ତୀତସ 3:14 - New Testament in Pengo Parja Language

¹⁴ ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ତୀତସ 3:14 Iomraidhean Croise

ମାତିଉ 21:19

ହେପାଦ୍ନା ହାଜି ଲାଗେ ଆକିଙ୍ଗ୍ ମାନି ର ତଗାମାର୍‌ତିଙ୍ଗ୍ ହୁଡ଼୍‌ତାନ୍। ଆରେ ହେ ତଗାମାର୍ ଲାଗାୟ୍ ହାଚାନ୍। ହେ ମାର୍‌ତ ଆପ୍‌କା ଆକିଙ୍ଗ୍ ପିସ୍ତି ଇନାକାପା ଗାଟାଆୱାତାନ୍। ଲାଗିଙ୍ଗ୍ ହେ ତଗାମାର୍‌ତିଙ୍ଗ୍ ୱେଚ୍‌ଚାନ୍, “ଆରେ ଇନାୱେଡ଼ାଙ୍ଗ୍ ପା ପାଡ଼୍‌ଆହ୍‌ମେତ୍।” ହେବେତାଙ୍ଗ୍ ହେ ତଗାମାର୍‌ ୱାଚ୍‌ଜି ହାଚାତ୍।

ମାତିଉ 7:19

ଇମ୍‌ଣି ମାର୍ ହାର୍ଦି ପାଡ଼୍‌ ଆହୁତ୍ ହେଦାଙ୍ଗ୍‌ତିଙ୍ଗ୍‌ କାଦ୍‌ଦି ନାଣିତାକେ ତୁହିୟା ଆନାତ୍, ହେଲେକେ ଇମ୍‌ଣାକାନ୍ ହାର୍ଦି ବେଣ୍ ଇନ୍‌ୱିତିସ୍ ହେୱାନିଙ୍ଗ୍ ଈଶ୍ୱର ନାଣିନି ନରକ୍‌ତାକେ ତୁସିହିନାନ୍‌।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:8

ଏପେଙ୍ଗ୍ ବେସି ପାଡ଼୍‌ ଉବ୍‌ଜାଇ କିୟାଟ୍, ଆରେ ନା ଚେଲାଇଞ୍ଜି ଚଚିୟା ଆଡ। ଇଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ପକ୍ୟାତାକା 18:3

ପାଉଲ ଲେକେ ହେୱାର୍ ପା ତମ୍ୱୁ ବେପାର୍ କିଜି ମାଚାର୍। ଲାଗିଙ୍ଗ୍ ହେୱାନ୍ ହେୱାର୍ ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିତାନ୍।

ପକ୍ୟାତାକା 20:35

ଆନେଙ୍ଗ୍ ଏଲେଙ୍ଗ୍ ୱିଜୁ କାମାୟ୍ କିଜି ମିଙ୍ଗେଙ୍ଗ୍ ଚଚ୍‌ଚାତାଙ୍ଗ୍‌ନା, ଏପେଙ୍ଗ୍ ଇଲେକେ କାମାୟ୍ କିଜି ଗରିବ୍ ଲଗାଙ୍ଗ୍ ସାଇଜ କିୟାଟ୍। ମାପୃ ଯୀଶୁ ନିଜେ ୱେଚ୍‌ଚିତି କାତାତିଙ୍ଗ୍ ମାନ୍ତ ଏତୁକିୟାଟ୍, ‘ଅନାକାତାଙ୍ଗ୍ ହିନାକା ବେସି ଆଶ୍ରିବାଦ୍ ଆନାତ୍।’ ”

ରୋମିୟ 12:13

ଏପେଙ୍ଗ୍ ଦରମ୍ ମାନାୟାରିଙ୍ଗ୍ ଦର୍‌କାର୍‌ଆନି ଜିନିଷ୍ କାଜିଙ୍ଗ୍ ସାଇଜ କିୟାଟ୍। ଆରେ ଗତାଙ୍ଗ୍ ମିଞ୍ଜ ୱାତିସ୍, ହେୱାରିଙ୍ଗ୍ ହେବା କିୟାଟ୍।

ରୋମିୟ 15:28

ଲାଗିଙ୍ଗ୍ ଆନେଙ୍ଗ୍ ପାର୍ତୁମ୍ ଯିରୁଶାଲାମତାକେ ହାଲ୍‌ଜି ହେୱାରିଙ୍ଗ୍ ସାଇଜ କିନି ଇ ରୁଣ୍ଡାୟ୍ କିତି ଡାବୁକାଙ୍ଗ୍ ହିନାଙ୍ଗ୍। ତାପାଚେ ଆନେଙ୍ଗ୍ ରମ ସହରତାକେ ୱାଜି ମିଙ୍ଗେଙ୍ଗ୍ ମାହାଆଜି ସ୍ପେନ୍ ଦେସ୍‌ତାକେ ହାନାଙ୍ଗ୍।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 4:16

ଆନେଙ୍ଗ୍ ଥେସଲନିକି ସହର୍‌ତାକେ ମାଚିହିଙ୍ଗ୍ ପା ନା ଅବାବ୍‌ତିଙ୍ଗ୍ ପୁରା କିଦେଙ୍ଗ୍ ରଗ ରିହା ଡାବୁଙ୍ଗ୍ ହିଜି ସାଇଜ କିତ୍‌ତାଦେର୍‌ନା।

ପିଲିପିୟ 4:17

ଆନେଙ୍ଗ୍ ମିବେତାଙ୍ଗ୍ ୱିଜୁଦିନ୍ ଡାବୁଙ୍ଗ୍ ପାୟା ଆଦେଙ୍ଗ୍ ଇଚା କିଉଙ୍ଗା। ମାତର୍ ଏପେଙ୍ଗ୍ ଏଚେକ୍ ହାର୍ଦି କାମାୟ୍ କିତାଦେର୍‌ନା ଇଦାଙ୍ଗ୍ ପା ରଞ୍ଜାଙ୍ଗ୍ ହାର୍ଦି କାମାୟ୍ ଇଞ୍ଜି ପୁନିକିଦେଙ୍ଗ୍ ଇଚା କିତାଙ୍ଗ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 2:9

ଏ ଟଣ୍ଡାର୍‌କାଦେର୍, ଆପେଙ୍ଗ୍ କିଜିମାଚି କଷ୍ଟ କାମାୟ୍ ୱିଜୁ ମିଙ୍ଗେଙ୍ଗ୍ ମାନ୍ତ ମାନାତ୍, ଆପେଙ୍ଗ୍ ମି ବିତ୍ରେ ଇନେରିଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍, ମାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍। ଆରେ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ଶୁଣାୟ୍ କିତ୍‌ତାପ୍।

୨ ଥେସଲନୀକିୟ 3:8

ଆରେ ଡାବୁଙ୍ଗ୍ ହିୱାଦାଙ୍ଗ୍ ଆପେଙ୍ଗ୍ ଇନେର୍ ଇଞ୍ଜ ପା ଉଣ୍‌ୱାଦାଙ୍ଗ୍ ମାଚାପ୍, ମାତର୍ ମା ଦର୍‌କାର୍‌ନି ଜିନିଷ୍ କାଜିଙ୍ଗ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍।

ତୀତସ 2:8

ମାନାୟାର୍ ନିନ୍ଦା ହିଦ୍‌ୱି ଲେକେ ସତ୍ ହିକ୍ଷା ୱିଜୁଦିନ୍ ହିୟାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ପା, ମା ବିଷୟରେ ଇମ୍‌ଣି କରାପ୍ ବେଣ୍ ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ଲାଜ୍ ପାୟାଆନାର୍‌।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

୨ ପିତର 1:8

ଇ ୱିଜୁ ବିଷୟ ଯଦି ମିବେ ମାନ୍‌ଞ୍ଜି ବାଡା ଆନାତ୍, ଲାଗିଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ବିଷୟନି ବୁଦିତାଙ୍ଗ୍ ଏପେଙ୍ଗ୍ ବ୍ଯବହାର୍ କିତିଲେକେ ଆରେ ପାଡ଼୍‌ ଆସ୍ତି ଲେକେ ଆଦେଙ୍ଗ୍ ଆଡ୍‌ନାଦେର୍।