ତୀତସ 3:15 - New Testament in Pengo Parja Language

¹⁵ ନା ହୁଦାଙ୍ଗ୍ ମାନି ୱିଜୁ ପାର୍ତି କିନାକାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା। କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ଇମ୍‌ଣାକାର୍ ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ହେୱାରିଙ୍ଗ୍ ମା ଜୱାର୍ ପା ୱେଚାଟ୍। ମାପୃ ମି ୱିଜାକାରିଙ୍ଗ୍ ଦୟା କିଦେନ୍।

ତୀତସ 3:15 Iomraidhean Croise

ମାତିଉ 5:47

ଆରେ ଏପେଙ୍ଗ୍ ଯଦି ମି ଟଣ୍ଡାଦିଙ୍ଗ୍ ଜୱାର୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ଜେକନିକାର୍ କିତିତାଙ୍ଗ୍ ପା ଆଦିକ୍‌ବେଶି ଇନାକା କିୱାତାଦେର୍‍ନା। ବିନେନି ଜାତିନି ମାନାୟାର୍ ପା ହେଲେକେ କିନାରା, ଇମ୍‌ଣାକାନ୍ କି ମାପୃ ସାସ୍ତର୍‌ତିଙ୍ଗ୍ ପୁନ୍‌ୱାତାନ୍‌ନା।

ପକ୍ୟାତାକା 20:34

ଏପେଙ୍ଗ୍ ପୁଚାଦେର୍‌ନା, ନାଙ୍ଗେଙ୍ଗ୍ ଆରେ ନା ହାଙ୍ଗ୍‌ଦାକାରିଙ୍ଗ୍ ଦର୍‌କାର୍‌ଆନି ଜିନିଷ୍‌ତିଙ୍ଗ୍ ଆନେଙ୍ଗ୍ କାମାୟ୍ କିଜି ପୁରା କିତାଙ୍ଗ୍‌ନା।

୧ କରନ୍ତିୟ 16:23

ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

କଲସିୟ 4:18

ଆନେଙ୍ଗ୍ ପାଉଲ ଇ ଚିଟି ନିଜେ ଲେକିକିଜି ଜୱାର୍ କିଦ୍‌ନାଙ୍ଗା। ଆନେଙ୍ଗ୍ ଜଇଲ୍ ଇଞ୍ଜ ମାନାକା ଏତୁକିଜି ନା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୨ ତିମଥି 4:22

ମାପୃ ମିହୁଦାଙ୍ଗ୍ ମାନେନ୍ ଆରେ ହେୱାନ୍ ମିଙ୍ଗେଙ୍ଗ୍ ଦୟା କିଦେନ୍।

ଫିଲୀମୋନ 1:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱିଜୁଦିନ୍ ନି କାଜିଙ୍ଗ୍ ପାର୍ତାନା କିଜି ଈଶ୍ୱରତିଙ୍ଗ୍ ଦନ୍ଯବାଦ୍ କିନାଙ୍ଗା।

ଏବ୍ରି 13:25

ଈଶ୍ୱରତି ଦୟା ମିହୁଦାଙ୍ଗ୍ ମାନେତ୍।

୩ ଯୋହନ 1:1

ଆନେଙ୍ଗ୍ ଯୋହନ, ଆରେ ଆନେଙ୍ଗ୍ ର ମଣ୍ଡ୍‌ଲିନି ପ୍ରାଚିନ୍‌, ଆନେଙ୍ଗ୍ ହାତ୍‌ପା ଲାଡ୍‌କିନି ଗାୟ ତାକେ ଇ ଚିଟି ଲେକିକିନାଙ୍ଗା।