1 पतरस 1:8 - Walangi

⁸ तुस यीशु जोई बजन हेरणे परेम कते। होर अब त तेस पुठ बजन हेरणे बि विश्वास कर कइ अत खुश असे कि तुं बुखि हसती त तुं खुशी कोई ठिकाणे नेईं।

1 पतरस 1:8 Iomraidhean Croise

मत्ती 10:37

जे अपु ईया बोउ मोउं केआं ज्यादा ट्यारा कते, से में चेला बणणे लेएक नेईं। होर जे अपु कुआ या कुई मोउं केआं ज्यादा ट्यारा कते, से में चेला बणणे लेएक नेईं।

यूहन्ना 14:15

यीशु हउ बि बोलु “अगर तुस मोउं जुए परेम कते त में निआंग मानते।

यूहन्ना 14:21

जे में निआंग अपणाई कइ तस मानते, से मोउं जोई परेम कते। जे मोउं जोई परेम कते, तस जोई में बोउ परेम कता त अउं बि तस जोई परेम कता त अउं अपफ तसे अगर खड़ भुन्ता।”

यूहन्ना 14:24

जे मोउं जोई परेम ना कता, से में निआंग ना मानता। जे बोक तुस मोउं केआं शुणते, से में नेईं पर मोउं लंघाणे बाड़े बोउए भो।

यूहन्ना 16:22

त तुसी अभेईं त दुख भुन्ता, पर जपल अउं तुसी दुबारी मेता, त तुस सुआ खुश भोई घेन्ते त कोई बि तुं खुशी खराब कइ ना बटते।

यूहन्ना 20:29

यीशु तस जे बोलु, “ए थोमा! तेईं त मोउं हेर कइ विश्वास किओ असा। पर जेन्हि मोउं हेर कइ ना बल्कि बजन हेरणे मोउं पुठ विश्वास किआ, परमेश्वर तेन्हि सुआ अशुश देन्ता।”

यूहन्ना 8:42

त यीशु तेन्हि जे बोलु, “अगर परमेश्वर तुं बोउ भुन्ताथ त तुसी अउं बि ट्यारा भुन्ताथ; किस कि अउं परमेश्वर केआं अओ असा। अउं अपफ नेईं अओ, पर परमेश्वरे अउं लंघो असा।

प्रतिनिधि 16:34

तोउं तेन से अपु गी नीए त तेन्हि रौठि खिलेई त पूरे टब्बरे खुशी मनाई, किस कि तेन्हि परमेश्वर पुठ विश्वास किओ थिआ।

रोमी 14:17

किस कि परमेश्वरे राज्य अन्तर खाणे पीणे कोई खासियत नेईं, खासियत असी त शुची आत्माई बेलि धर्मी जीणे, अपफ बुच उई मी कइ त खुशी जुए बिशणे।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

1 कुरिन्थ 16:22

अगर कोई प्रभु जे परेम ना कता, तस पुठ परमेश्वर केआं शराप लगो लौता। अउं त बोता “ए प्रभु, आई।”

2 कुरिन्थ 1:22

असी पुठ अपु मुहर लाई कइ तेन अस नियुक्त किओ असे। अपु आत्मा निशाणी तौर पुठ हें अन्तर छोओ असी।

2 कुरिन्थ 12:4

तथ तेनि ईं ईं बोके शुणाई, जे में बेलि कदी बोलीणी नेईं त जेस बोलुणे मनख इजाजत नेईं।

2 कुरिन्थ 4:18

किस कि हें ध्यान, केणे बाड़े चीजी पुठ नेईं, बल्कि जे चीज केती नउ, तेस पुठ असा। किस कि जे चीज केती, से कुछ देर लिए ईं असी। पर जे चीज न केती, से कदी ना मुकती।

2 कुरिन्थ 5:7

किस कि अस विश्वास कइ जीन्ते, ना कि टीरे बेलि हेर हेर कइ।

2 कुरिन्थ 9:15

परमेश्वरे दुतो दाने लिए तसे धन्यवाद करे, किस कि तसे हेसाब कोई दी ना बटता।

गलाती 5:22

पर नोउएं गुण जे शुची आत्माई बेलि असी मेता तसे बेलि अस परेम त खुशी जुए उई मी कइ बिश्ते। अस बोडे लाह रख कइ दाह जुए यक होरी मदत कते। हें मन अन्तर हर बेले शान्ति भुन्ति त अस सम्हाई अब्बल अब्बल कम कते, होर यकीन लेएक भुन्ते।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

इफिसुस 6:24

परमेश्वरे कृपादृष्टि तेन्हि सम्हाई पुठ हमेशा भुन्ति रिहे, जे हें प्रभु यीशु मसीह जुए परेम कते।

फिलिप्पी 1:25

त इसे ध्यान अन्तर रख कइ मोउं पूरा यकीन असा कि अउं इस धरती पुठ जीन्ता रेहन्ता, त तुसी जुए साते बिश कइ मसीह अन्तर तुं खुशी त विश्वास बधान्ता।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 4:4

खुशी मनान्ते रिहे किस कि तुस परमेश्वरे भिन्थ। अउं दुबारी बोता कि खुशी मनान्ते रिहे!

इब्रानी 11:1

त ट्यारेओ! विश्वास की भो? विश्वास तेन्हि चीजी के मेणे पक्का यकीन भो, जेन्के बारे हें उम्मीद असी, होर तेन्हि चीजी के पक्कु बिझिण, जे असी कदी नेईं काओ।

इब्रानी 11:27

एसे विश्वासे बेलि ईं से मिस्र देशे राजे लेहेर हेर ना डर कइ इस्राएले सम्हाई मेह्‍णु जुए मिस्र देश केआं नश गा। तेन लाह रख कइ सोब कुछ सीढ़ु, जीं कि तेन यक ना केणे बाड़े परमेश्वर काओ असा।

1 पतरस 1:6

इस बझई जोई तुस खुशी मनाण दिए। आं! बेशक अभेईं केहि दिने लिए, ई जरूरी भोई गो असु कि केहि किस्मी इम्तिहाने बेलि तुस दुख अन्तर असे।

1 पतरस 2:7

तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।