1 थेस्सलु 1:3 - Walangi

³ त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

1 थेस्सलु 1:3 Iomraidhean Croise

यूहन्ना 14:15

यीशु हउ बि बोलु “अगर तुस मोउं जुए परेम कते त में निआंग मानते।

यूहन्ना 15:10

जीं अउं बोउए निआंग मान कइ तस जुए परेम जुए बिश्ता, तीं अगर तुस में निआंग मानते त मोउं जुए परेम जुए बिश्ते।

प्रतिनिधि 10:31

त बोलुण लगा, ‘ए कुर्नेलियुस! परमेश्वरे तें प्रार्थना शुण छइ त तें दान तेन याद किओ असे।

प्रतिनिधि 3:19

तोउं त, अपु अपु मन बदल कइ परमेश्वर केईं वापस एईए, ताकि तुं पाप माफ भोई घियेल।

रोमी 12:12

परमेश्वर पुठ अपु उम्मीदे बारे खुश रिहे, दुख तकलीफ अन्तर लाह रखे, हमेशा प्रार्थना कते रिहे।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

रोमी 15:4

किस कि धरमे कताब अन्तर जे बि बोक पेहलाई लिखि गो असी, से हें शिक्षाई लिए लिखिए असी, ताकि तेसे बेलि अस लाह जोई दुख सीढ़ बटते, त तसे हिम्मते बेलिए असी उम्मीद मेई सकती।

रोमी 16:26

पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल।

रोमी 16:6

मरियम जे बि में नमस्कार, जेन तुं मसीह अन्तर विश्वासे लिए सुआ मेहनत की।

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

1 कुरिन्थ 13:13

परमेश्वर पुठ विश्वास, तसे वादे पुठ उम्मीद त होरी जोई परेम करण ए टाहो हमेशा रेहन्ते। पर अन्हि टाहोई अन्तर परेम सोबी केआं बोडा असा जे असी होरी जोई करण।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

2 कुरिन्थ 2:17

अस तेन्के ईं नेईं जे लाली के ईं परमेश्वरे वचन मिआई-मिउई कइ बेचते। पर किस कि परमेश्वरे अस लंघो असे त अस मसीहे सेवक असे। अस पूरे सच्चाई जुए तसे वचन शुणान्ते।

गलाती 1:4

यीशु मसीहे हें पापी के लिए अपफ भकत दिती ताकि हें परमपिता परमेश्वरे इच्छाई मुताविक इस पापी मतोक केआं असी बचाल।

गलाती 5:13

ए भाई त भेणिओं! परमेश्वरे तुस खुल कइ जीण जे भिहो असे। पर खबरदार बिशे कि जे छूट तुसी परमेश्वर केईं मेओ असी, तसे बेलि तुस अपु अपु जिसमे बुरी इच्छा पूरा ना करे, बल्कि परेम जुए यकी होरी सेवा करे।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

गलाती 6:9

त, चले! खरे कम करुण जे हिम्मत ना हारते। अगर अस हिम्मत ना हार कइ खरे कम कते रेहन्ते त सुसुर टेम पुठ परमेश्वर असी खरी ईनाम देन्ता।

1 थेस्सलु 3:6

पर अभेईं तिमुथियुस, जे तुं भेएड़ केआं वापिस अओ असा, तेन तुं विश्वास त परेम बारे बधिआ खबर शुणाई। होर तेन असी जे ईं बोक बि लाई कि तुस असी बोडे परेम जुए याद कते त जीं अस तुसी जोई मीण चहन्ते, तीं तुस बि असी जोई मीण चहन्ते।

2 थेस्सलु 1:11

तोउं त अस तुसी जे रोज प्रार्थना बि कते कि हें प्रभु परमेश्वर तुसी तीं जीणे लेएक समझे, जेसे लिए तुस भिहो असे। त परमेश्वर तुं हर अब्बल इच्छा त तुं हर विश्वासे कम अपु ताकत जुए पूरा करे,

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

1 तिमुथि 1:14

ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

1 तिमुथि 2:3

ईं हें बचाणे बाड़ा परमेश्वर जे खरु लगतु त तस सुआ पसंद कता।

इब्रानी 10:36

तुसी लाह रखण जरूरी असा ताकि तुस परमेश्वरे इच्छा पूरी कर बटियेल त तुसी तसे जुबानी फल मेईंयाल।

इब्रानी 11:17

जपल परमेश्वरे अब्राहम परखा त तेन अपु इकलौता कुआ इसहाके भकत देण लाई छड़ी, किस कि तसे विश्वास थिआ कि परमेश्वरे दुतो जुबान जरूर पूरी भुन्ति।

इब्रानी 13:21

होर से तुसी तसे इच्छा पूरी करणे लिए सोबी भली गुणी बइ भर छड़े। जे किछ तस खरु लगतु, से यीशु मसीहे बेलिए तुं अन्तर घिए। तसे महिमा जुग जुग तकर भुन्ति रिहे। आमीन!

इब्रानी 4:11

तोउं त, चले तेस टांक तकर पुजुण जे अस जब्बर कोशिश कते। ई ना भो कि निआंग ना मान कइ तेन्हि पुरखी के ईं असी बुछ कोई पतूं रेही घियाल।

इब्रानी 6:15

पर केहि टेम तकर लाह रख कइ अखिर अन्तर अब्राहमे परमेश्वरे जुबान पूरी भुण काई।

1 पतरस 3:4

पर तुं ठाटिण-ठुटिण तुं अन्तर नियोको गुणे लौता, जे नरम त शान्त गुण रखणे बेलि भुन्ता। ए सजावट कदी ना मुकणे बाड़ी मोती के ईं असी। ए परमेश्वरे सामणि सुआ कीमति असी।

1 यूहन्ना 3:18

ए गभुरुओ! असी सद अपु बोके या जिभुड़ बइ ना, बल्कि कम त सच्चाई बइ बि परेम करिए लौता।

1 यूहन्ना 3:21

ए ट्यारेओ! अगर हें मन असी दोष न दियाल, त असी परमेश्वरे सामणि हौसला भुन्ता।

1 यूहन्ना 3:3

होर जे कोउं मसीह पुठ ई उम्मीद रखता, से अपणे आप बि तिहांणि शुचा कता जीं से असा।

1 यूहन्ना 5:3

परमेश्वर जोई परेम करणे मतलब कि असी तसे निआंग मनीण। होर तसे निआंग मनीण ओखी नेईं।

प्र. बोके 2:19

अउं तुं कम, परेम, विश्वास, सेवा त लाह रखण जाणता, होर ईं बि कि तुं आजकण कम पेहलकण केआं अब्बल असे।

प्र. बोके 3:10

त जपल सोब धरती बाड़ी परखणे लिए भुमण पुठ मुश्किल घड़ी एन्ती त अउं तुसी तेस घड़ी केआं बचाई रखता, किस कि तुसी में वचने हेसाब जोई लाह रख कइ कष्ट सीढ़ो असे।