1 थेस्सलु 2:2 - Walangi

² होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

1 थेस्सलु 2:2 Iomraidhean Croise

प्रतिनिधि 14:3

पौलुस त बर्नबास सुआ रोज तकर तठि बिशे, त प्रभु पुठ भरोसा रख कइ त नडर भोई कइ प्रभु वचन शुणान्ते रिहे। होर प्रभु बि तेन्के बेलि निशाण त चमत्कारे कम करवाई कइ तेन्के बोलो अपु कृपाई वचन साबित कताथ।

प्रतिनिधि 14:5

पर जपल गैर यहूदी त यहूदी मेह्‍णु अपु अपु मुखिये जोई मी कइ पौलुस त बर्नबास भुंजाणे त घोड़िआणे कोशिश करण लगो थिए,

प्रतिनिधि 16:12

होर तठि भीं निस कइ अस फिलिप्पी शेहर पुजे। फिलिप्पी शेहर मकिदुनिया राज्ये खास शेहर त रोमी मेह्‍णु के बस्ती भो; अस कुछ रोजे लिए इस शेहर बिशे।

प्रतिनिधि 16:19

पर जपल तेस कुई मालिकी हेरु कि हें कमाई करणे जरिया खतम भोई गा, त तेन्हि पौलुस त सीलास टाइ कइ बाजारे चौबाटे अधिकारी केईं घिन गे।

प्रतिनिधि 16:37

पर पौलुसे तेस जे बोलु, “तेन्हि अस मेह्‍णु के समाणि बगैर दोषे मडे त जेहेल अन्तर छड़े। अब कीं असी मठे चोर कइ लंघाण लगो असे? ईं ना भुन्तु, किस कि अस रोमी मेह्‍णु भिन्थ; से अपफ एई कइ असी बाहर किढ़ेल।”

प्रतिनिधि 17:1

तोउं पौलुस त तसे साथी अम्फिपुलिस त अपुल्लोनिया शेहर बइ हंट कइ थेस्सलुनीका शेहर अन्तर आए, जेठि यहूदी मेह्‍णु के अराधनालय थिआ।

प्रतिनिधि 17:17

इस बझई जोई से न सद अराधनालय अन्तर यहूदी त परमेश्वरे भक्ति जोई, बल्कि चौक पुठ मीणे बाड़े हर यक मेह्‍णु जोई रोज बोक विचार त बेहेस कता रेहन्ताथ।

प्रतिनिधि 19:8

तोउं पौलुस टाई मेहन तकर यहूदी अराधनालय अन्तर घेई घेई कइ त नडर भोई कइ परमेश्वरे राज्ये बारे बोता रिहा, त यहूदी मेह्‍णु समझान्ता रिहा।

प्रतिनिधि 4:13

जपल किठे भुओ तेन्हि मेह्‍णु पतरसे त यूहन्ने बोक करणे हिम्मत हेरी, होर ई जाण कइ कि ए दुहे अनपढ़ त कामकाजी मेह्‍णु असे, त से हैरान भोई गे; पता फिर तेन्हि चेता आ कि ए यीशु जोई साते थिए।

प्रतिनिधि 4:20

किस कि जे असी हेरु त शुणु तसे बारे अस चुप ना बिश सकते।”

प्रतिनिधि 4:31

जपल से प्रार्थना दुआ कइ बिशे, त जेठि से किठे थिए से जगाह हिल गई, त से सोब शुची आत्माई बेलि भरी गे त परमेश्वरे वचन खरे हिम्मत जुए शुणान्ते रिहे।

प्रतिनिधि 5:41

त प्रतिनिधि इस बोकी पुठ खुश भुए कि मेह्‍णु से यीशु मसीहे नओएं लिए बेइज्जत भुणे लेएक त समझे, त टजोट केआं घेई गे।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

2 कुरिन्थ 3:12

इस बझई जुए ईं, अस डर कइ ना, पर खरे हिम्मत जुए कम कते।

कुलोसी 2:1

में ट्यारेओ, तुसी त लौदीकिया शेहरे विश्वासी मेह्‍णु जे त जेन्हि कदी अउं काओ नेईं तेन्हि सम्हाई विश्वासी जे, अउं कीं सुआ कष्ट कता, तसे बारे अउं चहन्ता कि तुसी पता लगो लौता।

1 थेस्सलु 1:5

किस कि जपल असी खुश खबरी तुसी शुणाई त से सद बोक नेओथ, पर तठि शक्ति त शुची आत्मा, होर पक्का विश्वास थिआ। तुसी त पता ईं असा कि अस तुं भलाई लिए तुं बुच कीं बिशतेथ।

2 तिमुथि 1:12

इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

यहूदा 1:3

ए ट्यारेओ! में मन अन्तर त ती चह थी कि अउं तुसी जे परमेश्वरे असी बचाणे बारे लिखुं, जेस अन्तर अस सोब मी कइ हेस्सेदार असे। पर अब मोउं ई जरूरी लगतु कि तुसी हिम्मत दिउं कि तुस कीं कइ अपु तेस विश्वासे रक्षा करियेल, जे विश्वास परमेश्वरे सोबी शुचे मेह्‍णु कें धे यके लिंगि दुतो असा।