ତୀତସ 3:8 - New Testament in Pengo Parja Language

⁸ ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ତୀତସ 3:8 Iomraidhean Croise

ମାତିଉ 20:4

ହେୱାରିଙ୍ଗ୍ ହେୱାନ୍ ୱେଚ୍‌ଚାନ୍, ଏପେଙ୍ଗ୍ ପା ନା ଅଙ୍ଗୁର୍ ବାଡ଼୍‍ଦ ହାଲ୍‌ଜି କାମାୟ୍ କିୟାଟ୍। ମିଙ୍ଗେଙ୍ଗ୍ ପା ହାମାନ୍ ଡାବୁଙ୍ଗ୍ ହିଦ୍‌ନାଙ୍ଗ୍।

ଜହନ୍‌ 12:44

ତାପାଚେ ଯୀଶୁ ଗାଜାକାଟ୍ କିଜି ୱେଚ୍‌ଚାନ୍, “ନାବେ ଇନେର୍ ପାର୍ତି କିଦ୍‌ନାର୍, ହେୱାନ୍ ନାବେ ଆକାଇ, ମାତର୍ ଇନେର୍ ନାଙ୍ଗେଙ୍ଗ୍ ପକ୍ତାତାନ୍‌ନା, ହେୱାନ୍‌ତାକେ ପାର୍ତିକିନାର୍।

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ପକ୍ୟାତାକା 12:15

ଲାଗିଙ୍ଗ୍ ହେୱାର୍ ହେଦେଲିଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ବାଉଡ଼ି।” ମାତର୍ ହେଦେଲ୍ ଆକାୟ୍ ହେୱାନ୍ ପିତର ନେ ଇଞ୍ଜି ୱେଚ୍‌ଚି ମାନ୍‌ଚାତ୍। ଲାଗିଙ୍ଗ୍ ହେୱାର୍ ୱେଚ୍‌ଚାର୍, “ଇଦାଙ୍ଗ୍ ତା ଦୁତ୍ ଆଜି ମାନ୍‌ଗାନାତ୍।”

ରୋମିୟ 4:5

ମାତର୍ ମାନାୟାର୍ ତା କାମାୟ୍ କାଜିଙ୍ଗ୍ ଦରମ୍ ମାନାୟ୍ ଆୱାତାର୍‌ମା, ମାତର୍ ତା ପାର୍ତି କାଜିଙ୍ଗ୍ ଦରମ୍ ମାନାୟ୍ ଆତାର୍‌ନା।

୨ କରନ୍ତିୟ 4:13

ମାତର୍ ଆପେଙ୍ଗ୍ ୱିଜୁଦିନ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନାପା ଇନେସ୍‌କି କେର୍‌କଣ୍ ଲେକିକିତି ମାନାୟ୍ ପାର୍ତିଲେକେ ମା ପାର୍ତି ମାନାତ୍, ହେୱାନ୍ ଇଲେକେ ଇନାନା, ଆନେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିତାଙ୍ଗ୍, ଲାଗିଙ୍ଗ୍ ଆନେଙ୍ଗ୍ ଇଚାଙ୍ଗ୍।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 2:8

ଆନେଙ୍ଗ୍ ଇଚା କିନାଙ୍ଗା ଯେ, ରିସା, ଜୁକ୍ତି କିୱାଦାଙ୍ଗ୍ ହାର୍ଦି ଜିବୁନ୍ କାଟିକିନି ଆଣ୍ଡ୍ରା ହିମ୍‌ଣାଙ୍ଗ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଇମେତାକେ ରବେ ଆତିହିଙ୍ଗ୍ ହେୱାର୍ କେଇ ଜପିକିଜି ପାର୍ତାନା କିୟେର୍।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

ତୀତସ 1:9

ଇମ୍‌ଣି ହିକ୍ଷା ହେୱାନ୍ ପାୟାଆତାନ୍‌ନା ହେ ପାର୍ତିକିନି ହିକ୍ଷାତିଙ୍ଗ୍ ହେୱାନ୍ ବେସି ପାର୍ତିକିନି ଦର୍‌କାର୍। ଲାଗିଙ୍ଗ୍ ହେୱାନ୍ ସତ୍ ହିକ୍ଷାତାଙ୍ଗ୍ ଜେକନିକାନିଙ୍ଗ୍ ସାହାସ୍ କିଦେଙ୍ଗ୍ ଆଡ୍‌ନାନ୍ ଆରେ ତା ହିକ୍ଷାତିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାନ୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ତୀତସ 2:7

ଏପେଙ୍ଗ୍ ର ମାନାୟ୍ ମାନି କିତିଲେକେ ୱିଜୁ ବିଷୟରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଈଶ୍ୱର ବିଷୟରେ ହିକ୍ଷା ହିନିହିଙ୍ଗ୍ ହାର୍ଦି ମାନ୍‌ତାଙ୍ଗ୍ ଆରେ ମାନାୟାର୍ ସନ୍‌ମାନ୍ କିତିଲେକେ ହିକ୍ଷା ହିୟାଟ୍।

ତୀତସ 3:1

ସାସନ୍ କିନାକାର୍ ଆରେ ତା ଆଦିକାର୍ ପାୟାଆତି ମାନାୟାର୍ ତାରେନ୍ କିନାକା ଆରେ କାତା ମାନି କିଦେଙ୍ଗ୍, ଆରେ ୱିଜୁ ପର୍‌କାର୍ ହାର୍ଦି କାମାୟ୍ କିନି କାଜିଙ୍ଗ୍ ରେଡି ଆଜି ମାନାଟ୍।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ଫିଲୀମୋନ 1:11

ଆଗେ ଅନିସିମ ବେକାରିଆ ମାନାୟ୍ ମାଚାନ୍, ମାତର୍ ନଙ୍ଗୟ୍ ହେୱାନ୍ ମା କାଜିଙ୍ଗ୍ ଉପ୍‌କାର୍‌ନି ମାନାୟ୍ ଆନାନ୍।

ଏବ୍ରି 10:24

ଆରେ ଜାର୍-ଜାର୍‌ତିଙ୍ଗ୍ ଲାଡ୍ ଆରେ ହାର୍ଦି କାମାୟ୍ କିନି କାଜିଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଦେଙ୍ଗ୍ ଦିୟାନ୍ ହିନାସ୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।