1 यूहन्ना 1:7 - Walangi

⁷ पर अगर जीं से टगड़ियार अन्तर असा, तिहांणि अस बि टगड़ियारे कम कइ जीएल त यक होरी जुए हें संग असा। त तसे कोईया यीशु लहु असी सोबी पापी केआं शुचु कतु।

1 यूहन्ना 1:7 Iomraidhean Croise

मत्ती 6:12

जीं अस अपु कसुरवार माफ कते, तिहांणि तुस बि हें पाप माफ करे।

यूहन्ना 1:29

होउस, जपल यूहन्ने यीशु अपु ए जे एन्ते का त बोलु, “हेरे, हेरे! एस हेरे! ए परमेश्वर जे यक किएऊ ईं असा; जे सम्हाई के पाप लिए अपु भकत देन्ता।

यूहन्ना 12:35

ए मनखे कुआ कोउं भो?” यीशु तेन्हि जे बोलु, “टगड़ियार तुं बुच कुछ देरे लिए ईं भुन्ति। त जपल तकर टगड़ियार तुसी जुए असी, तुस हंटे, फिरे। ताकि पता अन्हारु तुसी बटेर ना छड़े। किस कि जे अन्हारे अन्तर हंटते, तेन्हि पता ना लगता कि से को जे गो असे।

यूहन्ना 5:4

(किस कि कपले कपले परमेश्वर केआं स्वर्गेदूत एई कइ तेस लाबु पाणि हिलान्तेथ। त जे बि बीमार मेह्‍णु पाणि अन्तर पेहले घेन्ताथ, से ठीक भोई घेन्ताथ।)

रोमी 13:12

धरती पुठ हें जीण पूरु भुणे बाड़ु असु, जीं यक रात खतम भुणे बाड़ी असी, त भ्याग भुणे बाड़ी असी। तोउं त, असी अन्हारे कम छड़ दी कइ टगड़ियारी हथियार टाइ रखण।

1 कुरिन्थ 6:11

आं! तुसी अन्तर बि कत जेईं इहांणि थिए, पर परमेश्वरे तुस यीशु मसीहे नओएं बइ त अपु आत्माई बइ धुआई कइ शुचे किए त धर्मी बड़ाए।

इफिसुस 1:7

तेन यीशु मसीहे जान देणे बेलि अस बचाए, मतलब कि तेन अपु बोडी दाह जुए हें पाप श्राप माफ कइ छड़े।

इफिसुस 5:8

किस कि पेहले तुस बजन परमेश्वरे अन्हारु अन्तर जीन्तेथ, पर अभेईं परमेश्वरे भेएड़ एणे बेलि तुस टगड़ियारे ईं भोई गो असे। त जे टगड़ियार अन्तर बिश्ते, तेन्के ईं जीण दिए।

1 तिमुथि 6:16

होर सद सेईंए अमर असा, त से ईं टगड़ी जगाई बिश्ता, जेठि कोई ना घेई बटता। से मेह्‍णु ना कदी काओ असा होर ना हेर बटते। तसे शान त राज्य हमेशा भुन्ता। आमीन!

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

इब्रानी 9:14

त जे मसीह अमर आत्माई बेलि, अपफ नरदोष रख कइ परमेश्वरे अगर अपु भकत दिती, तेस मसीहे लहु जरूर हें अन्तरात्माई सोबी बुरे कमी केआं साफ कतु। तोउं अस जीन्ते परमेश्वरे पूजा अराधना कइ बटते।

याकूब 1:17

किस कि हर यक दान जे खरा त नरदोष असा परमपिता परमेश्वर केईआं एन्ता। तेन दिस, जोसुण त तारे बणो असे। से परमेश्वर ना कदी बदलिन्ता होर ना केसेरी उडारे बेलिए अन्हारिन्ता।

1 पतरस 1:19

बल्कि सुआ कीमति मसीहे लहुए बेलिए छुड़काओ असे मतलब नरदोष त बजन कलंके किएऊ बेलि।

1 यूहन्ना 1:3

जे कुछ बि असी काउ या शुणु, तस तुसी जे बि बतान्ते, ताकि तुस बि हें संगते हेस्सेदार बणियेल। हें ए संगत बोउ जोई त तसे कुआ यीशु मसीह जोई असी।

1 यूहन्ना 1:5

जे समाचार असी मसीह केआं शुणा तेस तुसी शुणान्ते। से ईं असा कि परमेश्वर टगड़ियार भो त तेस अन्तर कोई अन्हारु नेईं।

1 यूहन्ना 5:6

जे इस धरती पुठ एई कइ पाणि अन्तर चुसा त अपु लहु बहाई कइ मर गा, से एईएं यीशु मसीह भो। से ना कि सद पाणि अन्तर चुसिआ बल्कि अपु लहु बहाई कइ मर गा। होर जे एसे बारे उगाही देन्ती, से शुची आत्मा भो; त से सच्ची असी।

1 यूहन्ना 5:8

से भो शुची आत्मा, पुओणि त लहु। होर टाहो यके बोक पुठ रजामंद असे।

2 यूहन्ना 1:4

जपल मेईं तें किछ गभुर परमेश्वरे निआंगे हेसाब जुए सच्चाई पुठ हंटते काए त अउं तीं खुश भुआ।

3 यूहन्ना 1:4

एस केआं बध मोउं होर की खुशी मेई बटती कि ईं शुणुण कि में गभुर परमेश्वरे सच्चाई पुठ हंटते।

प्र. बोके 12:11

हें साथी सेवक किएऊ लहुए बझई जोई त अपु उगाही वचने बझई जोई तेस पुठ जीत गे, किस कि तेन्हि अपु प्राण ट्यारे ना किए, बल्कि मर बि गे।

प्र. बोके 7:14

मेईं तेस जे बोलु, “मालिका! तुईएं जाणता।” तेन मोउं जे बोलु, “ए से भिन्थ, जे तेस मोटी अशी केआं बच कइ अओ असे। अन्के हच्छे झिणे हरालते कि अन्हि अपु अपु पाप त दोष किएऊ लहुए बइ धोई छो असे।