1 पतरस 4:2 - Walangi

² ताकि तुस मतोक अन्तर तुं बचो जिन्‍दगी अपु जिसमे इच्छाई हेसाब जुए ना, बल्कि परमेश्वरे इच्छाई हेसाब जुए जीएल।

1 पतरस 4:2 Iomraidhean Croise

मत्ती 12:50

किस कि जे कोउं में स्वर्गे बोउए इच्छा पुठ चलते, सेईंए में ई, भाई त भेण भिन्थ।”

मत्ती 20:4

तेन तेन्हि जे बोलु, ‘तुस बि में बग घिए, त जे कुछ तुं बणतु अउं तुन्धे देन्ता।’ तोउं से बि गे।

मत्ती 21:31

अन्हि दुहि अन्तरा केन जेईं बोउए इच्छा पूरी की?” तेन्हि बोलु, “जेठा तेन।” यीशु तेन्हि जे बोलु, “अउं तुसी जे बोता कि मामला नेणे बाड़े त वेश्या तुसी केआं पेहलाई परमेश्वरे राज्य अन्तर घेन्ते।

मत्ती 7:21

जे मोउं जे “ए प्रभु, ए प्रभु!” कते तेन्हि अन्तरा हर कोई स्वर्गे राज्य अन्तर न एई बटते। पर सेईंए एई बटते जे में स्वर्गे बोउए इच्छाई पुठ चलते।

मरकुस 3:35

किस कि जे कोउं परमेश्वरे इच्छा मान कइ जीन्ता, सेईंए में सच्चे भाई, भेण त ई भो।”

मरकुस 7:21

किस कि अन्तरा, मतलब मनखे मन अन्तरा ईं बुरे बुरे विचार एन्ते, नाजायज रिश्ता रखणे सोच एन्ती, केस जोई गलत कम करणे सोच, चोरणे त मेह्‍णु मारणे,

यूहन्ना 1:13

से सम्हाई ना मेह्‍णु के ऊड़ी केईआं, ना जिसमे इच्छाई बेलि, होर ना ई बोउए इच्छाई बेलि परमेश्वरे गभुर भुन्ते, पर परमेश्वरे इच्छाई बेलि भुन्ते।

यूहन्ना 7:17

अगर कोई तसे इच्छा जुए जीण चहन्ता, त तस में शिक्षा बारे पता लगाल कि ए परमेश्वर केआं असी, ना अउं अपफ एस बणाई कइ बोलुण लगो असा।

रोमी 12:2

इस मतोके मेह्‍णु के ईं न बणे। पर तुं मन बदलीणे हेसाब जोई परमेश्वर तुं चाल चलण बि बदलण दिए, जेसे बेलिए तुस परमेश्वरे खरी, तस खुश करणे बाड़ी त हर कनारी बइ सिद्ध इच्छा बिझियेल।

रोमी 14:7

किस कि अस मसीह पुठ विश्वास कते त हें जीण त मरुण सद तसे इज्जत देणे खातिर भो लौतु, हें लिए ना।

रोमी 6:11

तोउं त, तुस बि अपु अपफ गलती त पाप करण जे मरोरे समझे, पर परमेश्वरे लिए मसीह यीशु अन्तर जीन्ते समझे।

रोमी 6:2

पर अउं बोता कि ना, कदी ना! किस कि अस पापे वश केआं छुड़की गो असे, होर गलती त पाप कर कइ हउ ना जीन्ते।

रोमी 7:4

तिहांणि ए में ट्यारेओ! तुस बि जपल मसीहे क्रूस पुठ मरणे बेलि अपु अपफ जे मर गे त तेस नियमे शंकीड़ केआं छूट गे। होर तुस यीशु भोई गो असे, जे परमेश्वरे मरो तेन्हि अन्तरा दुबारी जीआ, ताकि तुसी परमेश्वरे महिमाईं लिए फल फलियेल।

2 कुरिन्थ 5:15

सम्हाई जेईं जे मसीह इस बझई जुए मुआ, कि जे जे बि मर कइ दुबारी जी घेन्ते, से अपु मर्जी जुए ना, बल्कि तसे मर्जी जुए जीएल जे तेन्के खातिर मर गा त दुबारी जी बि गा।

इफिसुस 2:3

अस बि पेहले अपु अपु जिसमे इच्छाई जुए जीन्तेथ त अपु मन मर्जी कतेथ त होरे मेह्‍णु ईं हें गुण भुणे बझई जुए असी बि परमेश्वर केआं सज्जा मेण बाड़ी थी।

इफिसुस 4:17

ट्यारे भाई त भेणिओं! इस बझई जुए प्रभु केआं मेओ हके बेलि अउं तुसी जे बोता कि अभेईं केआं तुसी अविश्वासी मेह्‍णु ईं ना जीण, जेन्के मन अन्तर कऊ भरिए असा।

इफिसुस 5:17

तोउं त परमेश्वरे इच्छा की असी, तस सुसुर समझीण दिए ताकि मुर्ख ना बणियेल।

इफिसुस 6:6

सद तेन्के टीर अगर ना, बल्कि परमेश्वरे इच्छाई हेसाब जुए मसीहे गुलामे ईं हर बेले तेन्हि खुश करणे कोशिश करे।

कुलोसी 1:9

त जिखेईं केआं असी इ शुणो असु, तुसी जे प्रार्थना करण केआं अस नेईं रुको। अस विनती कते कि तुसी शुची आत्माई बेलि सम्हाई बुद्धि त ज्ञान जुए परमेश्वरे इच्छाई ठीक ठाक पता लगो लौता।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

1 थेस्सलु 5:18

हर बोक पुठ धन्यवाद करे: किस कि यीशु मसीह अन्तर परमेश्वर चहन्ता कि तुस इहांणि करे।

इब्रानी 13:21

होर से तुसी तसे इच्छा पूरी करणे लिए सोबी भली गुणी बइ भर छड़े। जे किछ तस खरु लगतु, से यीशु मसीहे बेलिए तुं अन्तर घिए। तसे महिमा जुग जुग तकर भुन्ति रिहे। आमीन!

याकूब 1:18

तसे इ इच्छा भुई कि अस सच्चे वचन पुठ विश्वास कर कइ दुबारी जमियेल, ताकि तसे बणाओ सम्हाई पुठ अस पेहला फल भुई बटियेल।

1 पतरस 1:14

केहणा मानणे बाड़े गभुर के ईं अपु अपु जीण सुधारिण दिए। त मसीह बारे जाणण केआं पेहले जे तुं बुरी इच्छा थी, तेन्के हेसाब जुए जीण छड़ दिए।

1 पतरस 2:1

तोउं त, सोब किस्मी बैर, छल कपट, बेईमानी त जड़ुण, त हर किस्मी गुरहाज छड़ दिए।

1 यूहन्ना 2:17

मतोक त तसे बुरे लालच दुहे खतम भोई घेन्ते, पर जे परमेश्वरे इच्छा पुठ हंटता से हमेशा रेहन्ता।