1 पतरस 1:22 - Walangi

²² त किस कि यकी होरी जोई परेम करण जे तुसी सच्चे वचन मान कइ अपु अपु मन शुचे किओ असे, त अखिर तकर पूरे मन लाई कइ यक होरी जोई खरे परेम कते रिहे।

1 पतरस 1:22 Iomraidhean Croise

यूहन्ना 15:17

अउं दुबारी तुसी जे तस निआंग देन्ता कि यक होरी जुए परेम करे।”

यूहन्ना 15:3

मेईं जे शिक्षा दुतो असी, तस मान कइ तुस साफ भोई गो असे।

यूहन्ना 17:17

तुं बोक जे सच्ची असी, तसे बेलि एन्हि तुं सेवा करुण जे शुचा करे।

यूहन्ना 17:19

त तेन्के लिए अउं अपु भकत देन्ता ताकि ए बि शुचा भोई घियेल त पूरे सच्चाई जुए तुं कम करण जे तेयार भोल।”

प्रतिनिधि 15:9

होर विश्वासे बेलिए तेन्के मन साफ कर कइ असी त तेन्हि अन्तर कोई फरक नेईं रखो।

प्रतिनिधि 6:7

ई भोई कइ परमेश्वरे वचन हर जगाई पुजुण लगा त यरुशलेम शेहर अन्तर सुआ विश्वासी बध गे। होर सुआ पुजारे यीशु मान कइ विश्वास करण लगे।

रोमी 1:5

तसे बेलिए असी पुठ कृपा भुई त तेन अस अपु प्रतिनिधि बणाए, ताकि तसे नओएं प्रचार करणे बेलि सोब जाति मेह्‍णु विश्वास कर कइ तस मानेल।

रोमी 2:8

पर परमेश्वर तेन्हि पुठ लेहेर किढ़ता त भयंकर कोप कता, जे मतलबी असे त सच्चाई छड़ कइ अधर्म कते।

रोमी 8:13

किस कि अगर अस बुरी इच्छाई हेसाब जोई दन कटेल त मरते। पर अगर परमेश्वरे आत्माई ताकते बेलिए अपु बुरी इच्छा मुकाल त जीन्ते रेहन्ते।

2 कुरिन्थ 6:6

तोउं बि असी अपफ शुचे त शान्त रखो असे। असी हर बोकी पुठ समझ, परेम त दाह हरालो असी। चहे मेह्‍णु हें इज्जत करियेल या ना, चहे मेह्‍णु असी जे खरु बोलियेल या ना, शुची आत्माई वरदान, परमेश्वरे शक्ति, सच्चाई त धर्मी जीवने बेलि अस हर बेधर्मी कम रोकते। बेशक मेह्‍णु असी झुठी शिक्षा देणे बाड़े समझते, तोउं बि अस सच्चाई बोते।

गलाती 3:1

ए गलाती इलाके भाई त भेणिओं! तुस सुआ वेबखुफ असे। तुस त असी यीशु मसीहे क्रूस पुठ मरणे बारे तीं खरे कइ शिचालो थिए त तुस केन खाई छड़े?

गलाती 5:5

पर, अस शुची आत्माई बेलि उम्मीद कते कि मसीह त तसे किओ कम पुठ विश्वास करणे बेलि परमेश्वर असी धर्मी मानता।

गलाती 5:7

यीशु पतोती त तुस सुसुर घेण लगो थिए, त तुस केन खाई छड़े?

इफिसुस 4:3

परमेश्वरे दुतो आत्माई बेलि अपफ बुच उई मी कइ बिशणे टेम यक मन रखणे कोशिश करे।

फिलिप्पी 1:9

अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

2 थेस्सलु 2:13

पर ए भाई त भेणिओं, त प्रभु यीशु ट्यारे मेह्‍णुओ! असी हर बेले तुं लिए परमेश्वरे धन्यवाद करुण बारा, किस कि शुरुवात केआं प्रभु तुसी चुणो असे, ताकि तुस शुची आत्माई बइ शुचे भोई कइ त सच्चाई पुठ विश्वास कर कइ बच बटियेल।

1 तिमुथि 1:3

बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

1 तिमुथि 1:5

इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती।

1 तिमुथि 4:12

तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 5:2

मोटी जिल्हाणु अपु ईये ईं त जवान कुई अपु भेण ईं मान कइ पूरे शुचे मन जुए समझाण दे।

2 तिमुथि 1:14

त जे शुची आत्मा हें अन्तर भुन्ति, तसे ताकती बेलि इस खुश खबरी रखवाली कर।

इब्रानी 11:8

विश्वास कर कइ ईं अब्राहम तेस देश घेण जे अपु गीहा नशा, जेस देश देणे परमेश्वरे तसे धे जुबान दुतो थी। तिखेईं तस कुछ पता नेओथ कि से को जे गो असा, तोउं बि गा।

इब्रानी 13:1

त ए ट्यारेओ! अपफ बुच परेम त भाईचारा बड़ाई कइ रखे।

इब्रानी 5:9

पता जपल यीशु सिद्ध भुआ, परमेश्वरे हमेशा लिए से अपु निआंग मानणे बाड़ी के बचाणे बाड़ा बणा।

इब्रानी 6:10

किस कि परमेश्वर अन्याय करणे बाड़ा न भो कि से तस जोई, जे तुं परेम असा, तस बिसिर छता। से जरूर याद कता कि तुसी कीं परमेश्वरे शुचे मेह्‍णु के सेवा की त अभेईं तकर कते अओ असे।

इब्रानी 9:14

त जे मसीह अमर आत्माई बेलि, अपफ नरदोष रख कइ परमेश्वरे अगर अपु भकत दिती, तेस मसीहे लहु जरूर हें अन्तरात्माई सोबी बुरे कमी केआं साफ कतु। तोउं अस जीन्ते परमेश्वरे पूजा अराधना कइ बटते।

याकूब 1:21

तोउं त, हर किस्मे गन्दे कम त दुष्ट विचार जे बधते घेन्ते, तेन्हि छड़ दिए। होर अपफ घटाई कइ तुसी शिचालो तेस वचन मनीण दिए जे तुं प्राण बचाई बटता।

याकूब 4:8

परमेश्वरे भेएड़ एईए, त से बि तुं भेएड़ एन्ता। ए पापी मेह्‍णुओ! बुरे कम करण छड़ दिए। त ए दुमने मेह्‍णुओ! अपु मन शुचा करे।

1 पतरस 2:17

सोबी के इज्जत करे। अपफ बुच उई मी कइ बिशे। परमेश्वर हेर डरे। होर, राजे इज्जत करे।

1 पतरस 3:1

तिहांणि, ए जिल्हाणुओ! तुस बि अपु अपु धाणि वश अन्तर बिशे, ताकि तेन्हि अन्तरा अगर कोउं जेईं वचन न मानता भोल, त अपु जुएली भक्ति त शुचा चाल चलण हेर कइ वचन पुठ विश्वास करियाल। तेन्हि कोई समझाणे जरूरत नेईं, बल्कि तेन्के जुएली जीणे ईं तेन्हि यीशु पुठ विश्वास करान्ता।

1 पतरस 3:20

त सुआ साल पेहले जपल नूह पाणि जहाज बणाण लगो थिआ, तपल मेह्‍णु परमेश्वर ना मानतेथ। सुआ लाह रख कइ परमेश्वर तेन्हि भाड़ बिशो थिआ, तोउं बि से तस केईं ना आए। तपल जहाज अन्तर बिश कइ सद कुछ मेह्‍णु मतलब अठ मेह्‍णु बाढ़े पाणि केईआं बचे। पता मसीहे परमेश्वर ना मानणे बाड़े तेन्हि मेह्‍णु के आत्माई केईं घेई कइ प्रचार किआ।

1 पतरस 3:8

ए ट्यारेओ! अखिर अन्तर अउं तुसी बताण चहन्ता कि तुस सम्हाई यक रुह त उई मी कइ बिशे। यक होरी पुठ दाह दया करे। तुं दिल नरम त दाह बाड़ा लौता।

1 पतरस 4:17

किस कि पंची करणे टेम एई गो असा। शुरुवात परमेश्वरे मेह्‍णु केईआं भुन्ति। होर अगर परमेश्वरे पंची असी केईआं शुरुवात भुन्ति त जे परमेश्वरे खुश खबरी ना मानते, अखिर अन्तर तेन्के की हाल भोल?

1 पतरस 4:8

सोबी केआं खरा कम ईं असा कि यक होरी जोई तीं परेम करे, किस कि परेम सुआ पाप ढक छता।

2 पतरस 1:7

तसे भक्ति कते-कुते अपफ बुच भाईचारे जुए बिशणे, त भाईचारे जुए बिश्ते टेम परेम अन्तर बधणे कोशिश करे।

1 यूहन्ना 3:11

जे समाचार तुसी शुरुवात केआं शुणो असा, से ईं कि असी यक होरी जुए परेम जोई बिशुण।

1 यूहन्ना 3:23

तसे निआंग ई भो कि असी तसे कुआ यीशु मसीह पुठ विश्वास करण, होर जीं तेन हेन्धे निआंग दुतो असी तिहांणि अपफ बुच परेम रखण।

1 यूहन्ना 4:12

परमेश्वर कपल बि केनि नेईं काओ। पर अगर अस अपफ बुच परेम जोई बिशियेल, त परमेश्वर हें अन्तर बण बिश्ता, होर पूरे के पूरा असी तसे परेम मेई गो असा।

1 यूहन्ना 4:20

अगर कोउं बोलियाल, “अउं परमेश्वर जोई परेम कता” होर अपु भाई भेणि हेर नफरत कता, त से झूठा असा। किस कि जेन विश्वासी से काओ असा अगर तेन्हि परेम ना कता त जे परमेश्वर तेन काओ बि नेईं तेस जोई कदी परेम ना कइ बटता।

1 यूहन्ना 4:7

ए ट्यारेओ! असी यक होरी परेम करण चहिए; किस कि परेम परमेश्वर केआं असा। जे कोउं परेम कता, से परमेश्वर केआं जमो असा त परमेश्वर जाणता।

प्र. बोके 2:4

पर तुं खिलाफ मोउं ईं बोलुण असु कि तुसी अपु पेहलकण ईं परेम करण छड़ दुतो असा।