1 पतरस 2:8 - Walangi

⁸ होर, “मेह्‍णु उछुट छाणे घोड़ त भीं झड़ाणे पलण बण गा” किस कि से वचन न मानणे बझई जोई उछुट घेन्ते, जीं पेहलाई केआं परमेश्वरे ठीक किओ थिउ।

1 पतरस 2:8 Iomraidhean Croise

लूका 2:34

तपल शमियोने तेन्हि अशुश दी कइ तसे ईया मरियम जे बोलु, “हेर, परमेश्वरे ए कुआ इस्राएली सुआ कमजोर मेह्‍णु सुसुर खड़ करण जे त सुआ घमण्डी मेह्‍णु के कियाड़ी उन्न लाण जे ठीक किओ असा। ए यक निशाण ईं भुन्ता कि मेह्‍णु तेसे बारे बुरु बोते।

रोमी 9:22

अगर परमेश्वरे अपु लेहेर कढ़णे जे त अपु ताकत हरालण जे ईं भाणे बणाए, जे खतम करणे लिए असे, पर तेन्हि सुआ लाह जोई सेहु, त एस अन्तर हैरान भुणे बाड़ी कोई बोक नेईं।

1 कुरिन्थ 1:23

पर अस मेह्‍णु बचाण जे मसीह क्रूस पुठ मरणे बारे प्रचार कते। यहूदी मेह्‍णु ना मानते कि मसीह मर सकता त गैर यहूदी मेह्‍णु सोचते कि ए सोब बेकार असु।

2 कुरिन्थ 2:16

जे अपु अपु पाप अन्तर मरुण लगो असे, तेन्हि जे अस यक जहरिली ब्यार ईं असे जे मौत आणती। पर जे परमेश्वरे बचाओ असे, तेन्हि जे अस यक अब्बल मुश्क ईं असे जे नोउआं जीवन आणता। बोले त धिक, ईं कम करणे औकात केसेरी असी ना?

गलाती 5:11

ए में भाई त भेणिओं! मेईं त तुसी जे कदी खतना करण जे नेईं बोलु! अगर अउं खतना करणे प्रचार कताथ त अभेईं तकर यहूदी मेह्‍णु अउं ना भुंजान्तेथ त मसीहे क्रूसे बेलि जे अजादी असी, तसे खिलाफ कोई ना भुन्ताथ।

1 थेस्सलु 5:9

किस की परमेश्वरे असी अपु कोप जे ना, बल्कि हें प्रभु यीशु मसीह अन्तर बचुण जे ठीक किओ असु।

1 पतरस 2:6

ई जीं धरमे कताब अन्तर परमेश्वरे बोलो असु: “हेरे, अउं यरुशलेम अन्तर यक ईं कुणे घोड़ टगान्‍ता, जे चुणो त सुआ कीमति असा: होर जे कोउं तेस पुठ विश्वास कता, से कदी बि लजिन्ता नोउ।”

1 पतरस 2:7

तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।