1 पतरस 1:4 - Walangi

⁴ मतलब कि परमेश्वरे स्वर्ग अन्तर तुसी जे ई विरासत रखो असी जे कदी खतम ना भुन्ति, ना कुस्तुरी भुन्ति, होर ना तसे शान घटती।

1 पतरस 1:4 Iomraidhean Croise

मत्ती 25:34

तोउं राजा अपु देहणा कनारी तेन्हि जे बोता, ‘ए में बोउ परमेश्वरे केईआं अशुश मेओ मेह्‍णुओ! एईए, ओस राज्य हेस्सेदार बणे, जे सृष्टि बणुण केआं पेहलाई तुसी जे तेयार किओ असा।

मरकुस 10:17

पता, जपल से तठिआ निस कइ घेण लगा, त यक मेह्‍णु दौड़ता तेस केईं आ, तसे अगर उटेऊ बिश कइ पुछु, “ए खरा गुरु! मोउं अमर जीवन मेण जे की करुण?”

प्रतिनिधि 20:32

“अब अउं तुसी परमेश्वरे त तसे कृपाई वचने हवाले कता; जे तुं सुहलियत कइ सकता त जे सोब शुचे किओ मेह्‍णु जुओई तुन्धे बि विरासत दी सकता।

प्रतिनिधि 26:18

तोउं तें बेलि अउं तेन्के टीर उघाड़ुं कि से अन्हारे केआं टगड़ियारी त शैताने वश केआं परमेश्वरे कना जे अपु मन खिरकाल, होर तेन्हि अपु पापी के माफी मेईंयेल। होर तेन्हि से विरासत मेईंयेल, जे मोउं पुठ विश्वास करणे बाड़ी जे परमेश्वरे रखो असी।’”

रोमी 8:17

त किस कि अस तसे गभुर भो त तसे हर यक जुबाने हकदार बि भो। मसीहे साथी भोई कइ असी से सोब जुबाने फल मेता, जे तेन मसीह जे रखो असा। किस कि अगर अस तेस जोई साते दुख सेहेल त परमेश्वर हें धे तेस जोई साते महिमा बि देन्ता।

1 कुरिन्थ 9:25

हर कोई खिलाड़ी ईनाम जीत कइ इज्जत पाण जे सम्हाई कुछ पुठ परहेज रखता। पर से इज्जत मुक घेन्ति। अस त तेस लिए परहेज रखते, ताकि असी से इज्जत मेईंयाल जे कदी ना खतम भुन्ति।

गलाती 3:18

पर परमेश्वरे अब्राहमे धे जुबान दी कइ हकदार बणा। किस कि हकदारी अगर नियमे बेलि मेतीथ त जुबाने कोई बझह नेओथ।

इफिसुस 1:11

से ई सोब अपु योजनाई मुताविक कता, जेसे तेन पेहलाई ब्योरा किओ असा। तोउं त तेन अस मसीह अन्तर चुणे कि अस तसे हकदार बणे,

इफिसुस 1:14

किस कि शुची आत्मा परमेश्वरे निशाणी भो, कि तेन असी अपु टज बणाणे ठीक किओ असी। तेन ई सोब किउ ताकि तसे महिमा त शान भोल।

इफिसुस 1:18

त तुं अन्तर ईं समझ दिए कि तुसी पता लगाल कि तस भिआण अन्तर की उम्मीद असी, त तेन्हि शुचे मेह्‍णु के अमीरी की की असी जे तसे हकदार असे,

कुलोसी 1:12

तेस परमपिता परमेश्वरे धन्यवाद करे, जेन अस इस लेएक बणाए कि अस बि तसे तेन्हि शुचे मेह्‍णु जोई हकदार बणुण जे टगड़ियार अन्तर जीन्ते।

कुलोसी 1:5

तुं विश्वास त परेम इ हरालता कि स्वर्ग पुठ जे अशुश तुसी जे असी, तस पुठ तुसी जब्बर उम्मीद रखो असी, जेसे बारे तुसी खुश खबरी बेलि शुणो थिउ।

कुलोसी 3:24

याद रखे कि प्रभु तुसी तसे हकदार भुणे ईनाम देन्ता, जे तेन जुबान दुतो असी, किस कि तुस सच्चे बि यीशु मसीहे सेवा कते।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

इब्रानी 10:34

किस कि तुसी तेन्हि विश्वासी पुठ दाह अओ थी, जे जेहेल अन्तर कैद थिए। होर तुं सोब कुछ लूटी गोउ, तोउं बि तुस खुश बिशे, किस कि तुसी पता थिआ कि तुं धे अब्बल त अमर धन देण जे परमेश्वरे जुबान दुतो असी।

इब्रानी 9:15

इस बझई जुए मसीह नोई जुबानी पंच बणा, ताकि परमेश्वरे चुणो तेन्हि जे तसे जुबानी मुताविक अमर विरासत मेईंयेल, किस कि से तेन्हि पुराणि जुबानी गलती त पापी केआं बचाणे लिए मर गा।

याकूब 1:11

किस कि जीं दिस निसणे पता, तेज धुपे बेलि घास शुख घेन्तु, फियुड़ भीं झड़ते त तेन्के रंग खतम भोई घेन्ता, तीं अमीर मेह्‍णु बि अपु धन कमान्ते कमान्ते खतम भोई घेन्ते।

1 पतरस 3:9

बुराई बदले बुराई न करीण। होर बजरुण के बदले बजरुण नओं; बल्कि तसे बदले अशुश देण, किस कि तुस एसेरी लिए ईं भिहो असे ताकि तुस अशुशी के हकदार बण बटियेल।

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

प्र. बोके 21:27

पर तेस अन्तर कोई बि जुठी चीज घेई ना सकती। होर ना तेस अन्तर कोई नलाज्जे कम करणे बाड़ा, या झूठ बोलुणे बाड़ा घेई सकता। पर तेस अन्तर सद से मेह्‍णु घेई सकते, जेन्के नओं किएऊ जीवने कताब अन्तर लिखो असु।