1 थेस्सलु 2:12 - Walangi

¹² ताकि तुं चाल चलण परमेश्वरे लेएक भुओ लौता, जे तुसी अपु राज्य त महिमा हेस्सा देण जे भिआन्ता।

1 थेस्सलु 2:12 Iomraidhean Croise

रोमी 8:28

अस जाणते कि जे मेह्‍णु परमेश्वर जोई परेम कते, मतलब परमेश्वरे जे अपु इच्छाई हेसाब जोई भिओ असे, तेन्हि सोबी बोकी के बेलि परमेश्वर तेन्के भलाई कता।

रोमी 8:30

फि जे तेन पेहलाई चुणो असे, से भिए, होर जे भिओ असे से धर्मी बणाए बि, होर जे धर्मी बणाए, तेन्के धे महिमा बि दिती।

1 कुरिन्थ 1:9

किस कि से परमेश्वर यकीन लेएक असा जेन तुस भिहो असे, ताकि तुस तसे कुआ हें प्रभु यीशु मसीहे साथी बणे।

2 कुरिन्थ 4:6

किस कि, ए सेईंए परमेश्वर भो, जेन सृष्टि बणाणे टेम बोलु कि “अन्हारु केआं टगड़ियार चमके।” त परमेश्वरे ईं अपु टगड़ियार हें मन अन्तर चमकाओ असी ताकि अस परमेश्वरे तेस रौनक मसीह यीशु बेलि समझ बटते।

गलाती 5:16

अउं त बोता कि शुची आत्माई दुतो नोउएं गुणे बेलि जीण दिए ताकि तुस अपु पुराणि गुणे बुरी इच्छा पूरी ना करियेल।

इफिसुस 4:1

ए ट्यारे भाई त भेणिओं! ई सोब बोक नजर अन्तर रख कइ अउं, जे प्रभु कैदी असा, तुसी जे हथ जोड़ता कि जेस बझई जोई परमेश्वरे तुस भिहो असे, तसे हेसाब जुए तुस अपु जीवन जीण दिए।

इफिसुस 5:2

जीं मसीहे किओ थिउ, तीं तुस बि अपु जीण अन्तर होरी जे परेम हराले। तेन असी जोई परेम किआ, त जेन भकती बइ परमेश्वर खुश भोई घेन्ता, अपफ तीं यक अब्बल भकत बण कइ से असी जे चढ़िआ।

इफिसुस 5:8

किस कि पेहले तुस बजन परमेश्वरे अन्हारु अन्तर जीन्तेथ, पर अभेईं परमेश्वरे भेएड़ एणे बेलि तुस टगड़ियारे ईं भोई गो असे। त जे टगड़ियार अन्तर बिश्ते, तेन्के ईं जीण दिए।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

कुलोसी 1:10

ताकि तुस प्रभु खुश भुणे लेएक जीवन जी बटियेल, त हर यक अब्बल अब्बल कमी के फले बेलि परमेश्वर खुश कइ बटियेल त तसे ज्ञान अन्तर हउ बि बधियेल।

कुलोसी 2:6

त जीं तुसी यीशु मसीह अपु प्रभु मान कइ तसे पता घेणे ठीक किओ असु, तीं तुस कते रिहे।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

1 थेस्सलु 4:12

इ करणे बेलि तुस होरे मेह्‍णु सम्हाणि बधिआ जिन्‍दगी काट बटते त तुं कोई घटी ना भोल।

1 थेस्सलु 5:24

जेन तुस भिहो असे, से यकीन लेएक असा त इहांणि कता।

2 थेस्सलु 1:10

ईं तिखेईं भुन्तु जिखेईं से अपु शुचे मेह्‍णु केआं महिमा त सम्हाई विश्वासी केआं इज्जत पाण जे एन्ता। जेन्हि बुच तुस बि भुन्ते, किस कि तुसी हें उगाही पुठ विश्वास किआ।

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

1 पतरस 3:9

बुराई बदले बुराई न करीण। होर बजरुण के बदले बजरुण नओं; बल्कि तसे बदले अशुश देण, किस कि तुस एसेरी लिए ईं भिहो असे ताकि तुस अशुशी के हकदार बण बटियेल।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

1 यूहन्ना 2:6

जे कोउं ई बोता कि अउं तसे जोई जुड़ कइ असे, तेस लौतु कि से बि तिहांणि जीए जीं मसीह जीआ।

3 यूहन्ना 1:6

तेन्हि सतसंगे सामणि तें परेमे उगाही दुतो असी। त एणे बाड़े रोजी अन्तर बि तु तेन्के सफर करणे सोब जरूरत इहांणि पूरी कते रेह। ईं करण परमेश्वर खरु लगतु।