1 पतरस 3:9 - Walangi

⁹ बुराई बदले बुराई न करीण। होर बजरुण के बदले बजरुण नओं; बल्कि तसे बदले अशुश देण, किस कि तुस एसेरी लिए ईं भिहो असे ताकि तुस अशुशी के हकदार बण बटियेल।

1 पतरस 3:9 Iomraidhean Croise

मत्ती 19:29

होर जेन केनि अपु गी, भाई भेण, ई बोउ, गभुरु-छिएड़ु त बग-बघुई में नओएं लिए छड़ दुतो असे, तस परमेश्वर सौ गुणा देन्ता, त अमर जीवन देन्ता।

मत्ती 25:34

तोउं राजा अपु देहणा कनारी तेन्हि जे बोता, ‘ए में बोउ परमेश्वरे केईआं अशुश मेओ मेह्‍णुओ! एईए, ओस राज्य हेस्सेदार बणे, जे सृष्टि बणुण केआं पेहलाई तुसी जे तेयार किओ असा।

मत्ती 5:39

पर अउं तुसी जे बोता कि केस बुरे मेह्‍णु सामणा न करण। पर जे कोउं तें यक अलोकड़ि पुठ दिआल त होरी अलोकड़ि बि धरीण।

मत्ती 5:44

पर अउं तुसी जे बोता अपु दुश्माण जोई परेम रखे त अपु भुंजाणे बाड़ी जे प्रार्थना करे,

मरकुस 10:17

पता, जपल से तठिआ निस कइ घेण लगा, त यक मेह्‍णु दौड़ता तेस केईं आ, तसे अगर उटेऊ बिश कइ पुछु, “ए खरा गुरु! मोउं अमर जीवन मेण जे की करुण?”

लूका 10:25

त हेरे! यक धर्मशास्त्री खड़ भुआ त तसे परखणे लिए ई पुछुण लगा, “ए गुरु, मोउं अमर जीवन मेण जे की करुण?”

लूका 18:18

केनि नेते यीशु केआं पुछु, “ए खरा गुरु! अमर जीवन मेण जे मोउं की करुण?”

रोमी 12:14

अपु भुंजाणे बाड़ी जे अशुश दिए; अशुश दिए, कदी शराप न दिए।

रोमी 12:17

बुराई बंटि केसे जोई बुराई न करे। तस कम करे जेसे बेलि सोबी मेह्‍णु के भलाई भुन्ति।

रोमी 8:28

अस जाणते कि जे मेह्‍णु परमेश्वर जोई परेम कते, मतलब परमेश्वरे जे अपु इच्छाई हेसाब जोई भिओ असे, तेन्हि सोबी बोकी के बेलि परमेश्वर तेन्के भलाई कता।

रोमी 8:30

फि जे तेन पेहलाई चुणो असे, से भिए, होर जे भिओ असे से धर्मी बणाए बि, होर जे धर्मी बणाए, तेन्के धे महिमा बि दिती।

गलाती 3:14

ए इस बझई जोई भु कि अब्राहमे अशुश मसीह यीशु बेलि हर यक जाति मेह्‍णु तकर पुजे त जेस शुची आत्मा देणे परमेश्वरे जुबान दुतो थी से असी विश्वासे बेलि मेईंयेल।

इफिसुस 4:32

पर यक होरी पुठ दाह करे त नरमी जुए पेश एईए। जीं परमेश्वरे मसीह अन्तर तुं सम्हाई पाप माफ किओ असे, तुस बि तीं यकी होरी कमी पेशी माफ करे।

1 थेस्सलु 5:15

हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे।

इब्रानी 12:17

तुस त जाणते कि पता जपल तेन अपु बोउ इसहाक केईआं रोल रोल कइ बि हकदार भुणे अशुश पाण चही, तोउं बि तस न मेई, किस कि तसे मन बदलियेरा नेओथ।

इब्रानी 6:14

तेन तस धे ई जुबान दिती कि “जरूर अउं तोउ सुआ अशुश देन्ता त तें वंश बधान्ता।”

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।