1 पतरस 1:1 - Walangi

^1-2 ए ट्यारे भाई त भेणिओं, परमेश्वरे चुणो मेह्‍णुओ! जे पुन्तुस, गलाती, कप्पादूकिया, एशिया त बिथुनिया इलाके अन्तर परदेशी के ईं खिल्हिर कइ बिशो असे। अउं पतरस यीशु मसीहे प्रतिनिधि तुसी सोबी जे नमस्कार कता। तुस परमपिता परमेश्वरे पेहलाई केआं चुणो थिए कि तुस शुची आत्माई बेलि यीशु मसीहे बोक माने त तसे भकते बेलि शुचे बणे। परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। आमीन

1 पतरस 1:1 Iomraidhean Croise

मत्ती 10:2

अन्हि बाराह खास चेली के नओं ईं असे। शमौन जेस नओं तेन “पतरस” रखु त तसे भाई अन्द्रियास; जबदी कुआ याकूब त तसे भाई यूहन्ना;

मत्ती 24:22

अगर से सुआ कष्टे रोज परमेश्वर ना घटान्‍ताथ त कोई न बचताथ। पर परमेश्वरे चुणो तेन्हि मेह्‍णु के बझई जुए, से घट घेन्ते।

मत्ती 4:18

पता यक रोज, गलीले तथे औत हंटते हंटते यीशु दुई भाई काए: शमौन त तसे भाई अन्द्रियास। शमौन नओं पता तेन “पतरस” रखु। से दुहे तथ अन्तर जाल छड़ण लगो थिए, किस कि से मछवारे थिए।

लूका 18:7

जे दन रात परमेश्वरे प्रार्थना कते रेहन्ते, कि परमेश्वर तेन्हि तेन्के दुश्माणी केआं ना छुड़कान्ता नउ ना? कि से तेन्के बारे चेरे सोचता ना?

यूहन्ना 11:52

पर, पूरे धरती अन्तर जे सम्हाई परमेश्वरे गभुर असे, तेन्हि जे बि मरता ताकि से सम्हाई यक भोई गो लौते।)

यूहन्ना 7:35

त यहूदी नेते अपफ बुच बोलुण लगे, “ए को घेन्ता जे अस एस तोप ना बटते? कि ए तेन्हि यहूदी मेह्‍णु केईं घेन्ता, जे गैर यहूदी इलाके अन्तर बिश्ते त गैर यहूदी मेह्‍णु जे शिचालता?

प्रतिनिधि 18:2

तठि तेस अक्विला नओएं यक यहूदी मेह्‍णु मेईंया, जेसे जनम पुन्तुस राज्य भुओ थिआ। से अपु जुएली प्रिस्किल्ला जोई साते इटली देश केआं अओ थिआ, किस कि रोमी सम्राट क्लौदियुसे सोब यहूदी मेह्‍णु जे रोम शेहर केआं घेणे निआंग दुतो थी। पौलुस तेन्हि जोई मीण जे गा।

प्रतिनिधि 18:23

पौलुस किछ रोज अन्ताकिया शेहर बिशा। तोउं से तठिआ घेई कइ गलाती त फ्रूगिया राज्ये शेहर शेहर अन्तर विश्वासी भाई भेणि जे विश्वास अन्तर पक्का भोई कइ बिशण जे हिम्मत देन्ता रिहा।

प्रतिनिधि 19:10

दुई साल तकर इहांणि भुन्तु रेहु। त एशिया इलाके मेह्‍णु, कि यहूदी त कि गैर यहूदी सोबी प्रभु वचन शुणे।

प्रतिनिधि 6:9

तोउं गुलामी केआं अजाद भुओ मेह्‍णु के अराधनालये कुछ मेह्‍णु जे कुरेनी, सिकन्दरिया शेहर केआं त किलिकिया होर एशिया इलाके केआं थिए, खड़ भोई कइ स्तफनुस जोई बेहसेईण लगे।

प्रतिनिधि 8:4

त जे विश्वासी इएर-ओवर खिल्हिर गो थिए, से खुश खबरी प्रचार कते रिहे।

1 कुरिन्थ 16:19

एशिया इलाके सोब सतसंग तुसी जे नमस्ते कते। भाई अक्विला त तसे जुएली प्रिस्का त तेन्के गी भुणे बाड़ी सतसंग बि प्रभु नओं पुठ तुसी जे नमस्ते कते।

2 कुरिन्थ 1:8

ए ट्यारेओ! एशिया इलाके अन्तर असी पुठ जे जे कष्ट आ, अस ई ना चहन्ते कि तसे बारे तुस अणजाण रेह। अस एत भुंजो थिए कि जीणे उम्मीद असी छड़ दुतो थी।

इफिसुस 2:12

तुस इस्राएली टज केआं बखिए थिए। तुसी जे परमेश्वरे जुबान नेओथ। तुस नराश त बजन ईश्‍वरे थिए, त तपल मसीह केआं दूर थिए।

इफिसुस 2:19

तोउं त अभेईं तुस ना परदेशी, होर ना अणजाण रिहे। पर शुचे मेह्‍णु के अपु भोई कइ साथी बणे त परमेश्वरे ऊड़ी भुए।

2 तिमुथि 1:15

तोउ पता असा की एशिया इलाके जे विश्वासी थिए, तेन्हि सोबी अउं छड़ दी छो असा, जेन्हि बुच दुई बंदे फूगिलुस त हिरमुगिनुस बि असे।

इब्रानी 11:13

ए सोब मेह्‍णु अपु मन अन्तर विश्वास रख कइ मर गे। परमेश्वरे तेन्के धे जे जुबान दुतो थी, तेन्हि से न मेई। पर तेन्हि से बस दूरे ईं केईआं काई त बोडे खुशी जुए तेन्के आबिश किआ। त तेन्हि मनु कि से इस धरती पुठ परदेशी त मेहमानी के ईं असे।

याकूब 1:1

ए में ट्यारे यहूदी मेह्‍णुओ, जे पूरी धरती अन्तर टडिए असे। अउं परमेश्वरे त प्रभु यीशु मसीहे नौखर याकूब, तुसी सम्हाई जे नमस्ते कता।

1 पतरस 2:11

ए ट्यारेओ! अउं तुं छने कता कि तुस अपु अपफ परदेशी त यात्री मान कइ तेन्हि मतोके इच्छाई केआं दूर बिशे, जे तुं आत्माई खिलाफ लड़ाई कती।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

प्र. बोके 1:11

“जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”