1 पतरस 3:4 - Walangi

⁴ पर तुं ठाटिण-ठुटिण तुं अन्तर नियोको गुणे लौता, जे नरम त शान्त गुण रखणे बेलि भुन्ता। ए सजावट कदी ना मुकणे बाड़ी मोती के ईं असी। ए परमेश्वरे सामणि सुआ कीमति असी।

1 पतरस 3:4 Iomraidhean Croise

मत्ती 11:29

में बोके जूंण अपु मन अन्तर करे त मोउं केआं शिचे; किस कि में गुण हर किछ सेहण करणे बाड़ा त मन अन्तर दया रखणे बाड़ा भो। त तुसी अपु मन अन्तर अराम मेता।

मत्ती 21:5

“यरुशलेम शेहरे बाड़ी जे बोले, ‘हेरे, तें राजा तोउ केईं जे अओ असा; से शान्त असा, त खोतुड़ पुठ बिशो असा; बल्कि खोतुड़ु बच्चे पुठ सवार असा।’”

मत्ती 23:26

ए अन्हे फरीसीओ! पेहले कटोर त मंगाई अन्तरा माज कइ साफ करे, तोउं बाहर बि से साफ भोई घेन्ते।”

मत्ती 5:5

धन्य असे से मेह्‍णु, जे शरीफ असे किस कि से इस धरती हकदार बणते।

लूका 11:40

ए मुर्खो! जेनि बाहरी हेस्सा बणो असा, तेन कि अन्तरी हेस्सा नेईं ना बणो?

लूका 16:15

त तेन तेन्हि जे बोलु, “तुस त मेह्‍णु के सम्हाणि अपफ जे महान त बोडे धर्मी हरालते, पर परमेश्वर तुं मन जाणता, किस कि जे जे चीज मेह्‍णु अगर तुसी बोडा त धर्मी बणान्ते, से परमेश्वरे अगर रोशुणी असी।

रोमी 1:23

होर कदी ना मुकणे बाड़ा परमेश्वरे महिमा करण छड़ दी कइ मुकणे बाड़े मेह्‍णु, चड़ी चखुरु, जानवर त कीड़े काकली के मुर्ति बणाई।

रोमी 2:29

पर सच्चा यहूदी सेईंए भो, जे नियम मानता, होर सच्चा खतना सेईंए भो, जे मन अन्तर भुन्ता, ना कि केणे बाड़े जिसम पुठ भुन्ता। एन्के ईं मेह्‍णु के तारीफ मेह्‍णु के बेलिए ना, बल्कि परमेश्वरे बेलि भुन्ति।

रोमी 6:6

अस जाणते कि तेस जोई साते हें पुराणे सभाव बि क्रूस पुठ मर गे, ताकि गलती त पाप करणे हें सभाव मुक घियेल, त तढ़िया पता अस पापे गुलाम ना रिहेल।

रोमी 7:22

किस कि मसीहे बेलिए मेओ नोउए सभावे बझई जोई परमेश्वरे नियम त मोउं ती ट्यारे असे।

2 कुरिन्थ 10:1

अउं पौलुस अपु कनारा तुं छनेअरे कता। में बारे सुआ जेईं बोते कि मुंह सामणे भोल त डरोरा, होर दूर भोल त सक्त। अउं पौलुस मसीहे ईं नरम बण कइ तुसी जे बोता

2 कुरिन्थ 4:16

इस बझई जुए अस कदी उम्मीद ना छते। बेशक, हें केणे बाड़ा जिसम कमजोर भुण लगो असा, तोउं बि हें आत्मा हर रोज नोई भुण लगोरी सी।

गलाती 5:23

अस अपु इच्छा नोउएं गुणे वश अन्तर रखते त सम्हाई जेईं अराम जुए धरान्ते। इन्हि कमी के खिलाफ कोई नियम नेईं।

इफिसुस 4:2

मतलब, तुसी बुच कोई रोभ न किढ़े, होर ना उश्क बिशे। पर लाह रख कइ, परेम जुए यक होरी कमजोरी सीढ़ण दिए।

कुलोसी 3:12

तोउं त, शुचा त परमेश्वरे चुणो ट्यारे मेह्‍णु ईं दाह त भलाई कते रिहे। अपफ जे घट समझे, लाह रख कइ परेम जुए धराण दिए त केसे बि चीज पुठ रोभ ना किढ़े।

1 थेस्सलु 4:11

त जीं असी तुसी जे निआंग दुतो असी, तीं सोबी जोई शान्ति जोई बिशुण जे, अपु अपु सरसला चलाण जे त अपु हथे बइ कमाण जे हिम्मत करे।

2 थेस्सलु 3:12

ईं मेह्‍णु जे अस प्रभु यीशु मसीहे नओएं बइ समझाई कइ ई निआंग देन्ते कि से चुपचाप अपु कम करे त सद अपु कमाई खाए।

1 तिमुथि 2:2

परमेश्वरे सम्हाणि राजा त होरे मोटे अधिकारी जे बि प्रार्थना करे, ताकि अस सुख शान्ति जुए परमेश्वर पुठ विश्वास कर कइ त पूरी इज्जत जुए जी बटियेल।

2 तिमुथि 2:25

जे हें खिलाफ भुन्ते तेन्हि से खरी नरमी कइ समझाण लौते, कि पता परमेश्वर तेन्हि बुचा केसे जेईं धे मन बदलाणे आत्मा दिआल त से बि सच्चाई वचन पिछाणल,

तीतुस 3:2

केसे जे बदनाम ना करे, होर ना झगड़ा करे। पर सोबी अब्बल गुण जुए सम्हाई मेह्‍णु जुए बिशे।

याकूब 1:21

तोउं त, हर किस्मे गन्दे कम त दुष्ट विचार जे बधते घेन्ते, तेन्हि छड़ दिए। होर अपफ घटाई कइ तुसी शिचालो तेस वचन मनीण दिए जे तुं प्राण बचाई बटता।

1 पतरस 1:23

किस कि तुसी खतम भुणे बाड़ु बिएजु बेलि ना, बल्कि न खतम भुणे बाड़े बिएजु बेलिए नोउआं जनम मेओ असा। से बिएजु परमेश्वरे वचन भो, जे जीन्ता त अमर असा।

1 पतरस 3:15

पर मसीह इज्जत दी कइ अपु प्रभु माने। कोउं अगर तुसी केआं मसीह पुठ तुं उम्मीदे बारे पुछियाल, त तस जे परेम त इज्जत जोई जवाब देणे लिए हमेशा तेयार बिशे।