1 पतरस 5:2 - Walangi

² तुस परमेश्वरे तेस सतसंगे, जेसे जिम्मेबारी तुसी मेओ असी, तसे सुसुर देखभाल करे। ई केसेरी दबाव अन्तर एई कइ ना करे, पर परमेश्वरे इच्छाई हेसाब जुए खुश भोई कइ करे। होर बुरी कमेई लिए न, बल्कि अपु मन लाई कइ करे।

1 पतरस 5:2 Iomraidhean Croise

लूका 12:32

“में ट्यारे मितरों! ना डरे; किस कि तुं बोउ ई पसंद असु कि तुन्धे अपु राज्ये सम्हाई धन दिए।

प्रतिनिधि 20:29

मोउं पता असा कि में घेण केआं पता, चीरणे बाड़े शंखु के ईं तुं बुछ झूठे शिक्षा देणे बाड़े एन्ते त दल खतम कइ छते।

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

रोमी 1:15

तोउं त, अउं रोम शेहर अन्तर बिशो तुसी बुछ बि खुश खबरी शुणाण जे हथि खुरी प्युली लाई बिशो असा।

1 कुरिन्थ 9:7

कोई बि अपु चने खर्च कर कइ सपाही कम ना कता। जे कोउं बगिंचा लान्ता, से तसे फल खांता। जे कोउं गुओरु चरान्‍ता, से तेन्के दुध बि पीन्ता।

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 3:8

तीं सतसंग अन्तर जे सेवक भुन्ते से इज्जतदार लौते। से ढोंगी त प्याकड़ ना लौते, होर अपु फायदे लालची बि ना लौते।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

तीतुस 3:1

मेह्‍णु चेता देन्ता रेह कि से सोब अफसरे त अधिकारी बोक मान कइ रेह त सम्हाई खरे कम करण जे हमेशा तेयार बिशे।

फिलेमोन 1:14

पर अउं तें इच्छाई बगैर कुछ बि करण ना चहन्ता, ताकि तें ए भलाई जब्बरदस्ती ना, बल्कि अपु मर्जी जुए ईं लौती भो।

इब्रानी 12:15

चौकाने बिशे कि तुसी बुचा कोई बि परमेश्वरे छतरछाया केआं दूर ना भुओल। होर अपफ बुछ केसे बि नराज ना करे। तसे असर सोबी पुठ भुन्ता त तुस खराब भोई घेन्ते।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।