1 पतरस 2:1 - Walangi

¹ तोउं त, सोब किस्मी बैर, छल कपट, बेईमानी त जड़ुण, त हर किस्मी गुरहाज छड़ दिए।

1 पतरस 2:1 Iomraidhean Croise

मत्ती 15:7

ए कपटी मेह्‍णुओ! यशायाह भविष्य वक्ते तुं बारे सही भविष्य वाणि किओ थी। तेन बोलु

मत्ती 23:28

तिहांणि तुस बि बाहरीआ धर्मी केते, पर तुं अन्तर कपट त अधर्म भरिए असा।”

मत्ती 24:51

तोउं से तस भयंकर सज्जा देन्ता, त तस तेन्हि कपटी जुए तेस जगाई छता, जेठि रोलुण शींकुण त मगिर चठ देण भुन्ति।”

मत्ती 7:5

ओई कपटियो! पेहले त तुस अपु टीरे डड भीं किढ़े। तोउं तुसी सुसुर केतु त तुस अपु भाई टीरे टख किढ़ बटते।

मरकुस 12:15

तेन तेन्के छल कपट जाण कइ तेन्हि जे बोलु, “मोउं किस परखुण लगो असे? यक मेलकी मोउं केईं अण्हे कि अउं हेरुं”।

लूका 11:44

तुं खेया खाट भोई घेन्तु, किस कि तुस जीं तेन्हि मुओ मेह्‍णु बइ भरिए तेन्हि पथिए कब्री के ईं असे जेस पुठ मेह्‍णु त हंटते, पर तेन्हि पता नेईं कि से मुओ मेह्‍णु बुच हंटण लगो असे।”

लूका 12:1

ई हेरते हेरते हजारों मेह्‍णु कठे भोई गे कि खुर रखुंण जे बि जगाह ना रेही। त यीशु खास कइ अपु चेली जे बोलुण लगा, “फरीसी के कपटी सभाव केआं तुस बचे, जे कि टकेणे ईं असा।

लूका 6:42

जपल तोउ अपु टीरे डड ना केता त तु अपु भाई जे कीं बोता कि, ‘मोउं तें टीरे टख किढ़ण दिए?’ ओई कपटिया! पेहले अपु टीरे डड भीं किढ़। तोउं तोउ सुसुर केतु त तु अपु भाई टीरे टख किढ़ बटता।”

यूहन्ना 1:47

जीं यीशु नथानयेल अपु कना जे एन्ता का त तसे बारे बोलु, “ई भो यक सच्चा इस्राएली जाति मेह्‍णु, जेस अन्तर कोई दुरबुध नेईं।”

रोमी 1:29

तोउं त से सोब किस्मे अधर्मी, त दुष्ट कम कते। तेन्के जीण लालच त बैरभाव जुए भरी गो असु। से होरी हेर जड़ते, मेह्‍णु मारते, झगड़ीन्‍ते, त छल कपट कते त हर बोकी बुराई कते। से चाथि कते।

1 कुरिन्थ 14:20

ए ट्यारेओ! तुस गभुर के गभुरयात छड़ दिए। बुराई अन्तर गभुरु ईं बणे, जे कोई भलु बुरु न सोचतु। पर तुस स्याणी के ईं समझदार बणे।

1 कुरिन्थ 5:8

त चले, अस हें बचणे त्योहार खुशी जुए मनान्ते रिहूं। अपु गलत कम त पापे गुण जुए ना, जे कि पुराणे टकेणे ईं असे, बल्कि शुचा त सच्चाई जुए मनान्ते, जे यक बगैर टकेणे रौठि ईं असे।

2 कुरिन्थ 12:20

किस कि मोउं डर असा कि जपल अउं तुसी केईं एऊं त तुस तीं ना भोल जीं अउं चहन्ता, होर अउं बि तीं ना भोल जीं तुस चहन्ते। ईं ना भो कि, तुसी बुच झगड़ा, लेहरीण, यकी होरी खिलाफ भुण, यकी होर हेर जड़ुण, यकी होरी बेज्जती करीण, चाथि करणी, घमण्ड करण त छंग-छीट लगो भोल।

इफिसुस 4:31

तुसी सम्हाई अणबण, लेहेर, बेहेस करण, खशोरिण मडीण, चाथि केआं त सम्हाई बुराई केआं दूर बिशुण।

1 थेस्सलु 2:3

किस कि हें बोके कोई उतियाणे-पतियाणे बाड़ी नेईं, ना बुरी विचार जुए, होर ना छल कपट जुए असी।

1 तिमुथि 3:11

तिहांणि जिल्हाणु बि इज्जतदार लौती। से दोष लाणे बाड़ी ना लौती, बल्कि खरी त हर बोक पुठ यकीन करणे लेएक लौती।

तीतुस 2:3

तीं स्याणी जिल्हाणु जे बोल कि तेन्के जीण त चाल चलण शुचे मेह्‍णु केईं लौतु; से दोष लाणे बाड़ी त प्याकड़ ना लौती, पर से अब्बल बोक शिचालणे बाड़ी लौती।

इब्रानी 12:1

त किस कि बदेई के ईं हें चोहरो कना एन्हि मेह्‍णु के उगाही के अत हुसुड़ा लगो असा, त एईए, असी हर यक तेन्हि लुन्जयारी बोके त पाप, जे असी अराम जोई अपु जाल अन्तर फसान्ते, तेन्हि दूर फटाई छते। होर यीशु मसीह पुठ ध्यान लाई कइ, लाह जोई तेस दौड़ अन्तर दौड़ते, जेस अन्तर असी दौड़ुण असु।

याकूब 1:21

तोउं त, हर किस्मे गन्दे कम त दुष्ट विचार जे बधते घेन्ते, तेन्हि छड़ दिए। होर अपफ घटाई कइ तुसी शिचालो तेस वचन मनीण दिए जे तुं प्राण बचाई बटता।

याकूब 3:14

पर अगर तुस अपु अपु मन अन्तर जड़ते, होर सद अपु बारे सोचते त रोभ जोई सच्चाई छड़ दी कइ झूठा ना बणुण।

याकूब 4:11

ए ट्यारेओ, यकी होरी बदनामी ना करे। जे कोउं केसे विश्वासी बदनाम कता या दोष लान्ता, से नियमे बदनाम कता त नियम पुठ दोष लान्ता। त अगर तुस नियम पुठ दोष लान्ते त तुस नियम मानणे बाड़े ना भुए, बल्कि पंच बणे।

याकूब 4:5

होर की तुस ईं समझते ना कि धरमे कताबे ई बोक झूठ असी कि “परमेश्वरे जे आत्मा हें अन्तर बसाओ असी, से तसे बारे तीं जड़ता”?

याकूब 5:9

ए ट्यारेओ! यक होरी जे चर चरात ना करुण, ताकि तुसी पुठ बि दोष न लगे। हेरे, पंची करणे बाड़ा प्रभु दुआर पुठ पुजो असा।

1 पतरस 2:16

अजाद भोई कइ बिशे, पर अपु अजादी बेलि बुराई न घटिण; पर अपु अपफ परमेश्वरे नौखर समझ कइ जीण दिए।

1 पतरस 2:22

“न त तेन कोई पाप किआ, होर न कोई छल कपटे बोक की।”

1 पतरस 3:10

किस धरमे कताब अन्तर लिखो असु कि “जे कोउं खुशी जुए जिन्‍दगी जीणे इच्छा रखता, त खरे दन हेरण चहन्ता, तेस अपु जिभुड़ बुराई केईआं, होर, अपु मुंह कपटी बोके करण केआं रोक रखण एन्ते।

1 पतरस 4:2

ताकि तुस मतोक अन्तर तुं बचो जिन्‍दगी अपु जिसमे इच्छाई हेसाब जुए ना, बल्कि परमेश्वरे इच्छाई हेसाब जुए जीएल।

1 पतरस 4:4

से त अभेईं हैरान भोई गो असे कि तुस तेन्के मस्त मलंग भोई कइ जीण अन्तर सात न देन्ते। तोउं त से तुसी जे गुरहाज कते।

प्र. बोके 14:5

होर तेन्हि अन्तर कोई झूठा ना मेईंए, किस कि से नरदोष असे।