1 पतरस 1:21 - Walangi

²¹ तसे बेलिए तुस तेस परमेश्वर पुठ विश्वास कते, जेन से मरो तेन्हि अन्तरा जीआ त सुआ इज्जत दिती, ताकि तुं विश्वास त उम्मीद परमेश्वर पुठ भो।

1 पतरस 1:21 Iomraidhean Croise

मत्ती 28:18

यीशु तेन्के भेएड़ एई कइ बोलु, “स्वर्गे त धरती सोब हक मेन्धे दुतो असे।

यूहन्ना 12:44

त यीशु हक दी कइ बोलु, “जे मोउं पुठ विश्वास कता, से मोउं लंघाणे बाड़े पुठ बि विश्वास कता।

यूहन्ना 14:1

तोउं यीशु अपु चेली जे बोलु, “तुस दुखी ना भो! तुस परमेश्वर पुठ त विश्वास कते, मोउं पुठ बि विश्वास कते रिहे।

यूहन्ना 14:6

यीशु तस जे बोलु, “बथ, सच्चाई त जीवन अउंए भो; मोउं बजन कोई बि बोउ केईं पूज ना सकता।

यूहन्ना 17:1

ए सम्हाई बोक बोलुणे पता, यीशु खड़िया हेर कइ बोलु, “बोउआ, से घड़ी एई गई। अभेईं तुस मेह्‍णु हरालिण दिए कि तुं कुआ जे अउं भो, में कति शान असी। त अउं बि हरालता कि तुं कति शान असी।

यूहन्ना 17:24

“बोउआ! अउं चहन्ता कि जे तुसी मेन्धे दुतो असु, जेठि अउं रेहन्ता, तठि से बि बिशियेल, ताकि से में महिमा जे तुसी मेन्धे दुतो असी तस हेर सकियेल। किस कि तुसी धरती बणाण केआं पेहले ईं मोउं जुओई परेम किओ असा।

यूहन्ना 17:5

त बोउआ, अभेईं तुस बि धरती बणाणे पेहले तुसी जोई जे में शान थी, तस दुबारी मेन्धे दिए।”

यूहन्ना 3:34

यीशु परमेश्वरे लंघो असा, त से परमेश्वरे बोक कता, किस कि परमेश्वर खुल कइ अपु आत्मा तसे धे देन्ता।

प्रतिनिधि 2:24

पर परमेश्वरे सेईंए मरण केआं छुड़कइ कइ दुबारी जीआ; किस कि ईं त भोईए ना बटतुथ कि से मरणे वश अन्तर रिहे।

प्रतिनिधि 3:13

अब्राहमे, इसहाके त याकूबे परमेश्वरे, होर हें पुरखी के परमेश्वरे अपु सेवक यीशु मसीह सुआ इज्जत दुतो असी, जे तुसी दुश्माणी के हातेउ टोवाई छो थिआ। होर जपल राज्यपाल पिलातुसे यीशु छड़ देणे ठीक किओ थिउ, त तपल तुसी तसे समाणि नाह कइ छड़ा।

प्रतिनिधि 3:15

होर तुसी जीवन देणे बाड़ा मरवाई छड़ा, जे परमेश्वरे मरो तेन्हि अन्तरा दुबारी जीन्ता कइ छो असा। एस बोकी अस उगाह असे।

प्रतिनिधि 4:10

तुस सोब त इस्राएले सोब मेह्‍णु ई जाणिण दिए कि नासरत ग्रांए यीशु मसीहे नओएं बेलि, जे तुसी क्रूस पुठ ढनाई कइ मरो थिआ त जे परमेश्वरे मरो तेन्हि अन्तरा दुबारी जीआ, ए मेह्‍णु ठीक भो असा त तुं सम्हाणि असा।

रोमी 10:9

तोउं त, अगर तु अपु मुंहे बइ यीशु जे “प्रभु” बोलाल, होर अपु पूरे मने बइ विश्वास करियाल कि परमेश्वरे से मरो तेन्हि अन्तरा दुबारी जीआ, त तु जरूर बचता।

रोमी 4:24

बल्कि हें लिए बि लिखो असु, जेन्हि परमेश्वर विश्वास बेलि धर्मी बणान्ता, किस कि अस तेस पुठ विश्वास कते, जेन हें प्रभु यीशु मरो तेन्हि अन्तरा दुबारी जीआ।

2 कुरिन्थ 6:15

मसीह त बालजेबुल बुछ कि कोई समझौता असा ना? ना! तिहांणि यक विश्वासी त अविश्वासी बुछ कोई बराबरी नेईं।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

1 तिमुथि 1:1

ट्यारे तिमुथियुस, विश्वास अन्तर में सच्चा कुआ! अउं यीशु मसीहे प्रतिनिधि पौलुस इस चिट्ठि लिखुण लगो असा। अउं असी बचाणे बाड़ा परमेश्वर त हें उम्मीद यीशु मसीहे निआंगी बेलि तसे प्रतिनिधि बणो असा। परमपिता परमेश्वरे, त हें प्रभु यीशु मसीहे दाह, कृपादृष्टि त शान्ति तोउ पुठ भुन्ति रिहे। आमीन!

1 तिमुथि 3:16

होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।

इब्रानी 2:9

पर यीशु, जे थोड़ी देरे लिए स्वर्गेदूत केईआं घटो थिआ, ताकि परमेश्वरे कृपादृष्टि बेलिए असी सोबी जे मरा। अभेईं अस हेरते कि से पूरी महिमा त इज्जत जुए जीन्ता असा।

इब्रानी 6:1

तोउं त, चले! मसीहे शुरुवाती शिक्षा केआं अगर बध कइ अस विश्वास अन्तर पक्के भोई घेन्ते। बुरे कमी केआं मन बदलणे, त परमेश्वर पुठ विश्वास करणे बारे शुरुवाती शिक्षा दुबारी शिच कइ अपु विश्वासे दोकी खाई ना देन्ते।

इब्रानी 7:25

इस बझई जुए, जे मेह्‍णु यीशु बेलिए परमेश्वरे भेएड़ एन्ते, से तेन्हि बचाई बटता, किस कि से तेन्हि जे प्रार्थना दुआ करण जे हमेशा जीन्ता असा।

1 पतरस 1:11

जे मसीहे आत्मा तेन्हि अन्तर थी, से मसीहे दुख सीढ़णे त तढ़ेया पता तस सुआ इज्जत मेणे उगाही तेन्के धे दिती। तोउं त तेन्हि ई गणपुछ की कि मसीह कोउं भोई बटता, त ए सोब बोक कपल पूरी भुन्ति।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

1 पतरस 3:22

यीशु अब स्वर्ग अन्तर घेई कइ परमेश्वरे देहणा कना सुआ इज्जते जगाई बिश गो असा। त सोब स्वर्गेदूत, सोब अधिकार त सोब ताकतवर दुष्ट आत्मा तसे वश अन्तर असी।