1 पतरस 2:7 - Walangi

⁷ तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

1 पतरस 2:7 Iomraidhean Croise

मत्ती 21:42

यीशु तेन्हि जे बोलु, “तुसी कि कदी धरमे कताब अन्तर ईं नेईं न पढ़ो: ‘जे घोड़ मिस्त्री रेज समझ कइ फटओ थिआ, सेईंए कुणे खास घोड़ बण गा?’ ‘ए प्रभु कनारा भुओ असु त हें नजर अन्तर ए चमत्कारी कम भो!’

लूका 2:32

से यक टगड़ियारी ईं होर जाति मेह्‍णु परमेश्वर हरालता, त तें प्रजा इस्राएली के शान बणता।”

लूका 2:34

तपल शमियोने तेन्हि अशुश दी कइ तसे ईया मरियम जे बोलु, “हेर, परमेश्वरे ए कुआ इस्राएली सुआ कमजोर मेह्‍णु सुसुर खड़ करण जे त सुआ घमण्डी मेह्‍णु के कियाड़ी उन्न लाण जे ठीक किओ असा। ए यक निशाण ईं भुन्ता कि मेह्‍णु तेसे बारे बुरु बोते।

लूका 20:17

त तेन तेन्के धे हेर कइ बोलु, “तोउं ई किस परमेश्वरे नियम अन्तर लिखो असु? एसे मतलब की असु? ‘जे घोड़ मिस्त्री रेज समझ कइ फटओ थिआ, सेईंए कुणे खास घोड़ बण गा।’

यूहन्ना 4:42

त तेस जिल्हाणु जे बोलु “अब अस सद तें बोलुणे बेलि विश्वास ना कते; किस कि असी अपफ तस केईआं शुणु त पता लग गा कि ए सेईंए मनख बचाणे बाड़ा भो।”

प्रतिनिधि 26:19

“तोउं त ए महाराज अग्रिप्पा, मेईं स्वर्ग केआं भुओ तेस दर्शणे बोके मनी।

रोमी 10:21

पर इस्राएली मेह्‍णु के बारे परमेश्वर ईं बोता, “सुआ टेम केआं यक निआंग ना मानणे बाड़ी त मुहाबला करणे बाड़ी टजे कना जे, मेईं अपु हथ टड रखे कि से मोउं केईं एईयेल।”

रोमी 15:31

ताकि परमेश्वर मोउं अविश्वासी यहूदी मेह्‍णु केईआं बचाल, होर चन्ना अण्हणे में सेवा यरुशलेम शेहरे शुचे मेह्‍णु जे खरी लगेल।

2 कुरिन्थ 2:16

जे अपु अपु पाप अन्तर मरुण लगो असे, तेन्हि जे अस यक जहरिली ब्यार ईं असे जे मौत आणती। पर जे परमेश्वरे बचाओ असे, तेन्हि जे अस यक अब्बल मुश्क ईं असे जे नोउआं जीवन आणता। बोले त धिक, ईं कम करणे औकात केसेरी असी ना?

कुलोसी 2:10

से सम्हाई राज त हक पुठ बोडा असा त तुस तेस मसीहे बेलि पूरे भोई गो असे।

तीतुस 3:3

किस कि अस बि पेहले वेबखुफ, बोक ना मानणे बाड़े, होरे होरे बेहकाव अन्तर फसो त होरे होरे इच्छाई त मौजमस्ति गुलामी अन्तर थिए त दुश्माणी त रोभ किढ़ कइ जीन्तेथ। अस बि रशुणे त यक होरी के खिलाफ थिए।

इब्रानी 11:31

एसे विश्वासे बेलि ईं राहाब वेश्या इस्राएले तेन्हि जासुसी के मदत की। तोउं त से यरीहो शेहरे तेन्हि मेह्‍णु जुए खतम ना भुई, जे परमेश्वरे केहणा न मानतेथ।

इब्रानी 4:11

तोउं त, चले तेस टांक तकर पुजुण जे अस जब्बर कोशिश कते। ई ना भो कि निआंग ना मान कइ तेन्हि पुरखी के ईं असी बुछ कोई पतूं रेही घियाल।

1 पतरस 1:8

तुस यीशु जोई बजन हेरणे परेम कते। होर अब त तेस पुठ बजन हेरणे बि विश्वास कर कइ अत खुश असे कि तुं बुखि हसती त तुं खुशी कोई ठिकाणे नेईं।

1 पतरस 2:4

त प्रभु यीशु भेएड़ एईए, जे मेह्‍णु त रेज समझा, पर परमेश्वरे से चुणो असा त तसे सामणि सुआ खास असा। से जीन्ता घोड़ असा।

1 पतरस 2:8

होर, “मेह्‍णु उछुट छाणे घोड़ त भीं झड़ाणे पलण बण गा” किस कि से वचन न मानणे बझई जोई उछुट घेन्ते, जीं पेहलाई केआं परमेश्वरे ठीक किओ थिउ।