1 पतरस 2:5 - Walangi

⁵ यीशु पुठ विश्वास करणे बेलि तुस बि जीन्ते घोड़ी के ईं असे, जेन्हि मिआई कइ परमेश्वर अपफ जे यक देहेर बणाण लगो असा, जेठि तसे आत्मा भुन्ति। तुस तेस देहेर अन्तर तेन्हि शुचे पुजारी के ईं बि असे, जे यीशु मसीहे बेलि परमेश्वर जे ईं भकत चढ़ान्ते, जे परमेश्वर आत्माई जुए त तसे जोग असा।

1 पतरस 2:5 Iomraidhean Croise

रोमी 12:1

तोउं त ए ट्यारेओ, अउं तुसी परमेश्वरे बोडी कृपा याद दिआई कइ छने कता कि तुस अपु अपफ परमेश्वरे जे यक ईं भकत बणे, जे शुची असी, होर जे सद परमेश्वर जे जीन्ता त जेस हेर परमेश्वर खुश भुन्ता। एईएं तुं सच्चे मन त आत्माई जोई परमेश्वरे पूजा अराधना भो।

1 कुरिन्थ 3:16

त कि तुस न जाणते ना कि तुस सोब परमेश्वरे देहेर भो, त परमेश्वरे आत्मा तुं अन्तर भुन्ति?

1 कुरिन्थ 3:9

परमेश्वरे सेवा अन्तर अस साथी असे त तुस परमेश्वरे बगे ईं भो त तसे गी भो।

1 कुरिन्थ 6:19

तुसी त पता असा कि तुं जे जिसम असा, से शुची आत्माई देहेर भो। से आत्मा तुसी परमेश्वर केईआं मेओ असी त से तुं अन्तर बिश्ति। तुस अपु अपफ नेईं।

2 कुरिन्थ 6:16

परमेश्वरे देहरे अन्तर मुर्ति के कोई कम नेईं। अस जीन्ता परमेश्वरे देहेर भो, किस कि परमेश्वरे बोलो असु कि “अउं तेन्के बुछ बिश्ता त तेन्हि जोई साते हंटता, अउं तेन्के परमेश्वर भुन्ता त से में प्रजा भुन्ते।”

गलाती 6:10

तोउं त, जपल असी मौका मेओ असा, चले, सोबी जे भलाई कते, खास कइ तेन्हि जे, जे विश्वास अन्तर हें टब्बरे ईं असे।

फिलिप्पी 1:11

अउं प्रार्थना कता कि यीशु मसीह तुसी सुआ अब्बल अब्बल कम करुण जे ताकत दिए ताकि मेह्‍णु परमेश्वरे धन्यवाद त गुणगान करियेल।

फिलिप्पी 2:17

खुश खबरी प्रचार करण अन्तर तुं मदत त यीशु मसीहे पुठ विश्वास करण बझई जुए तुं भुंजुण परमेश्वर जे यक भकत ईं असा। अगर तुं ईं मोउं बि भुंजाई कइ मार छते त अउं खुश असा, किस कि तोउं अउं परमेश्वर जे तुं भकत जुए जुड़ कइ तस पूरा कता। त जीं अउं खुश असा,

फिलिप्पी 4:18

अभेईं में जरूरत जे मोउं सुआ मेओ असु त मोउं केईं डट कइ असु। इफ्रुदितुस केईआं तुसी जे चन्ना लंघो थिआ, तसे बेलि अउं रज्जि भोई गो असा। से चन्ना परमेश्वरे लेएक तस खुश करण जे यक अब्बल मुश्कदार भकत ईं असा।

कुलोसी 3:17

तुस चहे कुछ कम करे या कोई बोक करे, जे बि करण असु, तस ईं याद रख कइ करे कि तुस प्रभु यीशु प्रतिनिधि भो त तसे बेलिए परमपिता परमेश्वर जे धन्यवाद दिए।

1 तिमुथि 3:15

कि अगर मोउं एण अन्तर चेरे भोई घियेल त तोउ पता लगियेल कि जीन्ता परमेश्वरे गी, जे कि सतसंग असा, तथ अन्तर मेह्‍णु कीं उरतुण-बरतुण, किस कि से सच्चाई थम त खाई भो।

इब्रानी 3:6

पर यीशु मसीह यक कोईये ईं परमेश्वरे गी अन्तर यकीन लेएक थिआ। अगर अस अखिर तकर हें विश्वासे लिए हिम्मत रखते, परमेश्वर पुठ उम्मीद कते रेहन्ते त अस परमेश्वरे गीहे मेह्‍णु बणते।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

1 पतरस 4:11

अगर तुसी बोक करणे वरदान मेओ असा त परमेश्वरे वचने प्रचार करे। अगर तुसी होरी के सेवा करणे वरदान मेओ असा त परमेश्वर दुतो ताकते बेलि सेवा करे, ताकि सोबी बोकी अन्तर यीशु मसीह बेलिए, परमेश्वर सुआ इज्जत मेईंयेल। सुआ इज्जत त सम्हाई अधिकार जुग जुगे लिए तसेरी भो। आमीन।

1 पतरस 4:17

किस कि पंची करणे टेम एई गो असा। शुरुवात परमेश्वरे मेह्‍णु केईआं भुन्ति। होर अगर परमेश्वरे पंची असी केईआं शुरुवात भुन्ति त जे परमेश्वरे खुश खबरी ना मानते, अखिर अन्तर तेन्के की हाल भोल?

प्र. बोके 1:6

होर तेन अस अपु बोउए परमेश्वरे टज त तसे समाणि सेवा करणे बाड़े पुजारे बणो असे। जुग जुग तकर सम्हाई ताकत तसेरी भो त तसेरी गुणगान भुन्ता रिहे। आमीन।

प्र. बोके 20:6

धन्य त शुचे से असे, जे इस दुबारी जीण अन्तर हेस्सेदार भुन्ते। अन्हि पुठ दोके लिंगि मरणे कोई हक न भुन्ता। बल्कि ए त परमेश्वरे त मसीहे पुजारे भुन्ते त तेस जोई साते हजार साल तकर राज कते।

प्र. बोके 3:12

जे जीतते, तेन्हि अउं परमेश्वरे देहेर अन्तर थमे ईं बड़ान्ता, त तेन्हि कोई जेईं बि कदी बाहर ना किढ़ बटते। होर अउं अपु परमेश्वरे नओं त अपु परमेश्वरे तेस शेहरे नओं मतलब नोउए यरुशलेमे नओं तेस पुठ लिखता, जे में परमेश्वरे स्वर्ग केआं एन्ता। तेस पुठ अउं अपु नोउ नओं बि लिखता।

प्र. बोके 5:10

ताकि से हें परमेश्वरे लिए यक राज्य त पुजारा बणियेल; होर से धरती पुठ राज करियेल।”