1 थेस्सलु 1:8 - Walangi

⁸ किस कि तुसी केईआं परमेश्वरे वचन अभेईं ना सद मकिदुनिया त अखया इलाके अन्तर प्रचार भुण लगो असा, बल्कि तस केआं बाहर बि भुण लगो असा। त जेठि जेठि बि अस घेन्ते, तठि मेह्‍णु परमेश्वर पुठ तुं विश्वासे बारे बोके कते। असी कुछ बि बोलुण ना एन्तु।

1 थेस्सलु 1:8 Iomraidhean Croise

प्रतिनिधि 18:12

गल्लियो अखया राज्ये राज्यपाल बणते ईं, सोब यहूदी मेह्‍णु मी कइ पौलुसे खिलाफ भोई गे। तोउं से टाइ कइ कचेरी पंच के समाणि अण्हता।

रोमी 1:8

सोबी केआं पेहले त अउं तुं सोबी के लिए यीशु मसीहे बेलिए अपु परमेश्वरे धन्यवाद कता, किस कि मसीह पुठ तुं विश्वासे बारे पूरे धरती पुठ बोके भुण लगो असी।

रोमी 15:26

किस कि मकिदुनिया त अखया राज्ये विश्वासी मेह्‍णु ईं खरु लगु कि यरुशलेम शेहरे यहूदी विश्वासी मेह्‍णु अन्तर जे गरीब असे, तेन्हि जे कुछ चन्ना कठेरुं।

रोमी 16:19

तुं खुश खबरी मानणे बारे चर्चा चोहरो कना हू भोई गो असी, त अउं तुं बारे खुश असा। पर अउं ईं चहन्ता कि तुस भलाई लिए अक्लदार त बुराई लिए भले बण बिशे।

1 कुरिन्थ 14:36

तुसी की समझो असु कि परमेश्वरे वचन तुसी केईआं अओ असा ना? होर परमेश्वरे वचन कि सद तुसी केईं पुजो असा ना? ना, कदी नेईं।

2 कुरिन्थ 2:14

पर परमेश्वरे जइ करे कि से हमेशा असी जीं जीतणे बाड़ी के हसुड़े जुओई मिआई कइ नेन्ता। से होरी के बुछ यक अब्बल मुश्क ईं मसीहे ज्ञान बांटण जे हें मदत कता।

2 कुरिन्थ 3:4

अस ए इस बझई जुए बोते, किस कि मसीहे बेलि परमेश्वर पुठ हें पूरा यकीन असा।

कुलोसी 3:16

मसीहे वचन हमेशा याद कते रिहे त सम्हाई बुद्धि जुए यक होरी शिचाले, त खबरदार करे। अपु अपु मन अन्तर परमेश्वरे भजन, शुची आत्माई दुतो छुआंरी, त घुरेई धन्यवाद देन्ते लाण दिए।

2 थेस्सलु 1:4

तोउं त अस अपफ परमेश्वरे सतसंग अन्तर तुं बारे रोभ किढ़ते, किस कि सुआ भुंजाणे पता बि तुसी अपु विश्वास त लाह छड़ ना दिता।

2 थेस्सलु 3:1

ए भाई त भेणिओं! अखिर अन्तर अस छनेअरे कते कि असी जे प्रार्थना करे। प्रभु बारे समाचार जीं तुसी बुच फैलो थिआ, तीं झटपट चोहरो कना फैलो लौता त तसे महिमा भुओ लौती।

1 तिमुथि 2:8

तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्‍दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं।

2 तिमुथि 2:9

त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।

3 यूहन्ना 1:12

होर भाई दिमेत्रुसे बारे सोबी जेईं खरी उगाह देन्ते। से सच्चाई पुठ हंटता। तसे बारे अस बि उगाह देन्ते, होर तु जाणता कि हें उगाही सच्ची असी।

प्र. बोके 14:6

तोउं मेईं यक होरा स्वर्गेदूत अम्बर अन्तरा उडरता काआ, जेस केईं धरती पुठ बिशणे बाड़ी के हर यक जाति, ऊड़ी, भाषा त मेह्‍णु शुणाणे लिए अमर खुश खबरी थी।

प्र. बोके 22:17

आत्मा त दुल्हन दुहिए बोती, “आई”। त शुणणे बाड़ा बि बोले, “आई”। जे टिशो असा आईए; त जे बि चहन्ता, से जीवने पुओणि मुफत अन्तर पिए।