1 पतरस 2:2 - Walangi

² होर नओएं जमो गभुर ईं तेस शुचे दुधे लाछ करे, जे तुं आत्माई लिए असु, ताकि तसे बेलि तुस बध बटियेल त बच घियेल।

1 पतरस 2:2 Iomraidhean Croise

मत्ती 18:3

त तेन बोलु, “अउं तुसी जे बोता कि जपल तकर तुस अपु अन्तरा बदली कइ गभुर ईं न बणियेल, तुस स्वर्गे राज्ये हेस्सेदार ना भोई सकते।

मत्ती 19:14

यीशु बोलु, “गभुर मोउं केईं एण दिए। अन्हि रोके नउ, किस कि स्वर्गे राज्य इन्हि गभुर के ईं मेह्‍णु के भो।”

मरकुस 10:15

अउं तुसी जे बोता कि जे कोउं परमेश्वरे राज्य गभुर ईं ना अपणाल, त से तेस अन्तर कदी घेई ना सकते।”

लूका 18:17

अउं तुसी जे बोता कि जे कोउं गभुरु के ईं बण कइ परमेश्वरे राज्य ना मानियेल, से कदी बि तेस राज्य अन्तर ना घेई बटता।”

रोमी 6:4

तोउं त, तसे नओएं बइ पुओणि अन्तर चुस कइ मरणे बेलि जीं अस तेस जोई साते पथि बि गो असे, ताकि जीं बोउए अपु महिमाईं बेलिए मसीह मरो तेन्हि अन्तरा दुबारी जीआ, तिहांणि अस बि नोई जमणे जिन्‍दगी जीएल।

1 कुरिन्थ 14:20

ए ट्यारेओ! तुस गभुर के गभुरयात छड़ दिए। बुराई अन्तर गभुरु ईं बणे, जे कोई भलु बुरु न सोचतु। पर तुस स्याणी के ईं समझदार बणे।

इफिसुस 4:15

बल्कि अस परेम जुए सम्हाई किछ पुठ मसीह अन्तर बधते घेन्ते, किस कि अस परमेश्वरे सच्चाई पुठ जम कइ बिश्ते। मसीह जीं मगिर भो,

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

1 पतरस 1:23

किस कि तुसी खतम भुणे बाड़ु बिएजु बेलि ना, बल्कि न खतम भुणे बाड़े बिएजु बेलिए नोउआं जनम मेओ असा। से बिएजु परमेश्वरे वचन भो, जे जीन्ता त अमर असा।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।