1 पतरस 4:6 - Walangi

⁶ इस बझई जुए मरो तेन्हि बुचा बि खुश खबरी तोउं प्रचार भुआ, ताकि होरे मेह्‍णु के ईं पंची भोई कइ जिसम अन्तर तेन्हि सज्जा मेती, पर आत्मा अन्तर से परमेश्वरे मुताविक जीन्ते रेहियेल।

1 पतरस 4:6 Iomraidhean Croise

मत्ती 24:9

तोउं तुसी भुंजाण जे त मारण जे मेह्‍णु तुसी टोवाई छते। में चेला भुणे बझई जुए सोबी जाति मेह्‍णु तुसी जोई बैर कते।

रोमी 8:2

किस कि जीवन देणे बाड़ी परमेश्वरे आत्माई नियमे यीशु मसीहे बेलि अउं पापे त मरणे वश केईआं छुड़कइ छो असा।

गलाती 2:19

पेहले पेहले त मेईं मूसा दुतो नियम मान कइ धर्मी भुणे भरपूर कोशिश की, पर में बेलि भु नउ त अउं मरणे दोषी बण गा। त धर्मी भुण जे अभेईं अउं अपफ पुठ ना बल्कि मसीह पुठ भरोसा कता त परमेश्वर जे जीन्ता।

गलाती 5:25

त अगर अस शुची आत्माई बेलि जीन्ते असे त तसे इच्छाई मुताविक बि जीण असु।

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

1 पतरस 3:18

किस कि मसीह बि सोबी के पापे लिए यक लिंग मर गा। एसे मतलब असा कि अधर्मी के लिए धर्मी मेह्‍णु मर गा, ताकि असी परमेश्वर केईं पुजाल। जिसमे हेसाब जोई त मेह्‍णु मसीह मार छड़ा, पर आत्माई बेलि परमेश्वरे से दुबारी जीआई छड़ा।

1 पतरस 3:19

तेस आत्माई बेलिए घेई कइ मसीह तेन्हि कैद आत्माई जे बि प्रचार किआ।

प्र. बोके 14:18

फि यक होरा स्वर्गेदूत कुण्ड अन्तरा निसा, जेस आग पुठ हक थिआ। तेन तेस तेज लात टातो स्वर्गेदूती जे जोरी जोई बोलु, “अपु तेज लात लाई कइ धरती दछि बुटे छुब काट छड़, किस कि तसे दछि पक्की गो असी।”