1 पतरस 1:5 - Walangi

⁵ तेस मसीह पुठ विश्वास करणे बेलि परमेश्वरे अपु ताकत जुए तुं रक्षा किओ असी, ताकि तुस बचुण तकर सुसुर बिशियेल, जे परमेश्वरे पंची करणे टेम अन्तर भुणे बाड़ु असु।

1 पतरस 1:5 Iomraidhean Croise

यूहन्ना 12:48

जे मोउं रोशुणीन्ते, त में बोक ना मानते, तेन्हि पुठ दोष लाणे बाड़ा त यक असा, मतलब में बोक भो, जे मेईं बोलो असी। सेईंए, परमेश्वरे न्याय करणे रोज तेन्के पंची कर कइ तेन्हि पुठ दोष लान्ता।

यूहन्ना 17:15

अउं ई दुआ करण नेईं लगो कि एन्हि इस धरती केआं घिन घिए, पर ई लगो असा कि एन्हि तेस दुष्ट केआं बचाई रखे।

यूहन्ना 4:14

पर जे पुओणि अउं देन्ता, अगर तस कोई पियाल त तस कदी टिश ना लगती। पर से तस अन्तर यक पुओणि सुजले ईं बण कइ तसे धे अमर जीवन देन्ता।”

यूहन्ना 5:24

अउं तुसी जे बोता, जे में बोक शुण कइ मोउं लंघाणे बाड़े पुठ विश्वास कता, तस अमर जीवन मेता। तस पुठ कोई सज्जा नेईं, बल्कि मरण केआं बच कइ तस अमर जीवन मेओ असा।

रोमी 11:20

अउं बोता कि तुसी सही बोलु। से त विश्वास ना करणे बझई जोई तेस बुटे केआं कटी गे। पर तुस विश्वास करणे बझई जोई जुड़ बिश्ते। तोउं त, घमण्ड ना करे, पर डर कइ बिशे।

रोमी 8:18

अउं समझता कि इस टेमी दुख तकलीफ, परमेश्वरे असी पुठ प्रकट करणे बाड़ी महिमाईं सामणि कुछ बि नेईं।

1 कुरिन्थ 1:21

किस कि परमेश्वर अपु बुद्धि बेलिए ठीक किउ कि मेह्‍णु अपु अक्ली बेलि तसे बारे पता ना लगियाल, बल्कि तेस ई खरु लगु कि हें खुश खबरी प्रचार पुठ जेन्हि विश्वास किआ, तेन से बचा। केहि मेह्‍णु समझते कि अस इरुह अपु शंकरेड़ शुखाड़ण लगो असे।

2 कुरिन्थ 1:24

तुस ई ना समझे कि विश्वासे बारे अस तुसी पुठ हुकुम चलाण चहन्ते। अस त तुसी जुए कम करणे बाड़े असे, ताकि तुस खुश भोई बटियेल। असी पता असा कि तुस विश्वास अन्तर सीरी के ईं टडी कइ बस गो असे।

गलाती 2:20

में सम्हाई पुराणे गुण त चाल चलण मसीह जुए क्रूस पुठ ढनाई गो असे त अभेईं अउं नेईं, पर मसीह में अन्तर जीण लगो असा। आं, अउं जरूर जीन्ता, पर परमेश्वरे कुआ, मसीह पुठ विश्वास कर कइ जीन्ता, जेन मोउं जोई तीं परेम किआ त मोउं बचाण जे अपफ भकत दिती।

इफिसुस 2:8

किस की विश्वास जुए त परमेश्वरे दाही बेलि तुस बच गो असे। ए तुसी केईआं न भो, होर ना कुछ खरे कमी के बझई जोई भो। पर परमेश्वर कनारा यक दान भो ताकि कोई रोभ ना किढ़ बटियाल।

इफिसुस 3:17

तोउं मसीह पुठ विश्वास अन्तर तुस बस घियेल।

फिलिप्पी 1:6

परमेश्वरे जे करणे तुं अन्तर शुरु किओ असु, से सच्चे बि खरु असु। मोउं पूरा यकीन असा कि से तस कता रेहन्ता त मसीह यीशु दुबारी एणे रोज पूरा कता।

फिलिप्पी 4:7

तोउं, परमेश्वरे से शान्ति जे हें समझ ना एन्ती, तुं मन त ध्यान सही सलामत रखता, किस कि तुस मसीह जुए मिओ असे।

2 तिमुथि 3:15

होर परमेश्वरे वचन जे तेईं मठड़ियार केआं पिछाणो असे, तेन्हि पुठ बि विश्वास कते रिहे, किस कि ए यीशु मसीह पुठ विश्वासे बेलि बचुण जे तोउ अक्लदार बणाई बटते।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

इब्रानी 6:12

होर तुस नकम्मे ना, बल्कि तेन्हि मेह्‍णु के ईं भुन्ते जे सुआ लाह रख कइ विश्वासे बेलि परमेश्वरे सोब जुबान पूरी भुन्ति हेरियेल।

इब्रानी 9:28

तिहांणि यीशु मसीह बि सुआ जेईं के गलती त पाप धूणे लिए यके लिंगि अपु भकत दिती। से दोके लिंगि तेन्के पापी के भकत देण जे न, बल्कि तेन्हि बचाण जे एन्ता, जे तस भाड़ बिशो असे।

1 पतरस 1:13

तोउं त, अपु अपु मन तेयार कर कइ त अपफ जे वश अन्तर रख कइ, तेस दाह दयाई भाड़ अन्तर बिशे, जे यीशु मसीहे प्रकट भुणे टेम तुसी मेणे बाड़ी असी।

1 पतरस 4:13

पर जीं मसीहे दुख सीढ़ो थिआ, तीं तुस बि दुख सीढ़ते। त तुस खुश भुए, ताकि जपल से अपु सुआ इज्जत जुए एन्ता त तुस ती खुश भोई घेन्ते।

1 पतरस 5:1

ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

1 यूहन्ना 3:2

ए ट्यारेओ! अब अस परमेश्वरे गभुर भिन्थ, होर अगर जे अस की भुन्ते, से पता नेईं। तोउं बि, अत त जाणते कि जपल मसीह एईयाल त अस तसे ईं बणते, किस कि अस तेस तिहांणि हेरते जीं से असा।

यहूदा 1:1

ए में ट्यारे भाई त भेणिओं, जे परमपिता परमेश्वरे भिहो असे त यीशु मसीहे लिए सम्हाड़ी कइ रखो असे। तुसी सोबी जे अउं यीशु मसीहे सेवक त याकूबे भाई यहूदा नमस्ते कता।

यहूदा 1:24

जीं सृष्टि पेहलाई केआं अभेईं तकर भुण लगो असु, अभेईं तेस यके परमेश्वरे, हें बचाणे बाड़ी के महिमा, गुणगान, शान त ताकत, हें प्रभु यीशु मसीहे बेलिए जुग जुग भुन्ति रिहे। किस कि से परमेश्वर तुसी गलती त पाप केईआं बचाई बटता, त तुसी नरदोष बणाई कइ त सुआ खुशी जुए भर कइ अपु समाणि खड़ेर बटता। आमीन!