ତୀତସ 3:13 - New Testament in Pengo Parja Language

¹³ ଓକିଲ ଜିନା ଆରେ ଆପୋଲ ହେୱାର୍ ହାଜ୍‌ଦିଙ୍ଗ୍ ହାନି ୱେଡ଼ାଲିଙ୍ଗ୍, ଏପେଙ୍ଗ୍ ଇନାକା ପା ସାଇଜ କିଦେଙ୍ଗ୍ ଆଡ୍‌ନାଦେର୍ ହେୱାରିଙ୍ଗ୍ ହିୟାଟ୍, ଇନେସ୍‌କି ହେୱାରିଙ୍ଗ୍ ଇନା ଅବାବ୍ ଆମେତ୍।

ତୀତସ 3:13 Iomraidhean Croise

ମାତିଉ 22:35

ଆରେ ହେୱାର୍ ବିତ୍ରେତାଙ୍ଗ୍ ରକାନ୍ ପଣ୍ଡିତ୍‌ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:25

ରଦିନ୍ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ତାପାଚେ ରକାନ୍ ପଣ୍ଡିତ୍‌ ୱାଜି ନିଲ୍‌ତାନ୍। ହେୱାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍, “ଏ ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:45

ରକାନ୍ ପଣ୍ଡିତ୍‌ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଇଲେକେ ବେଣ୍ ୱେଚ୍‌ଚି ମା ପାରୁସିଦଳ୍‍ନି ମାନାୟାରିଙ୍ଗ୍ ଅପ୍‌ମାନ୍ ହିଦ୍‌ନାୟା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:52

ଏ ପଣ୍ଡିତ୍‌ କାଦେର୍! ମି ଦଣ୍ଡ୍ ଏଚେକ୍ ବୟ୍‌ଙ୍କାର୍ ଆନାତ୍। ଇନେସ୍‌କି ଏପେଙ୍ଗ୍ ଈଶ୍ୱର ବୁଦିନି କୁଚିକାଡିଙ୍ଗ୍ ଡ଼ୁକ୍‌ତାଦେର୍। ନିଜେ ବିତ୍ରେ ହାଲ୍‌ଜି ବୁଦି ହିକାଆୱାତାଦେର୍ କି, ଇମ୍‌ଣାକାର୍ ହିକାଆଦେଙ୍ଗ୍ ଇଚାକିଜି ମାଚାର୍, ହେୱାରିଙ୍ଗ୍ ପା ହିକାଆଦେଙ୍ଗ୍ ହିୱାତାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:3

ଯୀଶୁ ପାରୁସିଦଳ୍‍ ଆରେ ପଣ୍ଡିତାରିଙ୍ଗ୍ ୱେନ୍‌ବାତାର୍, “ଜମ୍‌ନିଦିନ୍‌ ନାଞ୍ଜିଙ୍ଗ୍ ହାର୍‍କିନାକା ଟିକ୍ କି ବୁଲ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:30

ମାତର୍ ପାରୁସିଦଳ୍‍ ଆରେ ପଣ୍ଡିତାର୍ ଡୁବନ୍‌ହିନି ଯୋହନତାଙ୍ଗ୍ ଡୁବନ୍ ଅୱାତାର୍। ଆରେ ଜିବୁନ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନ୍‌କିୱାତାର୍।

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପକ୍ୟାତାକା 18:24

ଏପାଦ୍ନା ଆପୋଲ ତର୍‍ଦାକାନ୍ ରକାନ୍ ଯିହୁଦି ମାନାୟ୍ ଏପିସ ସହର୍‌ତାକେ ୱାତାନ୍। ହେୱାନ୍ ଆଲେକ୍‌ଜାଣ୍ଡ୍ରିଆ ସହର୍‌ନି ମାନାୟ୍ ମାଚାନ୍। ହେୱାନ୍ ରକାନ୍ ହାର୍ଦି ବାଷଣ୍ ହିନାକାନ୍ ମାଚାନ୍, ଆରେ ଦରମ୍ ସାସ୍ତର୍‌ନି ବିଷୟ ବେସି ପୁନ୍‌ଞ୍ଜି ମାଚାନ୍।

ପକ୍ୟାତାକା 19:1

ଆପୋଲ କରନ୍ତିୟ ସହର୍‌ତାକେ ମାନିହିଙ୍ଗ୍, ପାଉଲ ଗାଲାତିୟ ଆରେ ଫ୍ରୁଗିଆ ସହର୍ ନିପଣ୍ ଆଜି ଏପିସ ସହର୍‌ତାକେ ଇକାତାନ୍। ଆରେ ହେବେ କେତେକ୍ ପାର୍ତିକିନି ଚେଲାହିରିଙ୍ଗ୍ ଗିଟାଆତାନ୍।

ପକ୍ୟାତାକା 21:5

ହେବେ ସାତ୍‌ଦିନ୍ ମାଚି ପାଚେ ହେବେତାଙ୍ଗ୍ ମା ହାଜ୍‌ଦିଙ୍ଗ୍ ଆପେଙ୍ଗ୍ ହାଚାପ୍। ହେୱାର୍ ୱିଜାକାର୍ କଗ୍‍ଲେକ୍ ଆରେ ହିମ୍‌ଣାୱାକ୍‌ଡ଼ା ହୁଦାଙ୍ଗ୍ ସହର୍‌ନି ହାମ୍‌ଦୁର୍ କାଣ୍ଡିତାକେ ଇଡ୍‌ଗି ୱାତାର୍। ହେବେ ଆପେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିତାପ୍।

ପକ୍ୟାତାକା 28:10

ହେୱାର୍ ମାଙ୍ଗେଙ୍ଗ୍ ବେସି ସନ୍‌ମାନ୍ କିଜି ହେବା କିତ୍‌ତାର୍, ଆରେ ହେୱାର୍‌ତାଙ୍ଗ୍ ଆପେଙ୍ଗ୍ ହସିହାନିହିଙ୍ଗ୍ ଦର୍‌କାର୍‌ଆନି ଜିନିଷ୍ ୱିଜୁ ଜଗାଇ କିତ୍‌ତାର୍।

ରୋମିୟ 15:24

ଆନେଙ୍ଗ୍ ସ୍ପେନ୍ ଦେସ୍‌ତାକେ ହାନି କାଜିଙ୍ଗ୍ ଉପାୟ୍ କିନାଙ୍ଗା, ଆରେ ଆନେଙ୍ଗ୍ ଏଚେପାଦ୍ନା ହାନାଙ୍ଗ୍, ରମ ସହର୍‌ତାକେ ୱାଜି ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆହା କିନାଙ୍ଗା। ଆରେ ମିହୁଦାଙ୍ଗ୍ ମାହାଆଜି ୱାରିକିତି ପାଚେ, ଆନେଙ୍ଗ୍ ସ୍ପେନ୍ ସହର୍‌ତାକେ ହାନାଙ୍ଗ୍।

୧ କରନ୍ତିୟ 16:11

ୱିଜାକାର୍ ତାଙ୍ଗେଙ୍ଗ୍ ଆହେର୍‌, ଆରେ ହେୱାନ୍ ନାବେ ଲେଉଟା ଆଜି ୱାନିହିଙ୍ଗ୍ ତାଙ୍ଗେଙ୍ଗ୍ ଦର୍‌କାର୍‌ଆନି ଜିନିଷ୍ ହିଜି ହାର୍‌ଦାଙ୍ଗ୍ ପକ୍ତାଟ୍। ଆନେଙ୍ଗ୍ ଆହା କିନାଙ୍ଗା ଯେ ହେୱାନ୍ ଜେକନି ପାର୍ତିକିନି ଟଣ୍ଡାର୍ ହୁଦାଙ୍ଗ୍ ୱାନାନ୍।

୧ କରନ୍ତିୟ 16:12

ନଙ୍ଗୟ୍ ଆନେଙ୍ଗ୍ ମା ପାର୍ତିକିନି ଟଣ୍ଡେନ୍ ଆପୋଲ ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍, ତାଙ୍ଗେଙ୍ଗ୍ ଆନେଙ୍ଗ୍ ଜେକନି ପାର୍ତିକିନି ଟଣ୍ଡାର୍ ହୁଦାଙ୍ଗ୍ ମାହାଆଜି ମିଙ୍ଗେଙ୍ଗ୍ ବେଟା ଆଦେଙ୍ଗ୍ ଇଚା କିଜି ମାଚାଙ୍ଗ୍, ମାତର୍ ହେୱାନ୍ ନଙ୍ଗୟ୍ ମି ଲାଗେ ୱାଦେଙ୍ଗ୍ ଇଚା କିଉନା। ଏଚେପାଦ୍ନା ତାଙ୍ଗେଙ୍ଗ୍ ସୁଯଗ୍ ଗାଟାଆନାତ୍‌ ହେପାଦ୍ନା ହେୱାନ୍ ମିଙ୍ଗେଙ୍ଗ୍ ବେଟା ଆଦେଙ୍ଗ୍ ୱାନାନ୍।