1 पतरस 5:4 - Walangi

⁴ जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

1 पतरस 5:4 Iomraidhean Croise

याकूब 1:12

धन्य असा से मनख, जे परीक्षाई अन्तर शान्त बिश्ता, किस कि जपल से परीक्षाई अन्तरा उतीर घेन्ता त से तेस जीवन देणे बाड़ी मुकुट डबता, जे परमेश्वरे अपफ जोई परेम करणे बाड़ी धे देणे जुबान दुतो असी।

1 कुरिन्थ 9:25

हर कोई खिलाड़ी ईनाम जीत कइ इज्जत पाण जे सम्हाई कुछ पुठ परहेज रखता। पर से इज्जत मुक घेन्ति। अस त तेस लिए परहेज रखते, ताकि असी से इज्जत मेईंयाल जे कदी ना खतम भुन्ति।

1 यूहन्ना 3:2

ए ट्यारेओ! अब अस परमेश्वरे गभुर भिन्थ, होर अगर जे अस की भुन्ते, से पता नेईं। तोउं बि, अत त जाणते कि जपल मसीह एईयाल त अस तसे ईं बणते, किस कि अस तेस तिहांणि हेरते जीं से असा।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

1 पतरस 1:4

मतलब कि परमेश्वरे स्वर्ग अन्तर तुसी जे ई विरासत रखो असी जे कदी खतम ना भुन्ति, ना कुस्तुरी भुन्ति, होर ना तसे शान घटती।

प्र. बोके 3:11

हेर! अउं झठ एणे बाड़ा असा; त जे किछ तुसी केईं असु, तेस सुसुर टाइ रखे, ताकि कोउं जेईं तुं मुकुट नी ना छड़ियेल।

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।

1 पतरस 2:25

किस कि तुस पेहले हरेईए ढडुड़ के ईं थिए, पर अब अपु प्राणी के रक्षा करणे बाड़ा त पुहाली केईं वापस एई गो असे।

1 पतरस 5:2

तुस परमेश्वरे तेस सतसंगे, जेसे जिम्मेबारी तुसी मेओ असी, तसे सुसुर देखभाल करे। ई केसेरी दबाव अन्तर एई कइ ना करे, पर परमेश्वरे इच्छाई हेसाब जुए खुश भोई कइ करे। होर बुरी कमेई लिए न, बल्कि अपु मन लाई कइ करे।

इब्रानी 13:20

त अभेईं, जे परमेश्वर, ढडुड़ के बोडा पुहाल हें प्रभु यीशु मसीह, अपु अमर जुबानी लहुए ताकती बेलि, मरो तेन्हि अन्तरा दुबारी जीआ, से तुसी शान्ति दिए।

प्र. बोके 1:7

हेरे! से बदेई पुठ सवार भोई कइ एणे बाड़ा असा। होर जेन्हि से कोरो थिआ, से बि तेस हेरते, त तसे बझई जोई धरती पुठि सोब जाति मेह्‍णु अपु अपु डडोर बजान्ते। आं, आं सच्चे बि। आमीन।

यूहन्ना 10:11

“खरा पुहाला अउंए असा; खरा पुहाल ढडुड़ु जे अपु जान देन्ता