1 यूहन्ना 3:3 - Walangi

³ होर जे कोउं मसीह पुठ ई उम्मीद रखता, से अपणे आप बि तिहांणि शुचा कता जीं से असा।

1 यूहन्ना 3:3 Iomraidhean Croise

मत्ती 5:48

तोउं त, अउं बोता कि तुस खरे बण कइ सिद्ध बणे, जीं तुं स्वर्गे बोउ सिद्ध असा।”

लूका 6:36

जिरुह तुं स्वर्गे बोउ दाहपोरा असा, तिरुह तुस बि दाहपोरे बणे।”

यूहन्ना 17:19

त तेन्के लिए अउं अपु भकत देन्ता ताकि ए बि शुचा भोई घियेल त पूरे सच्चाई जुए तुं कम करण जे तेयार भोल।”

प्रतिनिधि 15:9

होर विश्वासे बेलिए तेन्के मन साफ कर कइ असी त तेन्हि अन्तर कोई फरक नेईं रखो।

रोमी 15:12

होर फि यशायाह भविष्य वक्ता ई बोता, “जिशे कुआ, दाऊद राजे टब्बर अन्तर यक ईं मेह्‍णु खड़िन्ता, जे गैर यहूदी मेह्‍णु पुठ राज कता, होर तेस पुठ गैर यहूदी मेह्‍णु उम्मीद रखते।”

2 कुरिन्थ 7:1

त ए ट्यारेओ, परमेश्वरे इ सोब जुबान हें धे दुतो असी। त चले, जे कुछ बि हें आत्मा त जिसम अन्तर मैल असा तेस दूर करे। त परमेश्वर मनी कइ यकदम शुचा बणे।

कुलोसी 1:5

तुं विश्वास त परेम इ हरालता कि स्वर्ग पुठ जे अशुश तुसी जे असी, तस पुठ तुसी जब्बर उम्मीद रखो असी, जेसे बारे तुसी खुश खबरी बेलि शुणो थिउ।

2 थेस्सलु 2:16

अभेईं, हें प्रभु यीशु मसीह अपफ, त हें परमपिता परमेश्वर, जेन असी जोई परेम किओ असा त अपु दाह जुए हें धे कदी ना मुकुणे बाड़ा अराम त खरी उम्मीद दुतो असी,

तीतुस 3:7

तसे दाहे बझई जुए, तेन अस धर्मी बणाए त हेन्धे अमर जीवने हकदार भुणे पक्का उम्मीद दुतो असी।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।

इब्रानी 6:18

परमेश्वर कदी झूठ ना बोता। परमेश्वरे जुबान त तसे सोह कदी बदली न बटते। त असी इस बोक पुठ ती हिम्मत मेओ लौती। किस कि अस परमेश्वरे दुतो तेस उम्मीद सम्हाड़ी कइ रखण जे तेस केईं जे दौड़ो असे।

इब्रानी 7:26

तोउं त असी इहांणि यक बोडे पुजारे जरूरत असी जे शुचा, धर्मी, साफ त पापी मेह्‍णु केआं अलग त स्वर्गे सोबी केआं बोडा असा।

याकूब 4:8

परमेश्वरे भेएड़ एईए, त से बि तुं भेएड़ एन्ता। ए पापी मेह्‍णुओ! बुरे कम करण छड़ दिए। त ए दुमने मेह्‍णुओ! अपु मन शुचा करे।

1 पतरस 1:15

पर जीं तुसी भिआणे बाड़ा परमेश्वर शुचा असा, तिहांणि तुस बि अपु पूरे चाल चलण अन्तर शुचे बणे।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

2 पतरस 1:4

किस कि से परमेश्वर बोडा त खरा असा, तेन हेन्धे बेहिसाब त बोडी बोडी जुबान दुतो असी। एसे बेलि तुस मतोके तेस बुराई केआं छूट कइ जे बुरी इच्छाई बेलिए भुन्ति, परमेश्वरे गुणे हेस्सेदार बणियेल।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

1 यूहन्ना 2:6

जे कोउं ई बोता कि अउं तसे जोई जुड़ कइ असे, तेस लौतु कि से बि तिहांणि जीए जीं मसीह जीआ।

1 यूहन्ना 4:17

ईं कर कइ अगर असी परमेश्वरे पूरा परेम मेई गो असा त तेस न्याय करणे रोज हें हौसला भुन्ता; किस कि जीं परमेश्वर जुए जुड़ कइ मसीह जीआ, तिहांणि मतोक अन्तर अस बि परमेश्वर जुए जुड़ कइ जीन्ते।