ତୀତସ 3:2 - New Testament in Pengo Parja Language

² ଇନେରିଙ୍ଗ୍ ନିନ୍ଦା କିୱେଦେଙ୍ଗ୍, ଇନେର୍ ହୁଦାଙ୍ଗ୍ ଗଣ୍ଡ୍‍ଗଲ୍ ଆୱେଦେଙ୍ଗ୍। ଜେକନିକାର୍ ହୁଦାଙ୍ଗ୍ ସାଙ୍ଗ୍‌ସାତି ଲେକେ ମାଞ୍ଜେଙ୍ଗ୍, ଆରେ ୱିଜୁ ମାନାୟାର୍ ହୁଦାଙ୍ଗ୍ ସାଦୁ ମାନାୟ୍ ଲେକେ ବ୍ଯବହାର୍ କିଦେଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ୱିଜୁଦିନ୍ ମାନ୍ତ ଏତୁକିୟାଟ୍।

ତୀତସ 3:2 Iomraidhean Croise

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ପକ୍ୟାତାକା 23:5

ପାଉଲ ୱେଚ୍‌ଚାନ୍, “ଟଣ୍ଡାର୍‌କାଦେର୍, ହେୱାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଆନେଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, ‘ମା କାଜିଙ୍ଗ୍ ଆଦିକାର୍ ପାୟାଆତି ମାନାୟାରିଙ୍ଗ୍ ଏପେଙ୍ଗ୍ ଅବିଶାପ୍ ହିମାଟ୍।’”

୧ କରନ୍ତିୟ 6:10

ଆଣ୍ଡ୍ରାଙ୍ଗ୍-ଆଣ୍ଡ୍ରାଙ୍ଗ୍ ବିତ୍ରେ ଦାରି କାମାୟ୍, ଚରି କିନାର୍, ଲକାର୍ ଦନ୍‌ତିଙ୍ଗ୍ ଲବ୍ ଆନାର୍, କାଲିଙ୍ଗ୍ ଉଣାର୍, ମାନାୟାରିଙ୍ଗ୍ ନିନ୍ଦା କିନାର୍, ଲକାର୍ ଦନ୍‌ତିଙ୍ଗ୍ ଟକାୟ୍ କିଜି ଅନାର୍, ଇଲେଗ୍‌ଦି ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍।

୧ କରନ୍ତିୟ 9:19

ନାଙ୍ଗେଙ୍ଗ୍ ହେୱାର୍ ଡାବୁଙ୍ଗ୍ ହିଦ୍‌ନାରା ଇଞ୍ଜି ଆନେଙ୍ଗ୍ ଇନେର୍ ତାରେନ୍ ଦାସ୍ କାମାୟ୍ କିଉଙ୍ଗା, ମାତର୍ ଯୀଶୁ ଖ୍ରୀଷ୍ଟତାକେ ୱିଜାକାରିଙ୍ଗ୍ ତାସି ୱାଦେଙ୍ଗ୍ ଆନେଙ୍ଗ୍ ୱିଜାକାର୍ ଦାସ୍ ଆତାଙ୍ଗ୍‌ନା।

୨ କରନ୍ତିୟ 10:1

ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।

୨ କରନ୍ତିୟ 12:20

ଆନେଙ୍ଗ୍ ଏଚେପାଦ୍ନା ମିତାକେ ୱାନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିତାଙ୍ଗ୍‌ନା ହେଲେକେ ହୁଡ଼୍‌ଦିୱିତିସ୍, ଆନେଙ୍ଗ୍ ଇନେସ୍ ବ୍ଯବହାର୍ କିଦ୍‌ନାଙ୍ଗ୍ ହେଦାଙ୍ଗ୍‌ତିଙ୍ଗ୍ ଆହୁଦେର୍ ଇଞ୍ଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା। ଇନେସ୍‌କି ମି ବିତ୍ରେ ଗଣ୍ଡ୍‍ଗଲ୍, ଆକାର୍, ରିସା, ଲବ୍ ଆନି ବୁଦି, ଲକାର୍ ବିରୁଦ୍‌ତାକେ ଇନାକା, ଲକାର୍ ବିରୁଦ୍‌ତାକେ ଗାଣ୍‌ଜୁ କିନାକା ଆରେ କରାପ୍ ବ୍ୟବହାର୍ କିନି ବିଷୟରେ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 6:1

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ବ୍ଯବହାର୍ କିତିଲେକେ, ଏପେଙ୍ଗ୍ ଇଦାଙ୍ଗ୍ କିୟାଟ୍: ଯଦି ଇନେର୍ ଇମ୍‌ଣି ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦରାପାଡ଼ା ଆନାନ୍। ଏପେଙ୍ଗ୍ ହେୱାନିଙ୍ଗ୍ ହାର୍ଦି ମାନ୍‌ତାଙ୍ଗ୍ ଟିକ୍ କିୟାଟ୍ ଆରେ ହାର୍ଦି ହାଜ୍‌ଦିଙ୍ଗ୍ ତାସି ୱାଦେଙ୍ଗ୍ ସାଇଜ କିୟାଟ୍। ଏପେଙ୍ଗ୍ ଇନେସ୍ ହେଲେଗ୍‌ଦି ପାପ୍‌ତାକେ ପଡ଼ାଆଉଦେର୍‌, ଇଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍।

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ଏପିସିୟ 4:31

ଜେକନିକାରିଙ୍ଗ୍ ବାନ୍ୟା ଆନାକା, ରିସା ଆରେ ଜଗ୍‌ଡ଼ା କିନାକା ବନ୍ଦ୍ କିୟାଟ୍। ହେୱାରିଙ୍ଗ୍ ନିନ୍ଦା କିମାଟ୍ ଆରେ ଇନେରିଙ୍ଗ୍ ଗିଣ୍ କିମାଟ୍।

ପିଲିପିୟ 4:5

ଏପେଙ୍ଗ୍ ହାର୍ଦି କାମାୟ୍ କିୟାଟ୍, ଇନେସ୍ ମିଙ୍ଗେଙ୍ଗ୍ ଦରମ୍ ମାନାୟ୍ ଇଞ୍ଜି ମାନାୟାର୍ ପୁଞ୍ଜ୍‌ନାର୍। ଇନେସ୍‌କି ଏପେଙ୍ଗ୍ ମାନ୍ତ ଇଟାଟ୍ ଯେ ମାପୃ ଇକାତାନେ।

୧ ଥେସଲନୀକିୟ 2:7

ମାତର୍ ର ଆୟା ତା ମେହିଙ୍ଗ୍ ଜାତୁନ୍ କିନାତ୍, ତା ଲେକେ ଆପେଙ୍ଗ୍ ମିଙ୍ଗେଙ୍ଗ୍ ଜାତୁନ୍ କିତ୍‌ତାପ୍‌ନା,

୧ ତିମତି 3:11

ହେଲେକେ କଗ୍‍ଲେକ୍ ପା ସନ୍‌ମାନ୍ ପାୟାଆନି ତା କଗ୍‌ଲେ ଆନାକା ମାନାତ୍, ଗାଣ୍‌ଜୁ କିୱାକା ମାନାତ୍, ୱିଜୁ ପରିସ୍ତିତିତାକେ ପା ହେଦେଲ୍ କଣ୍ଟ୍ରୁଲ୍ ଆରେ ବିସ୍‌ବାସ୍‌ତ ଆଜି ମାନାକା ମାନାତ୍।

୧ ତିମତି 3:3

ହେୱାନ୍ କାଲିଙ୍ଗ୍ କି କୁର୍‌ଲି କିୱାକାନ୍ ଆନାକା ମାନାତ୍, ହେୱାନ୍ ସାନ୍ତସିଷ୍ଟ ମାନାୟ୍ ଆନାକା ମାନାତ୍, ଇନେରିଙ୍ଗ୍ ଜୁକ୍ତି କିୱାକାନ୍ ଆରେ ଦନ୍ ଲବ୍ରା ଆୱାକା ମାନାତ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

ଜାକ୍‌ବ 4:11

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଜାର୍-ଜାର୍‌ବିତ୍ରେ ବିରଦ୍‌ତାକେ ଇନାକା ୱେଚ୍‌ମାଟ୍, ଇମ୍‌ଣାକାନ୍ ଟଣ୍ଡାହି ବିରଦ୍‌ତାକେ ଇନାକା ୱେଚ୍‌ନାନ୍। କି ଟଣ୍ଡାହିଙ୍ଗ୍ ବିଚାର୍ କିନାନ୍, ହେୱାନ୍ ଈଶ୍ୱର ନିୟମ୍ ବିରଦ୍‌ତାକେ ୱେଚ୍‌ନାନ୍, ଆରେ ଇ ନିୟମ୍‌ତିଙ୍ଗ୍ ବିଚାର୍ କିନାନା। ଏପେଙ୍ଗ୍ ଯଦି ନିୟମ୍‌ତିଙ୍ଗ୍ ବିଚାର୍ କିନାଦେର୍, ଏପେଙ୍ଗ୍ ହେ ନିୟମ୍‌ତିଙ୍ଗ୍ ହାତେନେ ବିଚାର୍‌କିନି ମାନାୟ୍ ଲେକେନେ ବିଚାର୍ କିନାଦେରା, ଆରେ ହେ ନିୟମ୍‌ତିଙ୍ଗ୍ ମାନି କିଉଦେରା।

୧ ପିତର 2:1

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ୱିଜୁ ପର୍‌କାର୍ କରାପ୍ କାମାୟ୍ କିନି କାଜିଙ୍ଗ୍ ମୁନା କିୟାଟ୍। ଏପେଙ୍ଗ୍ ଜେକନି ମାନାୟାରିଙ୍ଗ୍ ଟକାୟ୍ କିମାଟ୍, ଏପେଙ୍ଗ୍ ହାର୍ ଇଞ୍ଜି ଜାର୍‌ତିଙ୍ଗ୍ ବାଟ୍‌ପାଣ୍ ଆମାଟ୍, ଏପେଙ୍ଗ୍ ଜେକନି ମାନାୟାରିଙ୍ଗ୍ ଆକାର୍ ଆମାଟ୍ ଆରେ ମାନାୟାର୍ ବିରଦ୍‌ତାକେ କରାପ୍ କାତା ୱେଚ୍‌ମାଟ୍।

୧ ପିତର 3:10

ଇନେସ୍‌କି ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଯଦି ଏପେଙ୍ଗ୍ ୱିଜୁନାଞ୍ଜିଙ୍ଗ୍‌ ୱାରି କିଦେଙ୍ଗ୍ ଇଚା କିନାଦେର୍ ଆରେ ୱିଜୁନାଞ୍ଜିଙ୍ଗ୍‌ ୱାରିନି ଦିନ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ କରାପ୍ ବେଣ୍ ଆରେ ମିଚ୍ କାତା ୱେଚ୍‌ମାଟ୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 4:4

ହେଦାଙ୍ଗ୍ କାଜିଙ୍ଗ୍ ମି ଆଗେନି ସାଙ୍ଗର୍ ମିଙ୍ଗେଙ୍ଗ୍ ହୁଡ଼୍‌ଜି କାବା ଆନାରା। ଆରେ ମି ବିଷୟରେ କରାପ୍ କାତା ଇନାରା ଇନେସ୍‌କି ଏପେଙ୍ଗ୍ ତା ହୁଦାଙ୍ଗ୍ ମାହାଆଜି କରାପ୍ କାମାୟ୍ କିଉଦେରା।

୨ ପିତର 2:10

ଇ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ହାତ୍‌ପା ଈଶ୍ୱର ଦଣ୍ଡ୍ ହିନାନ୍। ଇନେସ୍‌କି ଇ ବୁଲ୍ ହିକ୍ଷାହିନି ମାଷ୍ଟେରାର୍ ଦାରି ଲେକେ ବେସି କରାପ୍ କାମାୟ୍ କିଜି ଜାର୍ ଇଚାରେ କିନାର୍, ଆରେ ହେୱାର୍ ଇନେର୍ ତାରେନ୍ ମାଞ୍ଜେଙ୍ଗ୍ ଇଚା କିଉର୍। ହେୱାର୍ ମୁର୍କିୟା ଆରେ ବାଟ୍‌ପାଣିଆ ଇଞ୍ଜି ୱେଚ୍‌ନି ମାନାୟାର୍। ହେୱାର୍ ଗୌରବନି ଦୁତ୍‌କୁ ବିଷୟରେ ନିନ୍ଦା କିଦେଙ୍ଗ୍ ପାଣ୍ଡ୍ରାଆଉର୍।

ଜିହୁଦା 1:10

ଇ ମାନାୟାର୍ ଇନାକା ବୁଜା ଆଦେଙ୍ଗ୍ ଆଡୁର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କିନାର୍। ଆରେ ମୁର୍କ ପଶୁର୍ ଲେକେ, ହେୱାର୍ ଇନାକା ବୁଜା ଆନାର୍ ହେଦାଙ୍ଗ୍ ହେୱାର୍ କିନାର୍। ଇଲେକେ ପାପ୍ କାମାୟ୍ କିଜି ନିଜେ ନିଜେତିଙ୍ଗ୍ ନଷ୍ଟ କିନାରା।

ଜିହୁଦା 1:8

ଇ ୱିଜୁ ବିଷୟରେ ଇ ବୁଲ୍ ହିକ୍ଷାହିନି ମାଷ୍ଟେରାର୍ ପୁଚିସ୍ ପା, ହେୱାର୍ ଦାରି କାମାୟ୍ ଲେକ କରାପ୍ କାମାୟ୍ କିଜି ଜାର୍ ଗାଗାଡ଼୍‌ତିଙ୍ଗ୍ କରାପ୍ କିଦେଙ୍ଗ୍। ହେୱାର୍ ଜପି ଇନେର୍ ଆଦିକାର୍ ହିଲ୍‌ୱି କାଜିଙ୍ଗ୍, ଆରେ ଗୌରବନି ଦୁତ୍‌କୁ ବିଷୟରେ ନିନ୍ଦା କାତା ୱେଚ୍‌ନି କାଜିଙ୍ଗ୍ ଈଶ୍ୱର କେଚ୍‌କଣ୍‌ତାକେ ୱେଚ୍‌ଚାତାନ୍‌ନା ଇଞ୍ଜି ୱେଚ୍‌ନାର୍।