1 पतरस 5:1 - Walangi

¹ ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

1 पतरस 5:1 Iomraidhean Croise

लूका 24:48

तुस एन्हि सोबी बोकी के उगाह असे।

प्रतिनिधि 1:8

पर जपल शुची आत्मा तुसी पुठ एईयेल, तिखेईं तुसी ताकत मेती; तोउं तुस ना सद यरुशलेम शेहर अन्तर, बल्कि पूरे यहूदिया राज्य, तोउं सामरिया राज्य अन्तर, होर धरती यक मुख केआं होर मुख तकर में उगाह बणते।”

प्रतिनिधि 11:30

तेन्हि तिहांणि किउ; तोउं बर्नबास त शाऊले केईआं से दान सतसंगे स्याणी केईं लंघाई छड़।

प्रतिनिधि 14:23

तोउं तेन्हि हर यक सतसंग अन्तर सतसंगे स्याणे नियुक्त किए। तोउं ब्रत त प्रार्थना कर कइ से प्रभु हथ छड़े, जेस पुठ तेन्हि विश्वास किओ थिआ।

प्रतिनिधि 15:4

जपल से यरुशलेम शेहर पुजे, त तठियाणि सतसंगे मेह्‍णु, प्रतिनिधि त स्याणे तेन्हि जोई खुश भोई कइ मिए। तोउं पौलुस त बर्नबासे बताउ कि परमेश्वरे तेन्हि जोई साते बिश कइ कीं कीं कम किए।

प्रतिनिधि 15:6

तोउं प्रतिनिधि त स्याणे एस बोकी बारे बोक विचार करण जे किठे भुए।

प्रतिनिधि 2:32

एईएं यीशु परमेश्वरे दुबारी जीआ। तसे उगाह अस सोब असे।

प्रतिनिधि 20:17

पौलुसे मिलेतुस बंदरगाह केआं इफिसुस शेहर जे जवाब लंघाई कइ सतसंगे स्याणे भिए।

प्रतिनिधि 20:28

तोउं त, तुस अपु त परमेश्वरे तेस दले चौकसी करे जे शुची आत्माई तु जिम्म छो असी। तुस परमेश्वरे सतसंगे गुआले ईं देखभाल करे, किस कि तेन ए अपु कोईया लहुए बइ खरीदो असे।

प्रतिनिधि 21:18

दोके रोजे पौलुस असी जोई साते यरुशलेम सतसंगे मुखिया याकूबे गी गा। तठि होरे सोब सतसंगे स्याणे कठे थिए।

प्रतिनिधि 3:15

होर तुसी जीवन देणे बाड़ा मरवाई छड़ा, जे परमेश्वरे मरो तेन्हि अन्तरा दुबारी जीन्ता कइ छो असा। एस बोकी अस उगाह असे।

2 कुरिन्थ 5:1

असी पता असा कि इस धरती पुठ डेरा, जे हें जिसम असा, जपल बेह्ढ़िन्ते त असी स्वर्ग अन्तर यक ईं गी मेतु, जे हथे बइ ना, बल्कि परमेश्वरे बेलि बणो भुन्तु। से कुछ पले नेईं, बल्कि हमेशा हमेशा लिए भुन्तु।

2 कुरिन्थ 5:8

इस बझई जुए अस नडर रेहन्ते त जिसम केआं बखरी कइ प्रभु जुए साते बिशुण सुआ अब्बल समझते।

फिलिप्पी 1:19

किस कि मोउं पता असा कि जे किछ बि मोउं जुए भुण लगो असु, तसे अखिर फल में बचुण असु, किस कि तुस मोउं जे दुआ कते त यीशु मसीहे दुतो शुची आत्मा मोउं जे सुआ मदत कती।

1 तिमुथि 5:1

ए तिमुथियुसा! अपफ केआं मोटी जे टाटोरी कइ बोक ना कर, बल्कि तेन्हि अपु बोउए ईं समझ कइ इज्जत जुए बोके कर। त जे तोउ केआं मठुड़ असे, तेन्हि अपु भाई ईं समझाण दे।

1 तिमुथि 5:19

अगर कोई मेह्‍णु केसे मुखिया पुठ दोष लाआल त तेन्के बोक दुई, टाई उगाहे बगैर ना मनीण।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

तीतुस 1:5

बे कोईया! तु मेईं तोउं क्रेते टापु अन्तर बिशिण दिता ताकि हें जे कम बाकी असु तस पूरा कइ बटियेल त जीं मेईं निआंग दुतो थी, तीं जगाई जगाई मुखिया नियुक्त कइ बटियेल।

फिलेमोन 1:9

तोउं बि मोउं स्याणा पौलुस परेम जुएई तें छनेअरे करण खरु लगु। एचेल अउं मसीह यीशु लिए जेहेल अन्तर असा।

इब्रानी 12:1

त किस कि बदेई के ईं हें चोहरो कना एन्हि मेह्‍णु के उगाही के अत हुसुड़ा लगो असा, त एईए, असी हर यक तेन्हि लुन्जयारी बोके त पाप, जे असी अराम जोई अपु जाल अन्तर फसान्ते, तेन्हि दूर फटाई छते। होर यीशु मसीह पुठ ध्यान लाई कइ, लाह जोई तेस दौड़ अन्तर दौड़ते, जेस अन्तर असी दौड़ुण असु।

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

1 पतरस 1:7

पर एसे बेलि तुं विश्वास परखिन्ता कि ए मजबूत असा कि नेईं। किस कि खतम भुणे बाड़ा सुन्ना बि त आगी बेलिए परखिन्ता। तुं विश्वास त सुन्ने केआं बि सुआ कीमति असा। अगर परखुण अन्तर तुं विश्वास मजबूत रेहाल त जपल यीशु मसीह वापिस एन्ता, तपल जे शान त इज्जत परमेश्वर मेणे बाड़ी असी, तेस अन्तर तुस बि हेस्सेदार बणियेल।

1 पतरस 4:13

पर जीं मसीहे दुख सीढ़ो थिआ, तीं तुस बि दुख सीढ़ते। त तुस खुश भुए, ताकि जपल से अपु सुआ इज्जत जुए एन्ता त तुस ती खुश भोई घेन्ते।

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

1 यूहन्ना 3:2

ए ट्यारेओ! अब अस परमेश्वरे गभुर भिन्थ, होर अगर जे अस की भुन्ते, से पता नेईं। तोउं बि, अत त जाणते कि जपल मसीह एईयाल त अस तसे ईं बणते, किस कि अस तेस तिहांणि हेरते जीं से असा।

2 यूहन्ना 1:1

ए ट्यारे परमेश्वर चुणो से जिल्हाणु त तसे गभुरुओ, जेन्हि जोई अउं सच्चा परेम कता! अउं सतसंगे स्याणा यूहन्ना तुसी जे नमस्कार कता। तुसी ना कि सद अउं परेम कता, बल्कि से सोब बि परेम कते जे सच्चाई जाणते।

3 यूहन्ना 1:1

ट्यारे गयुसा, जेस जोई अउं सच्चा परेम कता! सतसंगे स्याणा यूहन्ने तोउ जे नमस्कार।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।