1 पतरस 4:10 - Walangi

¹⁰ हर यक जेईं जीं जीं वरदान मेओ असा, से तस परमेश्वरे दाह दयाई खरे भण्डारी के ईं यक होरी सेवा करण जे ला।

1 पतरस 4:10 Iomraidhean Croise

मत्ती 20:28

किस कि अउं मनखे कुआ बि तोउं नेईं अओ कि में सेवा करेउं। अउं तोउं अओ असा कि होरी के सेवा करुं। त सोबी मेह्‍णु पापे सज्जाई केआं बचाणे लिए अपु प्राण दिउं।”

मत्ती 24:14

होर, परमेश्वरे राज्ये खुश खबरी प्रचार पूरे मतोक अन्तर भुन्ता, ताकि सोबी जाति मेह्‍णु खुश खबरी शुणणे मौका मेईंयाल। तोउं जाई कइ मतोके अन्त एन्ता।”

मत्ती 24:21

किस कि तेस टेम ईं दुख भुण असा जीं सृष्टि शुरुवात केआं न कदी भुओ असा, होर न भुण असा।

मत्ती 24:45

“से यकीन लेएक त ज्ञानी नौखर कोउं भो, जे मालिके अपु नौखर-चाखर पुठ सरदार बणा ताकि टेम पुठ तेन्हि खाण पीण दिआल?

मत्ती 25:17

तोउं जेसे धे दुई बटुए दुतो थिए तेन बि लेण देण कर कइ दुई होरे बटुए भरे।

मत्ती 25:44

तोउं से जवाब देन्ते, ‘ए प्रभु! असी तु कपल ढुका, टिशो, परदेशी, नगा, बीमार त जेहेल अन्तर काआ त तें सेवा न की?’

मरकुस 10:45

किस कि अउं मनखे कुआ तोउं नेईं अओ कि में सेवा करेउं। अउं तोउं अओ असा कि होरी के सेवा करुं, त सोबी मेह्‍णु पापे सज्जाई केआं बचाणे लिए अपु प्राण दिउं।”

लूका 12:42

त प्रभु बोलु, “से यकीन लेएक त ज्ञानी लिखणार कोउं भो, जेसे मालिक दूर देश घेण केईआं पेहले अपु नौखरी के सरदार बणाल कि से तेन्के धे टेम पुठ रौठि दियेल?

लूका 19:13

तेन घेण केआं पेहले अपु नौखरी अन्तरा दस नौखर भिए त तेन्के धे दस सिक्के दिते त बोलु, ‘में एण तकर तुस लेण देण करे।’

लूका 8:3

त हेरोदेसे भण्डारी खुजे जुएली योअन्ना, त होरी सुआ जिल्हाणु जोई सूसन्नाह बि थी। ए सोब अपु अपु धन दौलती बइ तसे सेवा कतीथ।

रोमी 15:25

पर अभेईं अउं मसीहे विश्वासी मेह्‍णु के सेवा करण जे यरुशलेम शेहर जे घेण लगो असा,

रोमी 15:27

तेन्हि ईं करुण ठीक किउ, होर सच्चे बि से तेन्के ऋणि असे। त किस कि यहूदी के बेलि गैर यहूदी मेह्‍णु के आत्माई फायदा भो असा, त ई ठीक असु कि गैर यहूदी के बेलि यहूदी मेह्‍णु मदत भोल।

1 कुरिन्थ 15:10

तोउं बि, परमेश्वरे कृपादृष्टि कर कइ अउं अपु प्रतिनिधि बणा। मोउं पुठ तसे कृपादृष्टि जब्बर असर भुआ किस कि मेईं होरे सोब प्रतिनिधि केआं बि ज्यादा खुश खबरी लिए कष्ट किआ। ए मेईं अपु ताकते बेलि ना, बल्कि परमेश्वरे कृपादृष्टि बेलि किउ, जे मोउं पुठ भो असी।

1 कुरिन्थ 3:10

परमेश्वरे अपु बोके मेह्‍णु शिचालणे जे वर मेन्धे दुतो असा, तसे बेलि जीं अब्बल मिस्त्री खाई देन्ता तीं मेईं बि मेह्‍णु शिचाल कइ विश्वासे खाई दुतो असी। त होरा जेईं तेस पुठ चणाई करण लगो असा। पर हर यक मेह्‍णु चलाकी जुए बिशे, कि से तेस पुठ की चणाई कता।

1 कुरिन्थ 4:7

कोउं बोता बारा, कि तुस होरी केआं खरे असे? तुसी केईं अपु की असु, जे कि तुसी होरी केआं मेओरु नेईं? कुछ नेईं। त अगर सोब कुछ तुसी परमेश्वर केआं मेओ असु, त फि अतर रोभ किस लान्ते, जीं तुसी होरी केआं बिलकुल कुछ टातोरु नेईं?

2 कुरिन्थ 6:1

परमेश्वर जुए साते कम करणे बझई जुए अस तुं छने कते कि परमेश्वरे जे कृपादृष्टि तुसी पुठ किओ असी, तस बेकार न भुण दिए।

2 कुरिन्थ 9:1

अब तेस दाने कमे बारे जे विश्वासी मेह्‍णु के लिए कते, तुसी जे लिखुण जरूरी नेईं।

इफिसुस 3:8

सोबी शुचा मेह्‍णु के अगर में किछ औकात नेईं। तोउं बि परमेश्वरे मोउं पुठ इ दाह की कि अउं मसीह अन्तर जे बेहिसाब अमीरी असी, तेसे खुश खबरी गैर यहूदी शुणान्ता।

इफिसुस 4:11

त तेन केसे विश्वासी धे अपु प्रतिनिधि बणणे, त केसे होरी धे भविष्य वाणि करणे, त केसे धे खुश खबरी प्रचार करणे त केसे होरी धे विश्वासी के पुहाल बणणे त केसे धे परमेश्वरे वचन शिचालणे वर दिता।

2 तिमुथि 1:18

होर जे जे सेवा तेन इफिसुस शेहर अन्तर किओ असी, तसे बारे त तोउ ठीक ठाक पता असा। अउं प्रार्थना कता कि जेस रोज प्रभु यीशु पंची करण जे एन्ता, तपल तेस पुठ दाह करे।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

इब्रानी 6:10

किस कि परमेश्वर अन्याय करणे बाड़ा न भो कि से तस जोई, जे तुं परेम असा, तस बिसिर छता। से जरूर याद कता कि तुसी कीं परमेश्वरे शुचे मेह्‍णु के सेवा की त अभेईं तकर कते अओ असे।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

1 पतरस 5:12

मेईं ई दुई चोउर अखर सिलवानुस केईआं लिखाए। अउं तस यकीन लेएक भाई समझता। त मेईं तुसी हिम्मत देण जे त ई बताण जे लिखो असु कि तुस जे दुख सीढ़ते, तेस पुठ सच्चे परमेश्वरे दाह असी। त तुस परमेश्वरे दाह अन्तर पक्के भोई बिशे।