1 पतरस 4:3 - Walangi

³ किस कि तुसी परमेश्वर ना मानणे बाड़े मेह्‍णु के ईं अपु इच्छाई हेसाब जुए जीण अन्तर जीं कि बुगड़ो मत अन्तर, बुरी इच्छाई अन्तर, प्याकड़पन अन्तर, मौज मस्ती अन्तर, मस्त मलंग त कुस्तुरी मुर्तिपुजा कर कइ पेहलाई सुआ टेम बरबाद कइ छो असा।

1 पतरस 4:3 Iomraidhean Croise

मरकुस 7:22

होरी के चीजे लोभ करणे, बेशर्मे कम करणे, कपट कर कइ मेह्‍णु ठगणे, होरी के भलाई हेर जड़णे त तेन्के मेझर करणे, झूठा रोभ किढ़णे त मुर्खी के कम करणे निस्ती।

प्रतिनिधि 17:30

“तोउं बि परमेश्वरे पेहलकण जमाने मेह्‍णु के मुर्खे कमी पुठ ध्यान न दिता, पर अब तसे निआंग ईं असी कि हर जगाई मेह्‍णु अपु अपु मन बदलाए।

रोमी 13:13

असी तीं जीण, जीं अस दिसाई हंटते। ना कि मौजमस्ति कर कइ, न प्याकड़ बण कइ, न नाजायज रिश्ता बणाई कइ त बेशर्मी कम कर कइ, होर न कुटीण मडीण त जड़ कइ।

1 कुरिन्थ 12:2

मसीह पुठ विश्वास करणे पेहले, तुस तेन्हि बेजान मुर्ति के वश अन्तर कीं कीं जीन्तेथ त की की कतेथ, तसे बारे त तुसी सुसुर पता असा।

1 कुरिन्थ 6:11

आं! तुसी अन्तर बि कत जेईं इहांणि थिए, पर परमेश्वरे तुस यीशु मसीहे नओएं बइ त अपु आत्माई बइ धुआई कइ शुचे किए त धर्मी बड़ाए।

2 कुरिन्थ 12:21

मोउं डर असा कि, जपल फि अउं तुसी जोई मीण जे एऊं, त तुं तेन्हि पापी के बझई जोई मोउं परमेश्वरे सामणि लजीण एईयेल। होर तुं नाजायज रिश्ता रखणे त लूचा लफंगे कम त होरे बुरे बुरे कमी के पछतावा ना करणे बझई जुए मोउं ती दुख लगाल।

गलाती 5:19

तुसी त पता असा कि जे जिसमे इच्छाई वश अन्तर रेहन्ता, से की की कता। से नाजायज रिश्ता रखता, बेशर्मी कम कता त लूचपन अन्तर बिश्ता।

गलाती 5:21

त होरे मेह्‍णु तस रशुणे लगते। से प्याकड़ भुन्ता त से मौज मस्ती अन्तर जीन्ता। एसे छड़, से हर किस्मे गलत कम कता। मेईं जीं पेहले बोलो थिउ, तीं अभेईं बि बोता कि ईं कम करणे बाड़ा परमेश्वरे राज्ये कदी भोई ना बटता।

इफिसुस 5:18

त अराख पी पी अपु जिन्‍दगी खराब ना करे, पर शुची आत्माई मदते बेलि अपु जिन्‍दगी कटे।

1 थेस्सलु 4:5

तुस तेन्हि होरे जाति मेह्‍णु के ईं मौज मस्ती अन्तर ना बिशे, जे परमेश्वर ना जाणते।

तीतुस 3:3

किस कि अस बि पेहले वेबखुफ, बोक ना मानणे बाड़े, होरे होरे बेहकाव अन्तर फसो त होरे होरे इच्छाई त मौजमस्ति गुलामी अन्तर थिए त दुश्माणी त रोभ किढ़ कइ जीन्तेथ। अस बि रशुणे त यक होरी के खिलाफ थिए।

1 पतरस 1:14

केहणा मानणे बाड़े गभुर के ईं अपु अपु जीण सुधारिण दिए। त मसीह बारे जाणण केआं पेहले जे तुं बुरी इच्छा थी, तेन्के हेसाब जुए जीण छड़ दिए।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।