1 पतरस 4:4 - Walangi

⁴ से त अभेईं हैरान भोई गो असे कि तुस तेन्के मस्त मलंग भोई कइ जीण अन्तर सात न देन्ते। तोउं त से तुसी जे गुरहाज कते।

1 पतरस 4:4 Iomraidhean Croise

मत्ती 23:25

“ए कपटी धर्मशास्त्री त फरीसीओ, तुं खेया खाट भोई घेन्ति! तुस कटोर, मंगाई बाहरीआ त मजते, पर तेस अन्तर लुटो त लालच बइ कमाओ खांजे भरते।

लूका 15:13

कुछ रोजे अन्तर मठुड़ कुआ सोब कुछ बेचबुच कइ दूर देश जे घेई गा। त तेन अपु सम्हाई रुपेई गन्दे गन्दे कमी जुए मुकाई छड़े।

प्रतिनिधि 13:45

पर केहि यहूदी मेह्‍णु एत बोडा हुसुड़ा हेर कइ जड़ण लगे, त पौलुसे बोकी पुठ बेहसेईण लगे त तसे बुराई बि की।

प्रतिनिधि 18:6

पर जपल से तसे खिलाफ भोई गे त तसे बुराई करण लगे, त तेन तेन्के विरोध कर कइ अपु झिणि के धूड़ ठुटकी छड़े त तेन्हि जे बोलु, “तुं लहु तुन्धेरी मगिर पुठ लौतु अओ! अउं बेकसूर असा। अभेईं केआं खड़ अउं गैर यहूदी मेह्‍णु केईं घेन्ता।”

रोमी 13:13

असी तीं जीण, जीं अस दिसाई हंटते। ना कि मौजमस्ति कर कइ, न प्याकड़ बण कइ, न नाजायज रिश्ता बणाई कइ त बेशर्मी कम कर कइ, होर न कुटीण मडीण त जड़ कइ।

इफिसुस 5:18

त अराख पी पी अपु जिन्‍दगी खराब ना करे, पर शुची आत्माई मदते बेलि अपु जिन्‍दगी कटे।

1 पतरस 2:12

होरे परमेश्वर ना मानणे बाड़े मेह्‍णु के बुच तुं चाल चलण ईं खरा लौता भो कि जेन्हि जेन्हि बोकी अन्तर से तुसी कुकर्मी मान कइ बदनाम कते, से तुं खरे कम हेर कइ परमेश्वरे एणे रोज तसे गुणगान करियेल।

1 पतरस 3:16

होर अपु अपु अन्तरात्मा साफ रखे, ताकि जे मसीह अन्तर तुं खरे चाल चलणे बेज्जती कते, तुसी भुंजान्ते टेम लजियेल।

2 पतरस 2:12

पर ए मेह्‍णु बेअक्ले जानवर के ईं असे, जे सद मेह्‍णु के बेलि टेईंण त खतम भुण जे पैदा भो असे, होर जेन्हि बोकी के बारे ए जाणते ई नउ, तेन्के बारे होरी जे भलु बुरु बोते। परमेश्वर एन्हि खतम कइ छता, जीं मेह्‍णु जंगली जानवरी मारते।

2 पतरस 2:22

तेन्हि पुठ ईं उजवाण सुसुर बिश्तु कि कुतर अपु उल्टी खाण जे, त सन्हो किओ सूर जन बुच लोटीण देण जे दुबारी घेई घेन्ते।

यहूदा 1:10

पर ए मेह्‍णु तेन्हि सोबी जे भलु बुरु बोते, जेन्के बारे से कुछ ना जाणते। होर जानवरी के ईं सभाव केईआं जेन्हि बोकी जाणते, तसे बेलि अपु अपफ खतम कते।