1 थेस्सलु 1:5 - Walangi

⁵ किस कि जपल असी खुश खबरी तुसी शुणाई त से सद बोक नेओथ, पर तठि शक्ति त शुची आत्मा, होर पक्का विश्वास थिआ। तुसी त पता ईं असा कि अस तुं भलाई लिए तुं बुच कीं बिशतेथ।

1 थेस्सलु 1:5 Iomraidhean Croise

मरकुस 16:20

तोउं तेन्हि चेली निस कइ हर जगाई प्रचार किआ, त प्रभु तेन्हि जोई साते कम कता रिहा। त तेन्हि चमत्कारे कमे के बेलिए जेन्हि चेले कतेथ, परमेश्वरे साबित कइ छड़ु कि तसे वचन सच्चे असे। आमीन।]

लूका 1:1

प्रभु यीशु मसीहे बारे जे सोब घटना हें बुछ भुओ असी, तस लिखणे सुआ मेह्‍णु कोशिश किओ असी। अपु लेख अन्तर तेन्हि तेन्हि बोकी के बारे लिखो असु, जीं एन्हि सोब घटनाई के उगाह बोते, होर जीं तसे बोक शिचालणे बाड़े असी शिचालते।

प्रतिनिधि 11:21

प्रभु यीशु शक्ति तेन्हि जोई थी। त सुआ मेह्‍णु विश्वास कर कइ प्रभु कना जे अपु मन खिरकाण लगे।

प्रतिनिधि 16:14

तेन्हि जिल्हाणु अन्तरा लुदिया नओएं यक जिल्हाणु हें बोके शुणी बिशो थी। से थुआतीरा शेहरे, यक कीमति झिणे बेचणे बाड़ी भक्त जिल्हाणु थी। प्रभु तसे मन खोला कि पौलुसे बोक यक चत भोई कइ शुणेल।

प्रतिनिधि 2:33

ईं कर कइ परमेश्वरे तसे धे अपु सुमले कना बोडी इज्जते जगाह दिती। होर पिता परमेश्वरे तसे धे से शुची आत्मा दिती, जेस देणे जुबान तेन पेहलाई दुतो थी। तेन से शुची आत्मा हें अन्तर छोओ असी, जेस तुस हेरण त शुणुण लगो असे।

रोमी 1:16

खुश खबरी केआं अउं केसे बझई जुए बि ना लजिन्ता, किस कि से हर यक विश्वास करणे बाड़ी के बचणे लिए परमेश्वरे ताकत असी, पेहले त यहूदी मेह्‍णु लिए, फि गैर यहूदी लिए।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

1 कुरिन्थ 1:24

पर जे जे अमर जीवन देण जे परमेश्वरे भिहो असे, तेन्हि मसीह अन्तर परमेश्वरे ताकत त बुद्धि मेती, चहे से यहूदी भोल, चहे गैर यहूदी भोल।

1 कुरिन्थ 10:33

जीं अउं हर यक जेईं अपु कमे बेलि खुश कता त सद अपु ना, बल्कि सुआ जेईं के फायदा बि तोपता ताकि से बच घियेल, तीं तुस बि करे।

1 कुरिन्थ 3:16

त कि तुस न जाणते ना कि तुस सोब परमेश्वरे देहेर भो, त परमेश्वरे आत्मा तुं अन्तर भुन्ति?

1 कुरिन्थ 3:6

मेईं बिएजु बाउ, अपोलुसे कुलरेई, पर परमेश्वरे से लुंगाण कइ बोडु किउ।

1 कुरिन्थ 4:20

किस कि परमेश्वरे राज्य बोकी के बेलिए नेईं, बल्कि तसे शक्ति बेलि असा।

1 कुरिन्थ 9:14

तिहांणि प्रभु ई नियम बणो असा कि जे खुश खबरी प्रचार कते, तेन्के सरसला बि खुश खबरी बेलिए ईं चलो लौता।

2 कुरिन्थ 3:6

सेईंए असा, जेन हेन्धे नोई जुबानी प्रचार करण जे ताकत दुतो असी। ए ताकत कोई नियमे चिट्ठि नेईं, बल्कि तसे आत्माई भो, किस कि नियमे बेलि मौत एन्ती, पर तसे आत्माई बेलि जीवन मेता।

गलाती 2:2

परमेश्वरे दुतो दर्शण बझई जुए ईं अउं ता जे गा। त अउं गैर यहूदी बुच जे खुश खबरी प्रचार कताथ, तसे बारे तठि सतसंगे मुखिया जे अकेले अन्तर बोलु। मोउं इ ठीक करण थी कि जेस खुश खबरी जे अउं एत कष्ट कता त दुख सेहन्ता, से बेकार ना लौती गओ।

गलाती 5:5

पर, अस शुची आत्माई बेलि उम्मीद कते कि मसीह त तसे किओ कम पुठ विश्वास करणे बेलि परमेश्वर असी धर्मी मानता।

इफिसुस 2:10

किस कि अस तसे हथे बणो असे, त जे जे खरे कम करण जे परमेश्वर पेहलाई ठीक किओ थिउ, तस करण जे अस मसीह यीशु जुए मिओ असे।

इफिसुस 3:20

अभेईं तसे सतसंगे बेलि त यीशु मसीहे बेलि तेस परमेश्वरे महिमा जुग जुग भुओ लौती। अभेईं, जे ताकतवर असा त जे अपु शक्ति जुए असी अन्तर कम कता, जे हें मगण केआं त सोचुण केआं बि तीं ज्यादा कम कता, तेस परमेश्वरे महिमा भुओ लौती। आमीन!

फिलिप्पी 2:13

किस कि परमेश्वर ईं असा जेन तुं धे अपु इच्छाई हिसाब जुए कम करण जे मन त ताकत दुतो असी।

फिलिप्पी 4:9

मोउं केआं तुसी जे किछ बि शिचो असु, अउं करण काओ असा, त शुणो असु, से सम्हाई रोज कते रिहे। तोउं शान्ति देण बाड़ा परमेश्वर तुसी जुए भुन्ता।

कुलोसी 2:2

ताकि तुसी हिम्मत मेईंयेल, त तुं मन अपफ बुच परेम जुए जुड़ घियेल त परमेश्वरे नियको योजना जे मसीह अपफ भो, तसे बारे सुसुर पता लगणे बेलि तुस विश्वास अन्तर टिग घियेल।

1 थेस्सलु 2:13

तोउं त, अस बि हर वकत परमेश्वरे धन्यवाद कते कि जपल असी परमेश्वरे वचन तुसी शुणा त तुसी से मेह्‍णु के वचन ना, बल्कि परमेश्वरे वचन समझ कइ माने। (ए सच्चे बि परमेश्वरे वचन भो) होर से वचन अभेईं तुसी विश्वासी अन्तर कम करुण लगो असा।

2 थेस्सलु 2:14

एस बझई जुए हें खुश खबरी प्रचार करणे बेलि तेन तुस भिए, ताकि तुसी बि हें प्रभु यीशु मसीहे शान मेई घियेल।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:8

यीशु मसीह याद कते रेह, जे राजा दाऊदे ऊड़ी अन्तर जमा, त मरो मेह्‍णु केईआं दुबारी जी गा। ई से खुश खबरी भो, जेसे अउं प्रचार कता।

इब्रानी 10:22

त फि एईए! अस सच्चे मन जुए, त परमेश्वर पुठ पूरा विश्वास कर कइ तसे भेएड़ घेन्ते, ताकि यीशु मसीहे लहुए छीटी बेलि अपु अन्तरात्माई दोष दूर भोई बटियेल। होर अस अपु जिसम शुचा करण जे शुद्धे पुओणि बइ धुन्ते।

इब्रानी 6:11

त अस चहन्ते कि तुस सोब अखिर तकर बोडे जोश जुए तिहांणि कते रिहे, ताकि तुस जे उम्मीद करण लगो असे, से तुसी मेई घियेल।

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

1 पतरस 5:3

तेन्हि पुठ अपु हक जताई कइ ना, पर सतसंग जे यक नमूना बण कइ करे।

2 पतरस 1:10

एस बझई जोई ए ट्यारेओ! परमेश्वरे तुसी भिआणे त चुणुणे सही साबित करणे लिए हर कोशिश कते रिहे। किस कि अगर ईं करियेल त तुस कदी बि विश्वास केईआं न भटकते।

2 पतरस 1:19

एन्हि सोब बोकी केआं असी पता चलता कि मसीहे बारे भविष्य वक्ती जे बि लिखो असु, से सोब सच्चु असु। जीं यक अन्हारे जगाई दीया पुठ ध्यान देन्ते, तीं तुस तेन्के बोकी पुठ ध्यान दी कइ खरु कते। त तुस तेस टेम तकर ध्यान लाई रखे, जपल तकर पथवारी ईं त भ्यागे तारे ईं मसीह ना एईयाल।