1 पतरस 4:7 - Walangi

⁷ सोबी चीजी के मुकुण नीड़ु एई गो असु। तोउं त, खबरदार भोई बिशे त कशि बिशे, ताकि तुस प्रार्थना कइ बटियेल।

1 पतरस 4:7 Iomraidhean Croise

मत्ती 24:42

तोउं त, चौकाने बिशे, किस कि तुस न जाणते कि तुं प्रभु केस रोज दुबारी एन्ता।

मत्ती 25:13

तोउं त चौकाने बिशे, किस कि तुस न त मनखे कोईये दुबारी एणे तेस घड़ी जाणते, होर ना तेस रोज।”

लूका 21:34

“तोउं त, खबरदार बिशे! ईं ना भोल कि तें मन मौज मस्ती, खाण पीण त जीवन होरी चिन्ताई जुओई सुस्त भोई घियेल। त से रोज तोउ पुठ अचानक एई घियेल।

लूका 21:36

तोउं त खबरदार बिशे त हर वकत प्रार्थना कते रिहे कि तुस एणे बाड़ा कष्ट त दुख केआं बच सकियेल त मनखे कोईये अगर खड़ भुणे लेएक भोई सकियेल।”

लूका 22:46

त तेन तेन्हि जे बोलु, “किस उंघो असे, खड़ भुए त प्रार्थना करे कि परीक्षा अन्तर ना पड़ेल।”

रोमी 12:12

परमेश्वर पुठ अपु उम्मीदे बारे खुश रिहे, दुख तकलीफ अन्तर लाह रखे, हमेशा प्रार्थना कते रिहे।

1 कुरिन्थ 15:24

तढ़िया पता, मसीह सोबी राज, अधिकार त शक्ति खतम कर कइ राज्य परमपिता परमेश्वरे हवाले कइ छता। तोउं भुमण उदल-बदल भोई घेन्ता।

1 कुरिन्थ 7:29

में बोलुणे मतलब ई असा, में ट्यारेओ कि से अखिरि रोज नीड़ी अओ असा। त अभेईं केआं खड़ जेन्हि जुएली रखो असी, से जुएलेरी कना मस्त मलंग भोई ना बिशे, किस कि ई मतोक खतम भुण लगो असा।

इफिसुस 6:18

हर बेले, हर चीजी लिए शुची आत्मा बेलि प्रार्थना, दुआ कते रिहे। हेरी बिशे त होरे शुचे मेह्‍णु जे लगातार दुआ कते रिहे।

फिलिप्पी 4:5

सम्हाई जेईं हराली छड़े कि तुं अन्तर कत दाह त परेम भरिए असा, किस कि प्रभु झट एण लगो असा।

कुलोसी 4:2

में ट्यारे भाई त भेणिओं! समोझि कइ जब्बर प्रार्थना दुआ करे त परमेश्वरे गुणगान करे।

2 तिमुथि 4:5

पर तु, ए तिमुथियुसा, हर चीजी पुठ समोझि बिश, कष्ट सेह त खुश खबरी प्रचार करणे कम त परमेश्वरे जे कम तेन्धे दुतो असु, तस पूरा कर।

तीतुस 2:12

त से असी खबरदार कती कि अभक्ति त मतोके इच्छा छड़ दी कइ अपु मन बदलाए। त इस कलि जुग अन्तर पूरे भक्ति त इमानदारी जुए त समोझि कइ अपु अपु उमर कटे,

इब्रानी 10:25

होर अस यक होरी जोई साते सतसंग करण छड़ न देण, जीं कि केहि मेह्‍णु कइ गो असे। पर यक होरी समझान्‍ते रिहे, त जीं जीं मसीहे एणे दन भेएड़ एन्ता बिझियेल, तीं तीं हउ बि सतसंग कते रिहे।

इब्रानी 9:26

अगर ईं भुन्तुथ त मसीह धरती शुरुवात केईआं खड़ घड़ी घड़ी दुख सेहण एन्ताथ। पर अब जुगे अखिर अन्तर यक लिंगि से अओ असा, ताकि से अपु भकत देणे बेलिए यके लिंगि सोबी के गलती त पाप माफ कइ छड़ाल।

1 पतरस 1:13

तोउं त, अपु अपु मन तेयार कर कइ त अपफ जे वश अन्तर रख कइ, तेस दाह दयाई भाड़ अन्तर बिशे, जे यीशु मसीहे प्रकट भुणे टेम तुसी मेणे बाड़ी असी।

1 पतरस 3:7

तिहांणि, ए मेह्‍णुओ! तुस बि अक्लदारी जुए अपु अपु जुएली जोई साते जिन्‍दगी बिताण दिए किस कि से तुं ई ताकतवर नेईं। होर तुस तेन्के इज्जत करे ताकि परमेश्वरे दाहे बेलि तेन्हि बि तुसी जोई साते अमर जीवने वरदान मेईंयेल। तोउं तुं हर यक प्रार्थनाई जवाब मेईंयाल।

1 पतरस 5:8

समोझि कइ बिशे, त चौकाने रिहे, किस कि तुं दुश्माण शैतान गरजते शेरे ईं तोपता रेहन्ता कि केस चीर कइ खऊं।

प्र. बोके 16:15

“हेरे, अउं चोरे ईं अजगता एन्ता; धन्य से असा जे खड़ खड़ बिश्ता, त अपु झिणि के निगरानी कता कि नगे न हंटे, त मेह्‍णु तेस नगे न हेरियेल।”