1 पतरस 1:25 - Walangi

²⁵ पर प्रभु परमेश्वरे वचन जुग जुग रेहन्ता।” एईएं खुश खबरी वचन असा, जेसे तुसी बुछ प्रचार भुओ थिआ।

1 पतरस 1:25 Iomraidhean Croise

मत्ती 5:18

अउं तुसी जे ई बोता कि जोउं तकर मूसे दुतो नियमे हर यक लब्ज पूरा ना भुओल, तोउं तकर अम्बर त धरती खतम ना भुन्ति।

लूका 16:17

हांलाकि परमेश्वरे राज्य पुजणे बारे खुश खबरी घोषणा भोई त गो असी, तोउं बि अउं चहन्ता कि तुस ई जाणे, अम्बरे त धरती मुक घेण, परमेश्वरे नियमे यक लब्ज मिटुण केआं सुख्तु असु।

यूहन्ना 1:1

जे शब्द असा, से ब्रह्माण्ड त धरती बणुण केआं पेहले थिआ। से परमेश्वर जुए रेही अओ असा। त सेईंए परमेश्वर भो।

यूहन्ना 1:14

जे शब्द असा से मनखे रूप नी कइ असी बुच रेहा। यूहन्ना बि तसे बारे ईं उगाह दी कइ जोरी जुए बोलु “ए सेईंया भो, जेस बारे मेईं बोलो थी कि जे में पता एन्ता से मोउं केआं बि बोडा असा, किस कि मोउं जमुण केआं पेहले ईं से थिआ।” असी अपफ परमेश्वरे इकलौते कोईये महिमा काई छो असी जे परमपिता परमेश्वर केईआं अओ असा। तेन असी परमेश्वरे पूरी दाह हरालो असी त परमेश्वरे सच्चाई असी जे बोलो असी।

1 कुरिन्थ 2:2

किस कि तुसी जुए बिशणे टेम मेईं ठीक किओ थिउ कि अउं हर बोक पुठ मुर्ख बणता, पर सद यीशु मसीहे त तसे क्रूस पुठ मरणे बारे जाणकार बणता।

इफिसुस 2:17

तेन एई कइ, तुसी जे, जे परमेश्वर केआं दूर थिए, त तेन्हि जे, जे तसे नीड़े थिए, मेल मिलाप बाड़ी खुश खबरी प्रचार किआ।

इफिसुस 3:8

सोबी शुचा मेह्‍णु के अगर में किछ औकात नेईं। तोउं बि परमेश्वरे मोउं पुठ इ दाह की कि अउं मसीह अन्तर जे बेहिसाब अमीरी असी, तेसे खुश खबरी गैर यहूदी शुणान्ता।

तीतुस 1:3

अब ठीक टेम पुठ तेन अपु बोक मेह्‍णु के सामणि अण्हती, जेसे सम्हाई के अगर प्रचार करण जे परमेश्वरे मोउं जिम्मा दुतो असा।

इब्रानी 6:5

जेन्हि परमेश्वरे वचने बेलि फायदा भुओ असा, होर जेन्हि एणे बाड़ी जुगे ताकते पता लग गो असा,

1 पतरस 1:12

अभेईं जे बोक स्वर्ग केईआं लंघो शुची आत्माई बेलि खुश खबरी शुणाणे बाड़े तुसी शुणाई छो असी, से परमेश्वरे तेन्हि भविष्य वक्ती हरालो थी कि तेन्हि ए सोब बोके अपफ जे ना बल्कि तुं लिए बोलो थी। होर इन्हि बोकी के स्वर्गेदूत बि ध्यान जोई हेरणे लाछ कते।

1 पतरस 1:23

किस कि तुसी खतम भुणे बाड़ु बिएजु बेलि ना, बल्कि न खतम भुणे बाड़े बिएजु बेलिए नोउआं जनम मेओ असा। से बिएजु परमेश्वरे वचन भो, जे जीन्ता त अमर असा।

1 पतरस 2:2

होर नओएं जमो गभुर ईं तेस शुचे दुधे लाछ करे, जे तुं आत्माई लिए असु, ताकि तसे बेलि तुस बध बटियेल त बच घियेल।

2 पतरस 1:19

एन्हि सोब बोकी केआं असी पता चलता कि मसीहे बारे भविष्य वक्ती जे बि लिखो असु, से सोब सच्चु असु। जीं यक अन्हारे जगाई दीया पुठ ध्यान देन्ते, तीं तुस तेन्के बोकी पुठ ध्यान दी कइ खरु कते। त तुस तेस टेम तकर ध्यान लाई रखे, जपल तकर पथवारी ईं त भ्यागे तारे ईं मसीह ना एईयाल।

1 यूहन्ना 1:1

अस तुन्धे तेस जीवन देणे बाड़े वचने समाचार देन्ते, जे सृष्टि शुरुवात केईआं थिआ त जे असी शुणा त अपु टीरी बइ का। जपल से जीवन हें बुछ प्रकट भुआ, सच्चे बि असी से बोडे ध्यान जोई हेरो असा त अपु हथे बइ बि छुओ असा। से जीवन बोउ जुओई थिआ, त अमर असा। असी से हेरा, होर तसे उगाह देन्ते।

1 यूहन्ना 1:3

जे कुछ बि असी काउ या शुणु, तस तुसी जे बि बतान्ते, ताकि तुस बि हें संगते हेस्सेदार बणियेल। हें ए संगत बोउ जोई त तसे कुआ यीशु मसीह जोई असी।

प्र. बोके 14:6

तोउं मेईं यक होरा स्वर्गेदूत अम्बर अन्तरा उडरता काआ, जेस केईं धरती पुठ बिशणे बाड़ी के हर यक जाति, ऊड़ी, भाषा त मेह्‍णु शुणाणे लिए अमर खुश खबरी थी।