1 पतरस 3:8 - Walangi

⁸ ए ट्यारेओ! अखिर अन्तर अउं तुसी बताण चहन्ता कि तुस सम्हाई यक रुह त उई मी कइ बिशे। यक होरी पुठ दाह दया करे। तुं दिल नरम त दाह बाड़ा लौता।

1 पतरस 3:8 Iomraidhean Croise

मत्ती 18:33

त जीं मेईं तोउ पुठ दाह की, तीं तोउ बि अपु साथी नौखर पुठ दाह ना करीण थी ना?’

लूका 10:33

पर सामरिया राज्ये यक जातुर तेन बइ आ त तेस मेह्‍णु हेर कइ तसे दाह आई।

प्रतिनिधि 2:1

प्रभु यीशु मर कइ दुबारी जीणे सत हफ्ते पता पिन्तेकुस्त नओएं त्योहार आ, त तेस रोज से सोब विश्वासी भाई भेण यक जगाई कठे थिए।

प्रतिनिधि 27:3

दोके रोजे अस सैदा शेहर पूज गे, त सुबेदार यूलियुसे पौलुस पुठ दाह की त तस घेई कइ अपु मितरी जोई मीण जे त अपु जरूरते सामान अण्हुण जे इजाजत दी छइ।

प्रतिनिधि 28:7

तेस जगाई भेएड़ कुछ जिम तेस टापु मुखिये थी, जेस नओं पुब्लियुस थिउ। तेन असी अपु गी धाम की त टाई रोज तकर हें खरी सेवा पाणि की।

प्रतिनिधि 4:32

अब मसीह पुठ विश्वास करणे बाड़े सोब यक मन चिती थिए। तेन्हि बिचा ईं कोई बि नेओथ जे अपु धन संपत्ति अपु बोताथ। तेन्के सोब किछ हेस्सेदारी अन्तर थिउ।

रोमी 12:10

सोब भाईचारे जोई बिशे। होरी इज्जत करण अन्तर अपफ बुच यकी होरी केईआं बधते घिए।

रोमी 15:5

अउं प्रार्थना कता कि लाह त हिम्मत देणे बाड़ा परमेश्वर तुसी यीशु मसीहे ईं अपफ बुच यक मन भोई कइ बिशणे वरदान दियेल,

1 कुरिन्थ 1:10

ए ट्यारेओ! हें प्रभु यीशु मसीहे प्रतिनिधि भुणे खातिर अउं तुसी जे हथ जोड़ कइ बोता कि छने, सोबी अणबण केआं दूर रेह त यकी होरी जुए राड़-मीड़ कइ बिशे। तुं सम्हाई के मन त ध्यान यकजूट भो लौता।

1 कुरिन्थ 12:26

तोउं त, अगर जिसमे कोई यक अंग कष्ट अन्तर भोल त जिसमे सम्हाई अंगी बि तस जुए कष्ट लगता। होर अगर जिसमे कोई यक अंगे खरी सेवा भुन्ति त होरे सम्हाई अंग खुश भोई घेन्ते।

इफिसुस 4:2

मतलब, तुसी बुच कोई रोभ न किढ़े, होर ना उश्क बिशे। पर लाह रख कइ, परेम जुए यक होरी कमजोरी सीढ़ण दिए।

इफिसुस 4:31

तुसी सम्हाई अणबण, लेहेर, बेहेस करण, खशोरिण मडीण, चाथि केआं त सम्हाई बुराई केआं दूर बिशुण।

इफिसुस 4:32

पर यक होरी पुठ दाह करे त नरमी जुए पेश एईए। जीं परमेश्वरे मसीह अन्तर तुं सम्हाई पाप माफ किओ असे, तुस बि तीं यकी होरी कमी पेशी माफ करे।

फिलिप्पी 2:3

अपफ ना बधुण त ना झूठा रोभ किढ़ण। बल्कि अपफ घटाई कइ होरी अपफ केआं बध समझे।

फिलिप्पी 3:16

पर जेस सच्चाई परमेश्वर असी पता करवा तसे हिसाब जुए जीण लौतु

कुलोसी 3:12

तोउं त, शुचा त परमेश्वरे चुणो ट्यारे मेह्‍णु ईं दाह त भलाई कते रिहे। अपफ जे घट समझे, लाह रख कइ परेम जुए धराण दिए त केसे बि चीज पुठ रोभ ना किढ़े।

इब्रानी 13:1

त ए ट्यारेओ! अपफ बुच परेम त भाईचारा बड़ाई कइ रखे।

याकूब 2:13

किस कि जेन दाह न की, तसे पंची बजन दाहे भुन्ति: तोउं बि, जे दाह कते, पंची करणे टेम परमेश्वर बि तेन्हि पुठ दाह कता।

याकूब 3:17

पर जे बुद्धि खड़ोरिया मेती पेहले त से शुची असी। से बुद्धि असी मिआणे बाड़ा, नरम मने बाड़ा, सुधी-बुद्धि बाड़ा, दाहोपरा, त खरे कम करणे बाड़ा बणान्ती। त तेस बुद्धि बेलि अस मेह्‍णु शकल हेर कइ कम ना कते, होर ना छल कपट कते।

याकूब 5:11

सच्ची, अस तेन्हि जे धन्य बोते, जे धीरज रख कइ सीढ़ते। तुसी अय्यूबे लाह रखणे बारे त शुणो भोल। तोउं प्रभु कनारा जे फल मेईंया तसे बारे बि जाण गो भोल, जेसे बेलि प्रभु परेम त दाह केती।

1 पतरस 1:22

त किस कि यकी होरी जोई परेम करण जे तुसी सच्चे वचन मान कइ अपु अपु मन शुचे किओ असे, त अखिर तकर पूरे मन लाई कइ यक होरी जोई खरे परेम कते रिहे।

1 पतरस 2:17

सोबी के इज्जत करे। अपफ बुच उई मी कइ बिशे। परमेश्वर हेर डरे। होर, राजे इज्जत करे।

1 पतरस 5:5

इहांणि, ए जवानों! तुस बि सतसंगे स्याणी के वश अन्तर बिशे। पर तुस सोब के सोब होरी केईआं अपफ जे घट समझे, किस कि धरमे कताब अन्तर लिखो असु कि “परमेश्वर घमण्डी के विरोध कता। पर जे अपफ जे घट समझते, तेन्हि पुठ दाह दया कता।”

2 पतरस 1:7

तसे भक्ति कते-कुते अपफ बुच भाईचारे जुए बिशणे, त भाईचारे जुए बिश्ते टेम परेम अन्तर बधणे कोशिश करे।

1 यूहन्ना 3:14

असी पता असा कि होरे विश्वासी जोई परेम करणे बेलि अस मरणे वश केआं छूट कइ अमर जीवन अन्तर पुजी गो असे; होर जे परेम ना कता से मरणे वश अन्तर भुन्ता।