1 पतरस 2:6 - Walangi

⁶ ई जीं धरमे कताब अन्तर परमेश्वरे बोलो असु: “हेरे, अउं यरुशलेम अन्तर यक ईं कुणे घोड़ टगान्‍ता, जे चुणो त सुआ कीमति असा: होर जे कोउं तेस पुठ विश्वास कता, से कदी बि लजिन्ता नोउ।”

1 पतरस 2:6 Iomraidhean Croise

मत्ती 12:18

तेन परमेश्वरे बोलो बोक लिखो थी कि “हेरे! ए में सेवक भो, जे मेईं चुणो असा; में ट्यारा, जेस हेर अउं ती खुश असा। अउं अपु आत्मा तेस पुठ छान्‍ता त से हर यक जाति मेह्‍णु के बुछ में न्याये करणे बारे प्रचार कता।

मरकुस 12:10

“कि तुसी धरमे कताब अन्तर ई वचन नेईं न पढ़ो : जे घोड़ मिस्त्री रेज समझ कइ फटओ थिआ, सेईंए कुणे खास घोड़ बण गा?

लूका 20:17

त तेन तेन्के धे हेर कइ बोलु, “तोउं ई किस परमेश्वरे नियम अन्तर लिखो असु? एसे मतलब की असु? ‘जे घोड़ मिस्त्री रेज समझ कइ फटओ थिआ, सेईंए कुणे खास घोड़ बण गा।’

लूका 23:35

मेह्‍णु खड़ खड़ हेरण लगो थिए। तेन्हि बुच यहूदी नेते मखोल बणाई कइ बोलुण लगे, “एन होरे मेह्‍णु बचाए। अगर ए परमेश्वरे लंघो मसीह भो होर तेन चुणो असा त अपु अपफ बि बचाल।”

यूहन्ना 7:38

त जीं धरमे कताब अन्तर लिखो असु, ‘जे मोउं पुठ विश्वास कता, तसे दिल अन्तर जीवन देण बाड़ी पुओणि सुजली ईं बहिन्तु।’”

प्रतिनिधि 1:16

“ए भाई त भेणिओं! यहूदा इस्कारियती हें साथी थिआ, त इस सेवा करण अन्तर हेस्सेदार बि बणा। पता से यीशु टोवाणे बाड़ी तसे भेएड़ घिन आ। पर ई कोई बोक नेईं, किस कि राजा दाऊदे बेलि शुची आत्माई तसे बारे जे भविष्य वाणि पेहलाई बोलो थी, धरमे कताबी से बोक जरूर पूरी भुण थी।

रोमी 10:11

धरमे कताब अन्तर ईं लिखो असु, “जे कोउं तेस पुठ विश्वास करियाल, से कदी लजेईन्‍ता नउ।”

इफिसुस 1:4

तेन पूरा भुमण बणुण केआं पेहले ईं अस यीशु मसीह अन्तर चुणे, ताकि अस तस सामणि परेम जुए शुचा त बजन कोई दोषे रेहियेल।

इफिसुस 2:20

त प्रतिनिधि त भविष्य वक्ते खाई पुठ तुस जीं परमेश्वरे यक शुचा देहेर बणण लगो असे, जेसे जेठा थम यीशु मसीह अपफ भो।

2 तिमुथि 3:16

किस कि परमेश्वरे सम्हाई वचन तसे शिच सलाही बेलि लिखो असे, त ए मेह्‍णु शिचालणे, सुधारणे त जड़काणे लिए होर परमेश्वरे वचने हिसाब जुए जीण लिए फायदामन्द असा,

1 पतरस 2:4

त प्रभु यीशु भेएड़ एईए, जे मेह्‍णु त रेज समझा, पर परमेश्वरे से चुणो असा त तसे सामणि सुआ खास असा। से जीन्ता घोड़ असा।

1 पतरस 2:8

होर, “मेह्‍णु उछुट छाणे घोड़ त भीं झड़ाणे पलण बण गा” किस कि से वचन न मानणे बझई जोई उछुट घेन्ते, जीं पेहलाई केआं परमेश्वरे ठीक किओ थिउ।

2 पतरस 1:20

पर पेहले ई जाण घिए कि धरमे कताबे कोई बि भविष्य वाणि केनि अपु विचारी के बेलि नेईं लिखो।

2 पतरस 3:16

तिहांणि तेन अपु सोबी चिट्ठि अन्तर बि अन्हि बोकी के बारे लिखो असु, जेन्हि अन्तर केहि बोके ईं असी कि जे समझुण जे ओखी असी। होर नासमझ त दुमने मेह्‍णु तेन्के मतलब मरोड़ कइ अपु खातमा कराणे बझह बणान्ते, जीं से धरमे कताबे होरी बोकी के बि कते।