1 पतरस 4:12 - Walangi

¹² ए ट्यारेओ! तुसी परखणे लिए आगी ईं जे दुख तुसी पुठ लगो असा, एस ईं समझ कइ हैरान न भुए कि कोई अनोखी बोक तुसी पुठ भुण लगो असी।

1 पतरस 4:12 Iomraidhean Croise

1 कुरिन्थ 10:13

तुस अपल तकर ईं इम्तिहान अन्तर नेईं गो जे कि मेह्‍णु केआं न सीढ़िन्‍ते। परमेश्वर सच्चा असा। से तुसी सीढ़णे ताकत केआं बाहर इम्तिहान अन्तर न छता। बल्कि से तुसी जे इम्तिहान केआं बाहर निसणे बत बि बणान्ता, ताकि तुस सीढ़ बटियेल।

1 कुरिन्थ 3:13

पर यीशु मसीहे एणे रोज से सोब सामणि एई घेन्ते, त हर यक मेह्‍णु कम केई घेन्तु। से रोज आगे बेलिए सामणि एन्ता त हर यक जेईं के कम परखता कि कीं असु।

2 तिमुथि 3:12

सच्चाई ई असी कि जे बि यीशु मसीह अन्तर भक्ति जुए जीण चहन्ते, तस सोबी केआं कष्ट त उहियामा मेता।

1 पतरस 2:11

ए ट्यारेओ! अउं तुं छने कता कि तुस अपु अपफ परदेशी त यात्री मान कइ तेन्हि मतोके इच्छाई केआं दूर बिशे, जे तुं आत्माई खिलाफ लड़ाई कती।

1 पतरस 4:4

से त अभेईं हैरान भोई गो असे कि तुस तेन्के मस्त मलंग भोई कइ जीण अन्तर सात न देन्ते। तोउं त से तुसी जे गुरहाज कते।

1 पतरस 5:9

विश्वास अन्तर मजबूत भोई कइ, होर ई जाण कइ तसे सामणा करे कि मतोके सोब प्रभु चेले बि तुं ईं दुख सेहण लगो असे।