1 यूहन्ना 1:8 - Walangi

⁸ अगर अस बोलियेल कि असी अन्तर कोई पाप नेईं, त अस अपफ जे धोखा देन्ते, त हें अन्तर सच्चाई नेईं।

1 यूहन्ना 1:8 Iomraidhean Croise

यूहन्ना 8:44

तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा।

रोमी 3:10

जीं कि धरमे कताब अन्तर लिखो असु : “कोई बि धर्मी नेईं, यक जेईं बि नेईं।

रोमी 3:23

किस कि सोबी गलती त पाप किओ असे त परमेश्वरे महिमा मेणे लेएक नेईं रिहो।

1 कुरिन्थ 3:18

अपु मन अन्तर कोई गलतफेमि न रखे। अगर तुसी अन्तरा कोउं जेईं इस मतोक अन्तर अपु अपफ चलाक समझता, त तस सुआ सिधा बण कइ बिशण चहिए, ताकि परमेश्वरे अगर अक्लदार बण घियेल।

गलाती 6:3

अगर कोउं अपफ जे बोडा समझता, पर असल अन्तर नेईं, त से अपफ धोखा देन्ता।

1 तिमुथि 6:5

त जेन्के बुद्धि भ्रष्ट भोई गो असी, त जे सच्चाई केआं दूर भोई गो असे, से सोचते की परमेश्वरे वचन शिचालण सुआ धन कठेरणे तरीका असा। तेन्के बुच बेहला झगड़ा भेएड़ा भुन्ता।

2 तिमुथि 3:13

पर गलत शिक्षा देण बाड़े त ढोंगी, मेह्‍णु ठगान्ते ठगान्ते से अपफ बि ठगीन्ते रेहन्ते, होर तेन्के हाल बुराई केआं हउ बि बुरा भोई घेन्ता।

याकूब 1:22

तुस सद से वचन शुणणे बाड़े न बणे जे अपफ धोखा देन्ते। बल्कि तुस वचन मान कइ तेस हेसाब जुए जीणे बाड़े बि बणे।

याकूब 1:26

अगर कोउं अपफ जे बोडा धर्मी बोता, पर अपु जिभुड़ पाठ न रखता त से अपफ धोखा देन्ता, होर तसे धरमे कम बेकार असे।

याकूब 3:2

किस कि असी सोबी केईआं गलती भुन्ति रेहन्ती। पर जे कोई अपु बोके बेलि कुछ बि गलती ना कता, सेईंए सिद्ध मेह्‍णु असा। से अपु पूरा जिसम बि अपु वश अन्तर कइ रखता।

2 पतरस 2:13

तेन्के बुरु करणे फल तेन्के बुराई भुन्ति। तेन्हि त दन-धहाड़े मस्त मलंग अन्तर बिशुण खरु लगतु। ए मेह्‍णु तुसी जे कलंक त दोष भिन्थ, किस कि एन तुसी जोई त खाण पीण जे बिश्ते, पर अपु कनारा धाम खाई कइ गलत कम कते।

1 यूहन्ना 1:10

अगर कदी अस ई बोलियेल कि असी पाप नेईं किओ, त तेस झूठा बणान्ते। होर तसे वचन हें अन्तर नेईं।

1 यूहन्ना 1:6

अगर ई बोल कइ कि तेस जोई हें संग असा, अस अन्हारे कम कइ जीन्ते रेहाल त अस झूठे असे त सच्चाई पुठ न हंटते।

1 यूहन्ना 2:4

जे कोउं ईं बोता कि “अउं तेस जाणता” पर तसे निआंग न मानता, त से झूठा असा। होर तेस अन्तर सच्चाई नेईं।

1 यूहन्ना 4:20

अगर कोउं बोलियाल, “अउं परमेश्वर जोई परेम कता” होर अपु भाई भेणि हेर नफरत कता, त से झूठा असा। किस कि जेन विश्वासी से काओ असा अगर तेन्हि परेम ना कता त जे परमेश्वर तेन काओ बि नेईं तेस जोई कदी परेम ना कइ बटता।

2 यूहन्ना 1:2

अस तुसी जोई परेम कते किस कि से सच्चाई हमेशा हें अन्तर भुन्ति त हमेशा हें सात रेहन्ती।

3 यूहन्ना 1:3

जपल हें कुछ भाई तठिआ वापिस एई कइ बोलु कि तु सच्चे बि परमेश्वरे सच्चाई पुठ हंटता त अउं सुआ खुश भुआ।