1 पतरस 1:3 - Walangi

³ हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

1 पतरस 1:3 Iomraidhean Croise

यूहन्ना 1:13

से सम्हाई ना मेह्‍णु के ऊड़ी केईआं, ना जिसमे इच्छाई बेलि, होर ना ई बोउए इच्छाई बेलि परमेश्वरे गभुर भुन्ते, पर परमेश्वरे इच्छाई बेलि भुन्ते।

रोमी 12:12

परमेश्वर पुठ अपु उम्मीदे बारे खुश रिहे, दुख तकलीफ अन्तर लाह रखे, हमेशा प्रार्थना कते रिहे।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

रोमी 4:25

परमेश्वर से हें गलती त पापी के बझई जोई मरण दिता, त असी धर्मी बणाण जे दुबारी जीआई बि छड़ा।

रोमी 5:10

किस कि जपल अस परमेश्वर जुए बैरी ईं थिए, तपल तसे कोईया मरणे बेलिए हें मितरी तेस जोई भुई। त फि मितर बण कइ तसे कोईया जिन्नि बझई जोई अस कि घट बचते ना?

रोमी 8:11

परमेश्वरे यीशु मरो तेन्हि अन्तरा दुबारी जीआ। होर अगर तेस परमेश्वरे आत्मा तुं अन्तर बसती, त जीं तेन मसीह मरो तेन्हि अन्तरा दुबारी जीआ, तिहांणि से तेस आत्माई बेलि तुसी बि दुबारी जीआन्ता, जे तुं मुकणे बाड़े जिसम अन्तर बसती।

रोमी 8:24

परमेश्वर पुठ हें एस उम्मीदे बेलिए त अस बचो असे। पर जेस चीजी उम्मीद कते, अगर से मेई गो असी त फि उम्मीद करणे की मतलब? किस कि उम्मीद किओ चीज अगर मेई गो असी त कोई तसे उम्मीद ना कता।

1 कुरिन्थ 13:13

परमेश्वर पुठ विश्वास, तसे वादे पुठ उम्मीद त होरी जोई परेम करण ए टाहो हमेशा रेहन्ते। पर अन्हि टाहोई अन्तर परेम सोबी केआं बोडा असा जे असी होरी जोई करण।

1 कुरिन्थ 15:20

पर सच्चाई त ई असी कि परमेश्वरे दुबारी जीणे बाड़ी के बुछ सोबी केआं पेहले मसीह जीआ त ई हरालु कि विश्वासी मेह्‍णु बि दुबारी जीएईन्ते।

2 कुरिन्थ 1:3

चले, अस हें परमेश्वरे त हें प्रभु यीशु मसीहे बोउए धन्यवाद कते, जे दाह कता त सुख चैन देन्ता।

गलाती 6:16

त जत मेह्‍णु ई बोक मान कइ जीन्ते, से परमेश्वरे सच्चे गभुर बणते त परमेश्वरे शान्ति त दाह तेन्हि पुठ भुन्ति रेहन्ती

इफिसुस 1:17

अउं प्रार्थना कता कि हें त प्रभु यीशु मसीह परमपिता, जेसे शाने कोई बराबरी नेईं, तुं मन त अक्ल खोल दिए कि तुस तेसे ज्ञान अन्तर हउ बि बधीण दिए।

इफिसुस 1:3

तेस परमेश्वरे, जे हें प्रभु यीशु मसीहे बोउ भो, महिमा भो लौती कि तेन अस मसीह जुए मीण बेलि स्वर्गे सम्हाई अशुश हेन्धे दुतो असी।

इफिसुस 1:7

तेन यीशु मसीहे जान देणे बेलि अस बचाए, मतलब कि तेन अपु बोडी दाह जुए हें पाप श्राप माफ कइ छड़े।

इफिसुस 2:4

पर किस कि परमेश्वर सुआ दाह कता, होर असी जुओई ती परेम कता, जपल अपु पापे बझई जुए अस जमीर गो थिए, तेन अस तेस दाह जुए बचाओ असे। तेन जीं मसीह दुबारी जीआ, तीं अस बि जीए।

इफिसुस 3:20

अभेईं तसे सतसंगे बेलि त यीशु मसीहे बेलि तेस परमेश्वरे महिमा जुग जुग भुओ लौती। अभेईं, जे ताकतवर असा त जे अपु शक्ति जुए असी अन्तर कम कता, जे हें मगण केआं त सोचुण केआं बि तीं ज्यादा कम कता, तेस परमेश्वरे महिमा भुओ लौती। आमीन!

कुलोसी 1:23

ई तपल भोई सकतु जपल तुस अपु विश्वास जब्बर टाइ रख कइ टिग बिश्ते त खुश खबरी अन्तर, जेस उम्मीदे बारे तुसी शुणो असु तस कदी ना छते। एस खुश खबरी सोबी मेह्‍णु के अगर प्रचार भुण लगो असा त अउं पौलुस असे प्रचार करण जे सेवक बणो असा।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

1 थेस्सलु 4:13

ए भाई त भेणिओं! अस चहन्ते की तुस तेन्के बारे जाणे जे विश्वासी मरी गो असे ताकि तुस अविश्वासी के ईं शोक ना करे। तेन्के कोई उम्मीद नेईं, पर हें असी।

2 थेस्सलु 2:16

अभेईं, हें प्रभु यीशु मसीह अपफ, त हें परमपिता परमेश्वर, जेन असी जोई परेम किओ असा त अपु दाह जुए हें धे कदी ना मुकुणे बाड़ा अराम त खरी उम्मीद दुतो असी,

1 तिमुथि 1:14

ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

इब्रानी 3:6

पर यीशु मसीह यक कोईये ईं परमेश्वरे गी अन्तर यकीन लेएक थिआ। अगर अस अखिर तकर हें विश्वासे लिए हिम्मत रखते, परमेश्वर पुठ उम्मीद कते रेहन्ते त अस परमेश्वरे गीहे मेह्‍णु बणते।

याकूब 1:18

तसे इ इच्छा भुई कि अस सच्चे वचन पुठ विश्वास कर कइ दुबारी जमियेल, ताकि तसे बणाओ सम्हाई पुठ अस पेहला फल भुई बटियेल।

1 पतरस 1:13

तोउं त, अपु अपु मन तेयार कर कइ त अपफ जे वश अन्तर रख कइ, तेस दाह दयाई भाड़ अन्तर बिशे, जे यीशु मसीहे प्रकट भुणे टेम तुसी मेणे बाड़ी असी।

1 पतरस 1:21

तसे बेलिए तुस तेस परमेश्वर पुठ विश्वास कते, जेन से मरो तेन्हि अन्तरा जीआ त सुआ इज्जत दिती, ताकि तुं विश्वास त उम्मीद परमेश्वर पुठ भो।

1 पतरस 1:23

किस कि तुसी खतम भुणे बाड़ु बिएजु बेलि ना, बल्कि न खतम भुणे बाड़े बिएजु बेलिए नोउआं जनम मेओ असा। से बिएजु परमेश्वरे वचन भो, जे जीन्ता त अमर असा।

1 पतरस 2:2

होर नओएं जमो गभुर ईं तेस शुचे दुधे लाछ करे, जे तुं आत्माई लिए असु, ताकि तसे बेलि तुस बध बटियेल त बच घियेल।

1 पतरस 3:15

पर मसीह इज्जत दी कइ अपु प्रभु माने। कोउं अगर तुसी केआं मसीह पुठ तुं उम्मीदे बारे पुछियाल, त तस जे परेम त इज्जत जोई जवाब देणे लिए हमेशा तेयार बिशे।

1 पतरस 3:21

से बाढ़े पाणि आजकण जमाने पाणि अन्तर चुसुणे यक निशाणी भो। ए हरालता कि परमेश्वर यीशु मसीह दुबारी जीआणे बेलि अब तुसी बचान्ता; ए चुसुण जिसमे मैल साफ करण जे नेईं, बल्कि साफ अन्तरात्मा मेण जे विनती करीण असी।

1 पतरस 3:5

पेहलकण जमाने शुची जिल्हाणु बि जे परमेश्वर पुठ उम्मीद रखतीथ, अपु अपु धाणि वश अन्तर बिश कइ ठटिन्‍तीथ।

1 यूहन्ना 2:29

तुसी अगर पता असा कि मसीह धर्मी असा, त ईं बि सुसुर जाणे कि जे कोउं धरमे कम कता त से तस केआं जमो असा।

1 यूहन्ना 3:3

होर जे कोउं मसीह पुठ ई उम्मीद रखता, से अपणे आप बि तिहांणि शुचा कता जीं से असा।

1 यूहन्ना 3:9

जे परमेश्वरे गभुर भुन्ते, से पाप कते न रेहन्ते; किस कि परमेश्वरे गुण तेस अन्तर बणोरे रेहन्ते। तोउं त, से पाप कते ना रेहन्ते, किस कि से परमेश्वरे गभुर भो।

1 यूहन्ना 4:7

ए ट्यारेओ! असी यक होरी परेम करण चहिए; किस कि परेम परमेश्वर केआं असा। जे कोउं परेम कता, से परमेश्वर केआं जमो असा त परमेश्वर जाणता।

1 यूहन्ना 5:1

जेसे ई विश्वास असा कि यीशु ईं मसीह भो, से परमेश्वर केआं जमो असा। होर जे कोउं जनम देणे बाड़े जोई परेम कता, से तेस जोई बि परेम कता जे तेस केआं जमो असा।

1 यूहन्ना 5:18

अस जाणते कि जे कोउं परमेश्वर केआं जमो असा, से पाप कता ना रेहन्ता, किस कि परमेश्वरे अपु कुआ यीशु मसीह तेसे देखभाल कता। दुष्ट शैतान तेस छुई बि ना बटता।

1 यूहन्ना 5:4

किस कि जे कोई परमेश्वर केआं जमो असे, से मतोक जीतता। होर मतोक पुठ से जीत जेसे बेलि मेती से हें विश्वास भो।