधनालय मुखिये बर्नबास त पौलुस जे बोलु, “ए भाईओ, अगर मेह्‍णु हिम्मत देणे तुं मन अन्तर कोई बोक असी त बोले।”

प्रतिनिधि 4:36

तेन्हि बिचा कुप्रस टापु, यूसुफ नओएं, लेवी ऊड़ी यक मेह्‍णु थिआ, जेसे नओं प्रतिनिधि बर्नबास रखो थिउ। (मतलब हिम्मत देणे बाड़ा कुआ)

2 कुरिन्थ 11:13

किस कि से ना कोई मसीहे प्रतिनिधि असे, होर ना सच्चे मन जुए सेवा करणे बाड़े असे। से त बस, मसीहे प्रतिनिधि भुणे ढोंग कते।

2 कुरिन्थ 2:17

अस तेन्के ईं नेईं जे लाली के ईं परमेश्वरे वचन मिआई-मिउई कइ बेचते। पर किस कि परमेश्वरे अस लंघो असे त अस मसीहे सेवक असे। अस पूरे सच्चाई जुए तसे वचन शुणान्ते।

2 कुरिन्थ 4:2

बल्कि अस से सोब बेशर्मी कम, जे मेह्‍णु नियोकान्‍ते, से करण छड़ दुतो असे। परमेश्वरे वचन झूठा बणाण त चलाकी करण असी रशुणे लगते। परमेश्वर हें उगाह असा कि अस सद सच्चाई बोते, ताकि होरे मेह्‍णु असी पुठ भरोसा कइ बटियेल।

2 कुरिन्थ 4:5

त अस अपु बारे नेईं बल्कि यीशु मसीह बारे प्रचार कते कि से “प्रभु” भो त मसीह यीशु खातिर अस अपफ तुं गुलाम समझते।

2 कुरिन्थ 7:2

अपु मन हें लिए खोल कइ रखे। असी न केसेरी बुरु किउ, न कोउं बरबाद किआ, होर न केसेरी फायदा उठा।

1 थेस्सलु 2:11

तुसी पता असा कि जीं बोउ अपु गभुर समझान्ता, हिम्मत त अराम देन्ता, तिहांणि अस बि तुसी सोबी जे कतेथ,

1 थेस्सलु 4:7

किस कि परमेश्वरे अस शुचे भुण जे भिओ असे, ना कि जुठे भुण जे,

2 थेस्सलु 2:11

तोउं त परमेश्वर यक झुठी शक्ति तेन्हि बुच लंघान्ता ताकि से सोब झूठ पुठ यकीन करे।

2 पतरस 1:16

जपल असी तुसी जे हें प्रभु यीशु मसीहे शक्ति त एणे खुश खबरी शुणाओ थी, त से चलाकी जोई बड़ाओ मेह्‍णु के कथा न थी, पर असी अपफ अपु टीरी बइ हेरो थी कि से कत ताकतवर असा।